ಕೇಂದ್ರ ಜಲಶಕ್ತಿ ಸಚಿವರಾದ ಶ್ರೀ ಸಿ.ಆರ್‌. ಪಾಟಿಲ್‌ ಅವರು ಸಾರ್ವಜನಿಕ ಆರೋಗ್ಯ ಎಂಜಿನಿಯರಿಂಗ್‌ ಇಲಾಖೆ (ಪಿಎಚ್‌ಇಡಿ) / ಗ್ರಾಮೀಣ ನೀರು ಸರಬರಾಜು (ಆರ್‌ಡಬ್ಲ್ಯುಎಸ್‌) ಮತ್ತು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಪಂಚಾಯತ್‌ ರಾಜ್‌ ಇಲಾಖೆಗಳ ಸಚಿವರೊಂದಿಗೆ ಜಲ ಜೀವನ್‌ ಮಿಷನ್‌ 2.0 ಅನುಷ್ಠಾನದ ಮಾರ್ಗಸೂಚಿಯ ಬಗ್ಗೆ ಚರ್ಚಿಸಲು ಸಭೆ ನಡೆಸಿದರು. ಜಲಶಕ್ತಿ ಸಚಿವಾಲಯದ ರಾಜ್ಯ ಸಚಿವ ಶ್ರೀ ವಿ. ಸೋಮಣ್ಣ ಕೂಡ ಸಭೆಯಲ್ಲಿ ಭಾಗವಹಿಸಿದ್ದರು.

ವರ್ಧಿತ ವೆಚ್ಚ ಮತ್ತು ರಚನಾತ್ಮಕ ಸುಧಾರಣೆಗಳೊಂದಿಗೆ ಜಲ ಜೀವನ್‌ ಮಿಷನ್‌ 2.0 ಅನ್ನು 2028ರ ಡಿಸೆಂಬರ್‌ವರೆಗೆ ವಿಸ್ತರಿಸಲು ಕ್ಯಾಬಿನೆಟ್‌(ಸಂಪುಟ) ಅನುಮೋದನೆಯ ಹಿನ್ನೆಲೆಯಲ್ಲಿ ಸಭೆಯನ್ನು ಕರೆಯಲಾಯಿತು.

ಕೇಂದ್ರ ಜಲಶಕ್ತಿ ಸಚಿವರಾದ ಶ್ರೀ ಸಿ.ಆರ್‌. ಪಾಟಿಲ್‌ ಅವರು ಗ್ರಾಮೀಣ ಕೊಳವೆ ನೀರು ಸರಬರಾಜು ಸ್ವತ್ತುಗಳ ಸಂಪೂರ್ಣ ಡಿಜಿಟಲ್‌ ಮ್ಯಾಪಿಂಗ್‌ಅನ್ನು ಸಕ್ರಿಯಗೊಳಿಸುವ ಯೋಜನೆ ಆಧಾರಿತ ವಿಶಿಷ್ಟ ಡಿಜಿಟಲ್‌ ಐಡಿಫೈಯರ್‌ ಸುಜಲ್‌ ಗಾಂವ್‌ ಐಡಿಯನ್ನು ಬಿಡುಗಡೆ ಮಾಡಿದರು. ದೇಶದಲ್ಲಿ ಮೊದಲ ಬಾರಿಗೆ, ಪ್ರತಿ ಗ್ರಾಮೀಣ ಕುಡಿಯುವ ನೀರಿನ ಯೋಜನೆಗೆ ಡಿಜಿಟಲ್‌ ಗುರುತನ್ನು ನೀಡಲಾಗುತ್ತಿದೆ. ಗ್ರಾಮೀಣ ನೀರು ಸರಬರಾಜು ವ್ಯವಸ್ಥೆಯನ್ನು ಏಕೀಕೃತ ರಾಷ್ಟ್ರೀಯ ವೇದಿಕೆಗೆ ತರಲಾಗುತ್ತಿದೆ. ಇಲ್ಲಿಯವರೆಗೆ, 31 ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳಲ್ಲಿ1.64 ಲಕ್ಷ  ಸುಜಲ್‌ ಗಾಂವ್‌ ಗುರುತಿನ ಚೀಟಿಗಳನ್ನು ರಚಿಸಲಾಗಿದೆ. ಇದು 67,000 ಸುಜಲಾಂ ಭಾರತ್‌ ಗುರುತಿನ ಚೀಟಿಗಳಿಗೆ ಲಿಂಕ್‌ ಮಾಡಲಾಗಿದೆ. ಪ್ರತಿ ಸುಜಲಾಂ ಭಾರತ್‌ ಐಡಿ ಯೋಜನೆಯ ಮೂಲಸೌಕರ್ಯ ಗುರುತಿನ ಚೀಟಿ ಮತ್ತು ಸೇವಾ ಪ್ರದೇಶ ಐಡಿಯನ್ನು ಸಂಯೋಜಿಸುತ್ತದೆ. ಗ್ರಾಮೀಣ ನೀರಿನ ಸೇವಾ ವಿತರಣೆಯ ಸಮಗ್ರ ಡಿಜಿಟಲ್‌ ಹೆಜ್ಜೆಗುರುತನ್ನು ಸೃಷ್ಟಿಸುತ್ತದೆ. ಈ ಉಪಕ್ರಮವು ಮಹತ್ವದ ಡಿಜಿಟಲ್‌ ಸುಧಾರಣೆಯನ್ನು ಸೂಚಿಸುತ್ತದೆ, ಇದು ಪಾರದರ್ಶಕತೆಯನ್ನು ಬಲಪಡಿಸುವ, ಮೇಲ್ವಿಚಾರಣೆ ಮಾಡುವ ಮತ್ತು ತಾಂತ್ರಿಕವಾಗಿ ಸಶಕ್ತ ವಿಕಸಿತ ಭಾರತ್‌ 2047 ರ ದೃಷ್ಟಿಕೋನಕ್ಕೆ ಕೊಡುಗೆ ನೀಡುವ ಪರಿವರ್ತಕ, ವ್ಯವಸ್ಥೆಯನ್ನು ಬದಲಾಯಿಸುವ ಹೆಜ್ಜೆಯಾಗಿದೆ.

ಜಲಶಕ್ತಿ ಸಚಿವರನ್ನುದ್ದೇಶಿಸಿ ಮಾತನಾಡುವಾಗ, ಯೋಜನೆಗಳನ್ನು ಸಕಾಲದಲ್ಲಿ ಪೂರ್ಣಗೊಳಿಸುವುದನ್ನು ಖಚಿತಪಡಿಸಿಕೊಳ್ಳಲು ಮತ್ತು ತಳಮಟ್ಟದ ಮೇಲ್ವಿಚಾರಣೆಯನ್ನು ಬಲಪಡಿಸಲು ರಾಜ್ಯಗಳನ್ನು ಒತ್ತಾಯಿಸಿದರು. ನೀರು ರಾಜ್ಯದ ವಿಷಯವಾಗಿರುವುದರಿಂದ, ಮಿಷನ್‌ನ ಯಶಸ್ಸು ಗ್ರಾಮೀಣ ಮನೆಗಳಿಗೆ ವಿಶ್ವಾಸಾರ್ಹ ನಲ್ಲಿನೀರು ಪೂರೈಕೆಯನ್ನು ತಲುಪಿಸುವಲ್ಲಿ ರಾಜ್ಯ ಸರ್ಕಾರಗಳ ಉತ್ತರದಾಯಿತ್ವದ ಮೇಲೆ ಅವಲಂಬಿತವಾಗಿದೆ.

ತಾಂತ್ರಿಕ ನ್ಯೂನತೆಗಳಿಂದಾಗಿ ಕೆಲವು ರಾಜ್ಯಗಳಲ್ಲಿವಿಳಂಬವಾಗಿದೆ ಎಂದು ಅವರು ಒತ್ತಿ ಹೇಳಿದರು ಮತ್ತು ದೊಡ್ಡ ಗಾತ್ರದ ಅಥವಾ ತಾಂತ್ರಿಕವಾಗಿ ಅನುಸರಣೆ ಮಾಡದ ಕಾಮಗಾರಿಗಳಿಂದ ಉಂಟಾಗುವ ಯಾವುದೇ ವೆಚ್ಚವನ್ನು ಆಯಾ ರಾಜ್ಯ ಸರ್ಕಾರಗಳು ಭರಿಸಬೇಕಾಗುತ್ತದೆ ಎಂದು ಒತ್ತಿ ಹೇಳಿದರು, ರಾಜ್ಯದ ನಿಧಿಯೂ ಸಾರ್ವಜನಿಕ ಹಣವಾಗಿದೆ ಮತ್ತು ಆದ್ದರಿಂದ ಅದನ್ನು ಉನ್ನತ ಗುಣಮಟ್ಟದ ಜಾಗರೂಕತೆ ಮತ್ತು ಉತ್ತರದಾಯಿತ್ವದೊಂದಿಗೆ ಬಳಸಬೇಕು ಎಂದು ಅವರು ಹೇಳಿದರು.

ಗ್ರಾಮೀಣ ನೀರು ಸರಬರಾಜು ವ್ಯವಸ್ಥೆಗಳ ದೀರ್ಘಕಾಲೀನ ಸುಸ್ಥಿರತೆಯನ್ನು ಖಚಿತಪಡಿಸಿಕೊಳ್ಳಲು ಅನುಮೋದಿತ ತಾಂತ್ರಿಕ ವಿಶೇಷಣಗಳು, ವೆಚ್ಚದ ಮಿತಿಗಳು ಮತ್ತು ಸರಿಯಾದ ಮೂಲ ಮೌಲ್ಯಮಾಪನವನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು ಎಂದು ಅವರು ಒತ್ತಿ ಹೇಳಿದರು. ಋುತುಮಾನದ ಕೊರತೆ ಎದುರಿಸುತ್ತಿರುವ ಪ್ರದೇಶಗಳಲ್ಲಿ ಜಲ ಸಂರಕ್ಷಣೆ ಮತ್ತು ಮರುಪೂರಣ ಪ್ರಯತ್ನಗಳನ್ನು ವಿಸ್ತರಿಸಲು ಅವರು ರಾಜ್ಯಗಳನ್ನು ಪ್ರೋತ್ಸಾಹಿಸಿದರು.

ನೀರಿನ ಗುಣಮಟ್ಟದಷ್ಟೇ ಕೆಲಸದ ಗುಣಮಟ್ಟವೂ ನಿರ್ಣಾಯಕವಾಗಿದೆ ಎಂದು ಅವರು ಒತ್ತಿ ಹೇಳಿದರು. ಆದ್ದರಿಂದ, ರಾಜ್ಯಗಳು ಕೆಲಸದ ಗುಣಮಟ್ಟವನ್ನು ಕಾಪಾಡಿಕೊಳ್ಳಲು ವಿಶೇಷ ಗಮನ ಹರಿಸಬೇಕು ಮತ್ತು ಎಲ್ಲಾ ಮಂಜೂರಾದ ಕಾಮಗಾರಿಗಳನ್ನು ಪೂರ್ಣಗೊಳಿಸುವತ್ತ ಗಮನ ಹರಿಸಬೇಕು ಮತ್ತು ಅವುಗಳನ್ನು ಶೀಘ್ರವಾಗಿ ಪೂರ್ಣಗೊಳಿಸಲು ಕಾಲಮಿತಿಯ ಯೋಜನೆಗಳನ್ನು ಸಿದ್ಧಪಡಿಸಬೇಕು. ಸಂಪುಟ ಅನುಮೋದಿಸಿದ ತಿಳಿವಳಿಕೆ ಒಪ್ಪಂದದಲ್ಲಿನ ಷರತ್ತುಗಳು ರಚನಾತ್ಮಕ ಸುಧಾರಣೆಗಳನ್ನು ತರಲು ಒಂದು ಮಾರ್ಗವಾಗಿದೆ ಮತ್ತು ಅವುಗಳನ್ನು ಅಕ್ಷರಶಃ ಮತ್ತು ಉತ್ಸಾಹದಿಂದ ಅನುಸರಿಸಬೇಕು ಎಂದು ಅವರು ಪುನರುಚ್ಚರಿಸಿದರು.

ಜಲಶಕ್ತಿ ಸಚಿವಾಲಯದ ರಾಜ್ಯ ಸಚಿವರಾದ ಶ್ರೀ ವಿ. ಸೋಮಣ್ಣ ಅವರು, ಮೂಲಗಳ ಸುಸ್ಥಿರತೆಯನ್ನು ಬಲಪಡಿಸುವ, ಕಾರ್ಯಾಚರಣೆಗಳು ಮತ್ತು ನಿರ್ವಹಣೆಯನ್ನು ಸುಧಾರಿಸುವ ಮತ್ತು ಗ್ರಾಮೀಣ ನೀರು ಸರಬರಾಜು ವ್ಯವಸ್ಥೆಗಳ ದೀರ್ಘಕಾಲೀನ ಕಾರ್ಯಕ್ಷಮತೆಯನ್ನು ಖಚಿತಪಡಿಸಿಕೊಳ್ಳುವ ರಚನಾತ್ಮಕ ಸುಧಾರಣೆಗಳ ಬೆಂಬಲದೊಂದಿಗೆ ನಾಗರಿಕ ಕೇಂದ್ರಿತ ಸೇವಾ ವಿತರಣಾ ಮಾದರಿಯನ್ನು ಚಾಲನೆ ಮಾಡುವಲ್ಲಿ ರಾಜ್ಯ/ಕೇಂದ್ರಾಡಳಿತ ಪ್ರದೇಶಗಳ ಪ್ರಮುಖ ಪಾತ್ರವನ್ನು ಬಿಂಬಿಸಿದರು. ಆಸ್ತಿ ನಿರ್ವಹಣೆ ಮತ್ತು ಉತ್ತರದಾಯಿತ್ವದಲ್ಲಿಪಂಚಾಯತ್‌ ರಾಜ್‌ ಸಂಸ್ಥೆಗಳ ಮಹತ್ವವನ್ನು ಒತ್ತಿ ಹೇಳಿದ ಅವರು, ಜಲ ಅರ್ಪಣ್‌ ಮತ್ತು ಜಲ ಉತ್ಸವದ ಮೂಲಕ ಜೆಜೆಎಂ 2.0 ರಲ್ಲಿಜನರ ಪಾಲ್ಗೊಳ್ಳುವಿಕೆಯು ಕೇಂದ್ರ ಬಿಂದುವಾಗಿ ಉಳಿಯುತ್ತದೆ ಎಂದು ಹೇಳಿದರು. ಮಿಷನ್‌ ಗಮನಾರ್ಹ ಸಾಮಾಜಿಕ-ಆರ್ಥಿಕ ಪ್ರಯೋಜನಗಳನ್ನು ನೀಡುತ್ತದೆ, ಮಹಿಳೆಯರ ಪರಿಶ್ರಮವನ್ನು ಕಡಿಮೆ ಮಾಡುತ್ತದೆ, ಸಾರ್ವಜನಿಕ ಆರೋಗ್ಯವನ್ನು ಸುಧಾರಿಸುತ್ತದೆ ಮತ್ತು ಗ್ರಾಮೀಣ ಉದ್ಯೋಗವನ್ನು ಸೃಷ್ಟಿಸುತ್ತದೆ ಮತ್ತು ವಿಕಸಿತ ಭಾರತ್‌ 2047 ರ ವಿಶಾಲ ದೃಷ್ಟಿಕೋನಕ್ಕೆ ಅನುಗುಣವಾಗಿ 2028 ರ ಡಿಸೆಂಬರ್‌ ವೇಳೆಗೆ ಸಾರ್ವತ್ರಿಕ ನಲ್ಲಿ ನೀರಿನ ವ್ಯಾಪ್ತಿಯನ್ನು ಸಾಧಿಸಲು ಕೇಂದ್ರಬಿಂದುವಾಗಿದೆ ಎಂದು ಅವರು ಹೇಳಿದರು.

ಡಿಡಿಡಬ್ಲ್ಯೂಎಸ್‌ ಕಾರ್ಯದರ್ಶಿ ಶ್ರೀ ಅಶೋಕ್‌ ಕೆ.ಕೆ. ಮೀನಾ ಮಾತನಾಡಿ, 2028 ರ ಡಿಸೆಂಬರ್‌ವರೆಗೆ ಜೆಜೆಎಂ ವಿಸ್ತರಣೆ ಮತ್ತು ಪುನರ್ರಚನೆಗೆ ಕೇಂದ್ರ ಸಚಿವ ಸಂಪುಟದ ಅನುಮೋದನೆಯು ಸರ್ಕಾರದ ಬದ್ಧತೆಯನ್ನು ಸೂಚಿಸುತ್ತದೆ ಎಂದು ಹೇಳಿದರು. ಜೆಜೆಎಂ 2.0 ವಿಕೇಂದ್ರೀಕೃತ, ಗ್ರಾಮ ಪಂಚಾಯತ್‌ ನೇತೃತ್ವದ ಜಲ ಆಡಳಿತಕ್ಕೆ ಆದ್ಯತೆ ನೀಡುತ್ತದೆ, ದೃಢವಾದ ಕಾರ್ಯಾಚರಣೆ ಮತ್ತು ನಿರ್ವಹಣೆ (ಒ ಮತ್ತು ಎಂ) ವ್ಯವಸ್ಥೆಗಳು ಮತ್ತು ಬಲವರ್ಧಿತ ಉತ್ತರದಾಯಿತ್ವದಿಂದ ಬೆಂಬಲಿತವಾಗಿದೆ ಎಂದು ಅವರು ಒತ್ತಿ ಹೇಳಿದರು. ಅನುಷ್ಠಾನವನ್ನು ರಾಜ್ಯ/ಕೇಂದ್ರಾಡಳಿತ ಪ್ರದೇಶಗಳ ನಿರ್ದಿಷ್ಟ ತಿಳಿವಳಿಕೆ ಒಪ್ಪಂದಗಳ ಮೂಲಕ ಕೈಗೊಳ್ಳಲಾಗುವುದು, ಕೇಂದ್ರದ ಧನಸಹಾಯವನ್ನು ಷರತ್ತುಬದ್ಧ ಮತ್ತು ಮೈಲಿಗಲ್ಲುಆಧಾರಿತಗೊಳಿಸಲಾಗುವುದು.

ಮಿಷನ್‌ನ ಡಿಜಿಟಲ್‌ ಮತ್ತು ಆಡಳಿತ ಸುಧಾರಣೆಗಳನ್ನು ಬಿಂಬಿಸಿದ ಅವರು, ಸುಜಲಾಂ ಭಾರತ್‌ ರಾಷ್ಟ್ರೀಯ ಡಿಜಿಟಲ್‌ ವಾಸ್ತುಶಿಲ್ಪವು ಪ್ರತಿ ಹಳ್ಳಿಗೆ ವಿಶಿಷ್ಟವಾದ ಸುಜಲ್‌ ಗಾಂವ್‌ ಗುರುತಿನ ಚೀಟಿಗಳು / ಸೇವಾ ಪ್ರದೇಶ ಐಡಿ ಮೂಲಕ ಇಡೀ ಗ್ರಾಮೀಣ ನೀರು ಸರಬರಾಜು ಸರಪಳಿಯ ನ್ಯಾಪ್‌ ಮ್ಯಾಪಿಂಗ್‌ಗೆ ಮೂಲವನ್ನು ಒದಗಿಸುತ್ತದೆ. ಇದು ನೈಜ-ಸಮಯದ ಮೇಲ್ವಿಚಾರಣೆ, ಪಾರದರ್ಶಕತೆ ಮತ್ತು ಸಾಕ್ಷ್ಯಾಧಾರಿತ ನಿರ್ಧಾರ ತೆಗೆದುಕೊಳ್ಳಲು ಅನುವು ಮಾಡಿಕೊಡುತ್ತದೆ ಎಂದು ಹೇಳಿದರು. ಗ್ರಾಮ ಮಟ್ಟದ ಸೇವಾ ಮೌಲ್ಯಮಾಪನಕ್ಕೆ ಜಲ ಸೇವಾ ಆಂಕಲನ್‌ ಪ್ರಮುಖ ಸಾಧನವಾಗಿ ಕಾರ್ಯನಿರ್ವಹಿಸುತ್ತದೆ, ಆದರೆ ಮೇರಿ ಪಂಚಾಯತ್‌ ಅಪ್ಲಿಕೇಶನ್‌ ಮೂಲಕ ನಾಗರಿಕರ ಮೇಲ್ವಿಚಾರಣೆಯನ್ನು ಬಲಪಡಿಸಲಾಗುವುದು ಎಂದು ಅವರು ಒತ್ತಿ ಹೇಳಿದರು.

ಸುಸ್ಥಿರ ಕಾರ್ಯಾಚರಣೆ ಮತ್ತು ನಿರ್ವಹಣಾ ವ್ಯವಸ್ಥೆಗಳು ಸಂಪೂರ್ಣವಾಗಿ ಜಾರಿಯಲ್ಲಿವೆ ಎಂದು ಖಚಿತಪಡಿಸಿಕೊಂಡ ನಂತರವೇ ಗ್ರಾಮ ಪಂಚಾಯಿತಿಗಳು ‘ಹರ್‌ ಘರ್‌ ಜಲ್‌’ ಸ್ಥಾನಮಾನವನ್ನು ಪ್ರಮಾಣೀಕರಿಸುತ್ತವೆ, ಜೆಜೆಎಂ 2.0 ಅಡಿಯಲ್ಲಿದೀರ್ಘಕಾಲೀನ ಕಾರ್ಯಕ್ಷ ಮತೆಯನ್ನು ಕಡ್ಡಾಯವಾಗಿ ಮಾಡುತ್ತವೆ ಎಂದು ಅವರು ಹೇಳಿದರು. ಸಂಪೂರ್ಣ ಸರ್ಕಾರದ ವಿಧಾನವನ್ನು ಒತ್ತಿಹೇಳಿದ ಅವರು, ಮೂಲ ಸುಸ್ಥಿರತೆಯನ್ನು ಬಲಪಡಿಸಲು, ನೀರಿನ ಲಭ್ಯತೆಯನ್ನು ಸುರಕ್ಷಿತಗೊಳಿಸಲು ಮತ್ತು ದೀರ್ಘಕಾಲೀನ ಗ್ರಾಮೀಣ ನೀರಿನ ಭದ್ರತೆಯನ್ನು ಬಲಪಡಿಸಲು ಇಲಾಖೆಗಳ ನಡುವೆ ಆಳವಾದ ಒಮ್ಮುಖಕ್ಕೆ ಕರೆ ನೀಡಿದರು.

ಶ್ರೀ ಕಮಲ್‌ ಕಿಶೋರ್‌ ಸೋನ್‌, ಎಎಸ್‌ ಮತ್ತು ಎಂಡಿ, ಎನ್‌ಜೆಜೆಎಂ ಅವರು ಜೆಜೆಎಂ 2.0 ನಲ್ಲಿನ ಸುಧಾರಣೆಗಳು ಮತ್ತು ನಿಧಿ ಬಿಡುಗಡೆಯ ವಿಧಾನಗಳನ್ನು ಪ್ರಸ್ತುತಪಡಿಸಿದರು. ಮಿಷನ್‌ನ ಒಟ್ಟು ಹಣಕಾಸು ವೆಚ್ಚವನ್ನು 3.60 ಲಕ್ಷ  ಕೋಟಿ ರೂ.ಗಳಿಂದ 8.69 ಲಕ್ಷ  ಕೋಟಿ ರೂ.ಗೆ ಹೆಚ್ಚಿಸಲಾಗಿದೆ. ಇದು ದೇಶಾದ್ಯಂತ ಗ್ರಾಮೀಣ ಕುಡಿಯುವ ನೀರಿನ ಸೇವೆಗಳನ್ನು ಬಲಪಡಿಸುವ ಸರ್ಕಾರದ ಬದ್ಧತೆಯನ್ನು ಪುನರುಚ್ಚರಿಸುತ್ತದೆ. ಮುಂದಿನ ಹಂತದ ಗಮನವು ಮೂಲಸೌಕರ್ಯಗಳ ಗುಣಮಟ್ಟ ಮತ್ತು ಗ್ರಾಮೀಣ ಕೊಳವೆ ನೀರು ಸರಬರಾಜು ಯೋಜನೆಗಳ ಪರಿಣಾಮಕಾರಿ ಕಾರ್ಯಾಚರಣೆ ಮತ್ತು ನಿರ್ವಹಣೆಯ ಮೇಲೆ ಇರುತ್ತದೆ. ಜನ ಭಾಗೀದಾರಿಗೆ ಒತ್ತು ನೀಡುವ ಮಿಷನ್‌, ದೀರ್ಘಕಾಲೀನ ಕಾರ್ಯಕ್ಷ ಮತೆಯನ್ನು ಖಚಿತಪಡಿಸಿಕೊಳ್ಳಲು ಸಮುದಾಯದ ಭಾಗವಹಿಸುವಿಕೆ ಮತ್ತು ಸ್ಥಳೀಯ ಮಾಲೀಕತ್ವವನ್ನು ಬಲಪಡಿಸುತ್ತದೆ.

ಜಲ ಅರ್ಪಣ ಆಚರಣೆ, ಡಿಡಬ್ಲ್ಯೂಎಸ್‌ಎಂ ಸಭೆಗಳನ್ನು ನಡೆಸುವುದು, ಸೇವಾ ಸುಧಾರಣಾ ಯೋಜನೆಗಳನ್ನು ಸಿದ್ಧಪಡಿಸುವುದು, ಡಿಟಿಯುಗಳ ರಚನೆ, ರಾಜ್ಯ ಜಲ ಉತ್ಸವ ಕ್ಯಾಲೆಂಡರ್‌ಅನ್ನು ರೂಪಿಸುವುದು, ಗ್ರಾಮ ಪಂಚಾಯಿತಿ ಮಟ್ಟದಲ್ಲಿಲೋಕ ಜಲ ಉತ್ಸವ ಕ್ಯಾಲೆಂಡರ್‌ಗಳನ್ನು ಆಯೋಜಿಸುವುದು ಮತ್ತು ಜಿಲ್ಲಾ ಪರಿಷತ್‌ ಡಿಎಂ / ಸಿಇಒ ಆಯಾ ಜಿಲ್ಲೆಗಳಲ್ಲಿ ಕನಿಷ್ಠ 2 ಜಲ ಅರ್ಪಣಗಳಿಗೆ ಹಾಜರಾಗುವುದು ಸೇರಿದಂತೆ ರಾಜ್ಯಗಳು ಮತ್ತು ಜಿಲ್ಲೆಗಳು ಜಲ ಮಹೋತ್ಸವ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ಭಾಗವಹಿಸುವ ಅಗತ್ಯವನ್ನು ಎಎಸ್‌ ಮತ್ತು ಎಂಡಿ ಒತ್ತಿಹೇಳಿದರು.

ಜೆಜೆಎಂ 2.0 ಅಡಿಯಲ್ಲಿಕೇಂದ್ರ ನಿಧಿಯ ಬಿಡುಗಡೆಯು ನಾಲ್ಕು ಕಡ್ಡಾಯ ಅನುಸರಣೆ ಅವಶ್ಯಕತೆಗಳನ್ನು ಪೂರೈಸುವ ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳ ಮೇಲೆ ಕಟ್ಟುನಿಟ್ಟಾಗಿ ಷರತ್ತುಬದ್ಧವಾಗಿರುತ್ತದೆ ಎಂದು ಅವರು ಮಾಹಿತಿ ನೀಡಿದರು. ಇವುಗಳಲ್ಲಿಸೇರಿವೆ:

 ಸಂಪುಟದ ಅನುಮೋದಿತ ತಿಳಿವಳಿಕೆ ಒಪ್ಪಂದಕ್ಕೆ ಅಂಕಿತ ಹಾಕಲು,

-ಎಲ್ಲಾ ಗ್ರಾಮೀಣ ನೀರು ಸರಬರಾಜು ಯೋಜನೆಗಳ ಸಂಪೂರ್ಣ ಡಿಜಿಟಲ್‌ ಮ್ಯಾಪಿಂಗ್‌ಅನ್ನು ಖಚಿತಪಡಿಸಿಕೊಳ್ಳಲು ಸುಜಲ್‌ ಗಾಂವ್‌ ಗುರುತಿನ ಚೀಟಿಗಳನ್ನು ರಚಿಸುವುದು.

-ಸಮಯೋಚಿತ ಆರ್ಥಿಕ ಹೊಂದಾಣಿಕೆ, ಮತ್ತು  ರಾಜ್ಯ ಒ ಮತ್ತು ಎಂ ನೀತಿಗಳ ಅಧಿಸೂಚನೆ.

ಮಿಷನ್‌ ಅಡಿಯಲ್ಲಿಕೇಂದ್ರದ ನೆರವಿನ ವಿಧಾನಗಳಲ್ಲಿ, ಎಸ್‌ವಿಎಸ್‌, ಗುಣಮಟ್ಟ-ಪೀಡಿತ ಪ್ರದೇಶಗಳಲ್ಲಿ ಎಂವಿಎಸ್‌ ಗಳು ಮತ್ತು ಪಿಡಬ್ಲ್ಯೂಎಸ್‌ ಅಲ್ಲದ ವ್ಯವಸ್ಥೆಗಳಿಗೆ ಮುಂಗಡ ಪಾವತಿ ವಿಧಾನವನ್ನು ಒಳಗೊಂಡಿದೆ; ಹಾಲಿ ನಡೆಯುತ್ತಿರುವ ಎಂವಿಎಸ್‌ ಮತ್ತು ಬಿಡಬ್ಲ್ಯೂಎಸ್‌ ಗಳಿಗೆ ಮರುಪಾವತಿ ವಿಧಾನ; ಮತ್ತು ಬಿಡಬ್ಲ್ಯೂಎಸ್ಗಳಲ್ಲಿ ವರ್ಷಾಶನ ಆಧಾರಿತ ಪಿಪಿಪಿ ಮಾದರಿಗಳಿಗಾಗಿ ವಿಜಿಎಫ್‌ (ವಯಬಿಲಿಟಿ ಗ್ಯಾಪ್‌ ಫಂಡಿಂಗ್‌) ಮೋಡ್‌, ಮರುಹೊಂದಾಣಿಕೆ ಯೋಜನೆಗಳಿಗೆ ಯಾವುದೇ ಕೇಂದ್ರ ನೆರವು ನೀಡಲಾಗುವುದಿಲ್ಲಎಂದು ಅವರು ಸ್ಪಷ್ಟಪಡಿಸಿದರು.

ಈ ತಿಳಿವಳಿಕೆ ಒಪ್ಪಂದವು ಆಡಳಿತ ಮತ್ತು ಸೇವಾ ವಿತರಣೆಯ ಪ್ರಮುಖ ಕ್ಷೇತ್ರಗಳಲ್ಲಿರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಸ್ಪಷ್ಟ ಬದ್ಧತೆಗಳನ್ನು ನೀಡುತ್ತದೆ. ಇವುಗಳಲ್ಲಿಸೇರಿವೆ:

• ನೀತಿ, ಸಾಂಸ್ಥಿಕ ಮತ್ತು ಆಡಳಿತ ಸುಧಾರಣೆಗಳು
•  ಆಸ್ತಿ ಮಾಲೀಕತ್ವ, ನಿರ್ವಹಣೆ ಮತ್ತು ತಾಂತ್ರಿಕ ಬೆಂಬಲ
•  ಯೋಜನೆ , ಹಣಕಾಸು ಮತ್ತು ಕಾರ್ಯಕ್ರಮ ಅನುಷ್ಠಾನ
•  ಡಿಜಿಟಲ್‌ ವ್ಯವಸ್ಥೆಗಳು, ದತ್ತಾಂಶ ಆಡಳಿತ ಮತ್ತು ಮೇಲ್ವಿಚಾರಣೆ
• ಗ್ರಾಮೀಣ ನೀರಿನ ಕಾರ್ಯಪಡೆಯ ಕೌಶಲ್ಯ ಮತ್ತು ಸಾಮರ್ಥ್ಯ‌ ವರ್ಧನೆ
• ನೀರಿನ ಗುಣಮಟ್ಟ ಮೇಲ್ವಿಚಾರಣೆ ಮತ್ತು ಕಣ್ಗಾವಲು
• ಸಂವಹನ, ಸಮುದಾಯ ತೊಡಗಿಸಿಕೊಳ್ಳುವಿಕೆ ಮತ್ತು ಸಾರ್ವಜನಿಕ ವಿಶ್ವಾಸ

ಜೆಜೆಎಂ 2.0 ಅಡಿಯಲ್ಲಿಸೇವಾ ಮಟ್ಟದ ವಿತರಣಾ ಮಾನದಂಡಗಳು, ದೀರ್ಘಕಾಲೀನ ಸುಸ್ಥಿರತೆ ಮತ್ತು ಪಾರದರ್ಶಕ ಆಡಳಿತವನ್ನು ಖಚಿತಪಡಿಸಿಕೊಳ್ಳಲು ಈ ತಿಳಿವಳಿಕೆ ಒಪ್ಪಂದದ ಬದ್ಧತೆಗಳಿಗೆ ಬದ್ಧರಾಗಿರುವುದು ಅತ್ಯಗತ್ಯ.

*****