1. ಭಾರತದ ಚುನಾವಣಾ ಆಯೋಗವು, 1951ರ ಜನಪ್ರತಿನಿಧಿ ಕಾಯ್ದೆಯ ಸೆಕ್ಷನ್ 39A ಅಡಿಯಲ್ಲಿ, ಅಸ್ಸಾಂ, ಕೇರಳ, ಪುದುಚೇರಿ, ತಮಿಳುನಾಡು ಮತ್ತು ಪಶ್ಚಿಮ ಬಂಗಾಳದ ವಿಧಾನಸಭಾ ಸಾರ್ವತ್ರಿಕ ಚುನಾವಣೆಗಳ ಸಂದರ್ಭದಲ್ಲಿ ರಾಷ್ಟ್ರೀಯ ಮತ್ತು ರಾಜ್ಯ ಮಾನ್ಯತೆ ಪಡೆದ ರಾಜಕೀಯ ಪಕ್ಷಗಳಿಗೆ ದೂರದರ್ಶನ ಮತ್ತು ಆಕಾಶವಾಣಿಯಲ್ಲಿ (AIR) ಪ್ರಸಾರ ಸಮಯವನ್ನು ಹಂಚಿಕೆ ಮಾಡಲು ನಿರ್ದೇಶನಗಳನ್ನು ನೀಡಿದೆ.
2. ಅದರಂತೆ, ವಿಧಾನಸಭಾ ಚುನಾವಣೆಗಳಿಗಾಗಿ 5 ಚುನಾವಣಾ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳಲ್ಲಿನ ಎಲ್ಲಾ ಮಾನ್ಯತೆ ಪಡೆದ ರಾಷ್ಟ್ರೀಯ ಮತ್ತು ರಾಜ್ಯ ರಾಜಕೀಯ ಪಕ್ಷಗಳಿಗೆ ಐಟಿ ವೇದಿಕೆಯ ಮೂಲಕ ಡಿಜಿಟಲ್ ಸಮಯದ ವೋಚರ್ಗಳನ್ನು ನೀಡಲಾಗಿದೆ.
3. ಪ್ರಸಾರ/ದೂರದರ್ಶನ ಅವಧಿಯನ್ನು ಪ್ರತಿ ಹಂತದಲ್ಲಿ ಸ್ಪರ್ಧಿಸುವ ಅಭ್ಯರ್ಥಿಗಳ ಪಟ್ಟಿಯ ಪ್ರಕಟಣೆಯ ದಿನಾಂಕ ಮತ್ತು ಚುನಾವಣಾ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಮತದಾನದ ದಿನಾಂಕಕ್ಕಿಂತ ಎರಡು ದಿನಗಳ ಮೊದಲು ನಿಗದಿಪಡಿಸಲಾಗುತ್ತದೆ. ವಾಸ್ತವ ಪ್ರಸಾರ/ದೂರದರ್ಶನವನ್ನು ರಾಜಕೀಯ ಪಕ್ಷಗಳ ಅಧಿಕೃತ ಪ್ರತಿನಿಧಿಗಳು ಮತ್ತು ಸಂಬಂಧಿತ ರಾಜ್ಯ/ಕೇಂದ್ರಾಡಳಿತ ಪ್ರದೇಶದ ಸಿಇಒ (CEO) ಕಚೇರಿಯ ಅಧಿಕಾರಿಗಳ ಸಮ್ಮುಖದಲ್ಲಿ ರಾಜ್ಯ/ಕೇಂದ್ರಾಡಳಿತ ಪ್ರದೇಶ ಮಟ್ಟದಲ್ಲಿ ಲಾಟರಿ (draw of lots) ಎತ್ತುವ ಮೂಲಕ ಮುಂಚಿತವಾಗಿ ನಿಗದಿಪಡಿಸಲಾಗುತ್ತದೆ.
4. ಈ ಯೋಜನೆಯಡಿಯಲ್ಲಿ, ದೂರದರ್ಶನ ಮತ್ತು ಆಕಾಶವಾಣಿ ಎರಡರಲ್ಲೂ 45 ನಿಮಿಷಗಳ ಮೂಲ ಸಮಯದ ಉಚಿತ ಪ್ರಸಾರ ಮತ್ತು ದೂರದರ್ಶನ ಸೌಲಭ್ಯಗಳನ್ನು ಪ್ರತಿ ಪಕ್ಷಕ್ಕೂ ರಾಜ್ಯದೊಳಗಿನ ಪ್ರಾದೇಶಿಕ ನೆಟ್ ವರ್ಕ್ ನಲ್ಲಿ ಏಕರೂಪವಾಗಿ ಒದಗಿಸಲು ಹಂಚಿಕೆ ಮಾಡಲಾಗಿದೆ. 
5. ಆಯಾ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳಲ್ಲಿನ ಹಿಂದಿನ ವಿಧಾನಸಭಾ ಚುನಾವಣೆಗಳಲ್ಲಿ ರಾಜಕೀಯ ಪಕ್ಷಗಳ ಚುನಾವಣಾ ಸಾಧನೆಯ ಆಧಾರದ ಮೇಲೆ ಹೆಚ್ಚುವರಿ ಸಮಯವನ್ನು ಹಂಚಿಕೆ ಮಾಡಲಾಗಿದೆ.
6. ರಾಜಕೀಯ ಪಕ್ಷಗಳು ಸಂಬಂಧಿತ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವ ಮೂಲಕ ಪ್ರತಿಲಿಪಿಗಳನ್ನು ಮತ್ತು ಧ್ವನಿಮುದ್ರಣಗಳನ್ನು ಮುಂಚಿತವಾಗಿ ಸಲ್ಲಿಸಬೇಕಾಗುತ್ತದೆ. ಪ್ರಸಾರ ಭಾರತಿ ನಿಗದಿಪಡಿಸಿದ ತಾಂತ್ರಿಕ ಮಾನದಂಡಗಳನ್ನು ಪೂರೈಸುವ ಸ್ಟುಡಿಯೋಗಳಲ್ಲಿ ಅಥವಾ ದೂರದರ್ಶನ/ಆಕಾಶವಾಣಿ ಕೇಂದ್ರಗಳಲ್ಲಿ ಧ್ವನಿಮುದ್ರಣಗಳನ್ನು ಮಾಡಬಹುದು.
7. ಪಕ್ಷದ ಪ್ರಸಾರಗಳ ಜೊತೆಗೆ, ಪ್ರಸಾರ ಭಾರತಿ ನಿಗಮವು ದೂರದರ್ಶನ ಮತ್ತು ಆಕಾಶವಾಣಿಯಲ್ಲಿ ಗರಿಷ್ಠ ಎರಡು ಚರ್ಚಾಗೋಷ್ಠಿಗಳು ಮತ್ತು/ಅಥವಾ ಸಂವಾದಗಳನ್ನು ಆಯೋಜಿಸುತ್ತದೆ. ಪ್ರತಿಯೊಂದು ಅರ್ಹ ರಾಜಕೀಯ ಪಕ್ಷವು ಈ ಕಾರ್ಯಕ್ರಮಕ್ಕಾಗಿ ಒಬ್ಬ ಪ್ರತಿನಿಧಿಯನ್ನು ನಾಮನಿರ್ದೇಶನ ಮಾಡಬಹುದು, ಇದನ್ನು ಒಬ್ಬ ಅನುಮೋದಿತ ಸಂಯೋಜಕರು ನಿರ್ವಹಿಸುತ್ತಾರೆ.

*****