কেন্দ্রগী য়ুম্লৈ-কৈরৈ অমসুং কোওপরেসন মন্ত্রী, শ্রী অমিত শাহনা তোঙান-তোঙানবা মফমশিংদা পাংথোক্লিবা তোঙান-তোঙানবা ত্রেদিস্নেল ন্যু য়্যর ফেস্তিবেলশিংগী থৌরমদা লৈবাক অসিগী মীয়ামদা য়াইফ-পাউজেল পীখ্রে।

Xকী পোস্তকী পরিং অমদা, শ্রী অমিত শাহনা হায়খি, “কর্নাতকাগী মীয়াম পুম্নমক্তা উগাদিগী য়াইফ-পাউজেল পীজরি। অনৌবা চহীবু তরাম্না ওক্লিবা কুমহৈ অসিনা মীপুম খুদিংমক্কী পুন্সিদা নুংঙাইবা, অপুনবা অমসুং চাউখৎপা পুরকপা ওইরসনু।”

য়ুম্লৈ-কৈরৈ মন্ত্রী শ্রী অমিত শাহনা তেলুগু কম্ম্যুনিতীদা য়াইফ-পাউজেল পীরদুনা হায়খি, “পরাভবা নম সম্বাতসরাগী য়াইফরবা থৌরম অসিদা তেলুগু মীয়াম পুম্নমক্তা উগাদীগী য়াইফ-পাউজেল পীজরি। অনৌবা চহি অসিনা ময়াম পুম্নমক্কী পুন্সিদা শান্তি, অফবা হকশেল অমসুং নুংঙাইবা পুরকপা ওইরসনু হায়না ঐহাক্না থম্মোয় শেংনা থৌনিজরি।”

শ্রী অমিত শাহনা গুদী পদ্ৱাগী মতাংদ পোস্ত অমশু থাংগৎলদুনা মহাক্না হায়খি, “গুদী পদ্ৱাগী য়াইফরবা থৌরম অসিদা লৈবাক অসিগী মীয়াম পুম্নমকপু নুংঙাইবা ফোংদোকচরি! মাইপাকপা, চাউখৎপা অমসুং য়াইফবগী খুদম ওইরিবা থৌরম অসিনা মীপুম খুদিংমক্কী পুন্সিদা অনৌবা ইনর্জী অমসুং ঙমখৈ লৈতবা নুংঙাইবা পুরকপা ওইরসনু। মসি ঐহাক্কী থম্মোয়গী অপাম্বনি।”

নৱরেহগী য়াইফ-পাউজেল পীরদুনা, শ্রী অমিত শাহনা হায়খি, “নৱরেহগী য়াইফরবা থৌরম অসিদা ঐখোয়গী কাশ্মীরী পন্দিৎ ইচিল-ইনাওশিংদা য়াইফ-পাউজেল পীজরি। অনৌবা চহি অসিনা মীপুম খুদিংমক্তা শান্তি, নুংঙাইবা, অফবা হকশেল অমসুং চাউখৎপা পুরকপা ওইরসনু।”

মনিপুরগী মীয়ামদা সাজিবু চৈরাওবা নুমিত্তা য়াইফ-পাউজেল পীরদুনা য়ুম্লৈ-কৈরৈ মন্ত্রী, শ্রী অমিত শাহনা হায়খি, “মনিপুরগী ঐখোয়গী ইচিল-ইনাওশিংদা সাজিবু চৈরাওবা নুমিত্তা য়াইফ-পাউজেল পীজরি। অনৌবা চহি অসিনা ঐখোয়গী চৎনবীগা লোয়ননা ঐখোয়গী হৌরকফমশিংবু মপাঙ্গল কনখৎহনবা অমসুং পুম্নমকপু নুংঙাইবা অমসুং ৱাত্ত-পাদনা লৈহন্নবা য়াইফ-পাউজেল পীজরি।”

ছেতি চান্দ কুমহৈদা সিন্ধি কম্ম্যুনিতীদা মহাক্কী য়াইফ-পাউজেল পীরদুনা কেন্দ্রগী য়ুম্লৈ-কৈরৈ মন্ত্রীনা হায়খি, “ভগবান জুলেলালগী মপোক কুমওন অমসুং ছেতি চান্দ কুমহৈদা সিন্ধি কম্ম্যুনিতীগী ইচিল-ইনাও পুম্নমকপু ঐহাক্না য়াইফ-পাউজেল পীজরি। ভগবান জুলেলালনা পীখিবা ম্যুচেল হার্মোনিগী পাউজেল - হ্যুমেনিতীবু পুম্নমক্কী মথক্তা থম্বা - অসি মীওইবা খুন্নাইগীদমক্তা মতম পুম্নমক্তা পুক্নিং থৌগৎনিংঙাই ওইবা ৱাফম অমা ওইদুনা লৈহৌরগনি। পুম্নমক্কী য়াইফনবগীদমক ঐহাক্না ভগবান জুলেলালদা খুরুমদুনা থৌনিজরি।”

***