جدید اور قابل تجدید توانائی کے وزیر جناب پرلہاد جوشی نے شمسی توانائی کے بڑھتے ہوئے عالمی رجحانات اور دنیا بھر میں صاف توانائی کے تبادلے کو تیز کرنے میں بین الاقوامی سولر الائنس (آئی ایس اے) کے کردار پر روشنی ڈالی۔

مورخہ 11؍ مارچ کو نئی دہلی میں آئی ایس اے کی یوم تاسیس کی تقریب سے خطاب کرتے ہوئے جناب جوشی نے کہا کہ یہ الائنس شمسی توانائی کے ذریعے پائیدار ترقی کو فروغ دینے میں مشترکہ وژن اور عالمی شراکت داری کی طاقت کو ظاہر کرتا ہے۔

آئی ایس اےکا دائرہ 120 سے زائد ممالک کے اتحاد کے طور پر بڑھایاگیا:

جناب جوشی نے بتایاکیا کہ تقریباً ایک دہائی قبل، ہندوستان اور فرانس نے عالمی ترقی کے مرکز میں سورج کی طاقت کو قائم کرنے کے جرأت مندانہ وژن کے ساتھ یکجہتی کا مظاہرہ کیا تھا۔ انہوں نے کہا کہ وزیر اعظم جناب نریندر مودی کی بصیرت افروز قیادت نے اس خیال کو ایک عالمی تحریک میں تبدیل کرنے میں مدد کی۔

جناب جوشی نے بین الاقوامی سولر الائنس (آئی ایس اے) کی جانب سے کیے گئے اقدامات کے اثرات کو اجاگر کرتے ہوئے کہاکہ گزشتہ ایک دہائی میں آئی ایس اےشمسی توانائی کی صلاحیتوں کو دنیا بھر میں حقیقی، زندگی بدلنے والے اثرات میں تبدیل کرنے میں مدد فراہم کی ہے۔ جہاں سب سے زیادہ ضرورت ہے، وہاں شمسی توانائی کے استعمال کو فروغ دے کر آئی ایس اےنےعالمی توانائی کی تبدیلی کو ابھرتی اور ترقی پذیر معیشتوں کی جانب موڑنے میں اہم کردار ادا کیا ہے۔ اس سے ان کمیونٹیز کو صاف اور قابل اعتماد بجلی فراہم ہو رہی ہے، جنہیں اس کی سب سے زیادہ ضرورت ہے۔

ہدف شدہ اقدامات — صحت کے مراکز کو شمسی توانائی سے چلانا تاکہ بلا تعطل صحت کی خدمات فراہم کی جا سکیں، کسانوں کو شمسی توانائی سے چلنے والی آبپاشی اور کولڈ اسٹوریج کے ذریعے بااختیار بنانا، غذائی تحفظ کو مضبوط کرنا اور اسکولوں و عوامی اداروں میں صاف بجلی پہنچانا — ان اقدامات کے ذریعے آئی ایس اے روزانہ لوگوں کی زندگیوں کو بہتر بنا رہا ہے۔ اسٹارٹ اپس، نوجوان پیشہ ور اور جدت طرازی کے ماحولیاتی نظام کی مدد سے صاف توانائی کے مستقبل کے لیے نئے مواقع، روزگار اور قیادت پیدا ہو رہی ہے۔

آج عالمی شمسی توانائی کی صلاحیت تیز رفتار سے بڑھ رہی ہے اور صاف توانائی میں سرمایہ کاری تاریخی بلند ترین سطح پر پہنچ گئی ہے۔ آئی ایس اے کا کام اس بات کا ثبوت ہے کہ توانائی کی تبدیلی شمولیت، عوام پر مرکوز اور تبدیلی لانے والی ہو سکتی ہے۔آئی ایس اے کی یوم تاسیس پر آئی ایس اے اسمبلی کا صدرہندوستان نہ صرف حاصل شدہ ترقی کی وسعت کو اجاگر کرتا ہے، بلکہ لاکھوں لوگوں کی زندگیوں کو بہتر بنانے پر خوشی کا اظہار بھی کرتا ہے۔ یہ تنظیم سورج کی طاقت کے ذریعے رسائی، حرکت پذیری اور مواقع کے فروغ کے اپنے عزم کی تصدیق بھی کرتی ہے۔

وزیر موصوف نے کہا کہ آئی ایس اے کی تخلیق وسودھیو کٹمبکم کے ہندوستانی فلسفے میں جڑی ہوئی ہے ، جو یقینی بناتا ہے کہ دنیا ایک خاندان ہے اور صاف ستھری توانائی کے فوائد کی مساوی تقسیم کو یقینی بنانے کے لیے مل کر کام کرنے والے ممالک کے جذبے کی عکاسی کرتا ہے ۔

جناب جوشی نےاتحاد کی ترقی پر روشنی ڈالتے ہوئے کہا کہ جو ایک طاقتور وژن کے طور پر شروع ہوا وہ آج 120 سے زیادہ ممالک کے اتحاد میں تبدیل ہو گیا ہے جو عالمی شمسی منتقلی کو تیز کرنے کے لیے اجتماعی طور پر کام کر رہے ہیں ۔

ہندوستان کی شمسی توانائی کی ترقی مضبوط پالیسی عزم کے اثرات کو ظاہر کرتی ہے:

وزیر موصوف نے ہندوستان کی ترقی کا حوالہ دیتے ہوئے کہا کہ ملک کی نصب شمسی صلاحیت تقریباً 136 گیگا واٹ تک پہنچ گئی ہے ، جو ہندوستان کی قابل تجدید توانائی کی صلاحیت کا تقریباً نصف ہے ۔ انہوں نے کہا کہ یہ ترقی اس بات کو ظاہر کرتی ہے کہ پائیدار پالیسی عزم اور اختراع کیا حاصل کر سکتے ہیں ۔

وزیر موصوف نے ان اہم اقدامات پر بھی روشنی ڈالی جو شمسی توانائی کے فوائد کو لوگوں تک براہ راست پہنچنے کے قابل بنا رہے ہیں ۔ پی ایم سوریہ گھر: مفت بجلی یوجنا جیسے پروگرام لاکھوں گھرانوں کو اپنی صاف بجلی پیدا کرنے کے قابل بنا رہے ہیں ، جبکہ پی ایم-کسم شمسی توانائی سے چلنے والے آبپاشی کے نظام کے ذریعے کسانوں کو بااختیار بنا رہا ہے ۔

عالمی سطح پر شمسی توانائی کے نفاذ  کی رفتار  میں تیزی

جناب جوشی نے شمسی توانائی کے پیچھے قابل ذکر عالمی رفتار کی طرف بھی اشارہ کیا ۔ انہوں نے مشاہدہ کیا کہ اگرچہ دنیا کو پہلی 1,000 گیگا واٹ شمسی صلاحیت نصب کرنے میں تقریباً پچیس سال لگے ، لیکن توقع ہے کہ اگلی 1,000 گیگا واٹ بہت تیزی سے حاصل کی جائے گی ، جو عالمی توانائی کی منتقلی میں ایک نئے دور کا اشارہ ہے ۔

وزیر نے زور دیا کہ صاف توانائی کی منتقلی کا مرکز بتدریج گلوبل ساؤتھ کی طرف منتقل ہو رہا ہے، جہاں بڑھتی ہوئی توانائی کی طلب اور وافر شمسی وسائل روایتی توانائی کے راستوں کو بائی پاس کرنے کا بے مثال موقع فراہم کرتے ہیں۔

اس تناظر میں  انہوں نے کہا کہ بین الاقوامی شمسی اتحاد ایک منفرد پلیٹ فارم کے طور پر ابھرا ہے جو حکومتوں ، ترقیاتی شراکت داروں ، مالیاتی اداروں اور نجی شعبے کو شمسی تنصیبات کو فروغ دینے اور پائیدار ترقی کے نئے مواقع کو کھولنے کے لیے اکٹھا کرتا ہے ۔

انہوں نے مزید کہا کہ غیر مرکزی قابل تجدید توانائی کے نظام، شمسی آبپاشی، اور عالمی سولر فیسلٹی جیسے جدید مالیاتی پلیٹ فارمز کے ذریعے آئی ایس اے ممالک کو شمسی توانائی کے ایسے حل نافذ کرنے میں مدد فراہم کر رہا ہے ،جوتوانائی تک رسائی کو بڑھائیں، معاشی روزگار کو مضبوط کریں، اور پائیدار ترقی کو فروغ دیں۔

مصنوعی ذہانت اور ڈیجیٹل ٹیکنالوجیز مستقبل کی توانائی کے نظام کی تشکیل کلیدی کردار

جناب جوشی نے مزید کہا کہ توانائی کی منتقلی ایک نئے مرحلے میں داخل ہو رہی ہے ،جہاں ڈیجیٹل ٹیکنالوجی اور مصنوعی ذہانت تیزی سے اہم کردار ادا کریں گے ۔ انہوں نے اے آئی برائے توانائی پر عالمی مشن کو آگے بڑھانے میں آئی ایس اے کی قیادت پر روشنی ڈالی ، جس کا مقصد ہوشیار اور زیادہ لچکدار توانائی کے نظام کی تعمیر کے لیے اختراع کو بروئے کار لانا ہے ۔

اپنے خطاب کا اختتام کرتے ہوئے وزیر موصوف نے عالمی شمسی منتقلی کو آگے بڑھانے کے لیے آئی ایس اے کے رکن ممالک کے اجتماعی عزم کا اعادہ کیا ۔ انہوں نے کہا کہ شمسی منتقلی بالآخر توانائی سے زیادہ کے بارے میں ہے ، یہ دنیا بھر میں ترقی ، لچک اور خوشحالی کے مواقع پیدا کرنے کے بارے میں ہے ۔

وزارت برائے جدید اور قابل تجدید توانائی کے سکریٹری جناب سنتوش کمار سارنگی نے اپنے خطاب میں کہاکہ شمسی توانائی واقعی ہمارے وقت کی سب سے قیمتی عوامی وسائل میں سے ایک کے طور پر ابھری ہے، ایک وافر اور بہتر طاقت ،جسے ممالک اپنے عوام کی اجتماعی فلاح کے لیے بڑھتی ہوئی شرح سے استعمال کر رہی ہیں۔ ہندوستان میں، اس فہم کو فیصلہ کن کارروائی میں تبدیل کیا گیا ہے۔ 2030 تک500 گیگاواٹ قابل تجدید توانائی کی صلاحیت حاصل کرنے کے وژن کی رہنمائی میں، ہم نے ایک مضبوط پالیسی اور نفاذی فریم ورک تیار کیا ہے، جس نے شمسی توانائی کی تنصیب کو تیز کیا، گھریلو پیداوار کو مضبوط کیا، اور شہریوں کو توانائی کی تبدیلی میں براہِ راست حصہ لینے کے لیے بااختیار بنایا ہے۔

جناب سارنگی نے کہا کہ ہندوستان اپنے تجربات دنیا کے ساتھ شیئر کرنے کے لیے پرعزم ہے۔ انہوں نے کہا کہ بین الاقوامی سولر الائنس جیسے فورمز اورافریقہ سولر فیسیلیٹی جیسی پہلوں کے ذریعے، ہم شمسی توانائی کے فوائد کو اپنی سرحدوں سے باہر پھیلانے کے لیے کام کر رہے ہیں، اپنے شراکت داروں سے سیکھ رہے ہیں اور آنے والی نسلوں کے لیے ایک صاف، سبز اور زیادہ پائیدار مستقبل میں حصہ ڈال رہے ہیں۔

بین الاقوامی سولر الائنس کے ڈائریکٹر جنرل جناب آشیش کھنہ نے کہاکہ ’بین الاقوامی سولر الائنس کے یوم تاسیس پر میں اپنے رکن ممالک، تعاون کرنے والے اداروں اور ساتھیوں کا تہہ دل سے مشکور ہوں ،جنہوں نے اس اتحاد کو تشکیل دینے اور مضبوط بنانے میں اہم کردار ادا کیا ہے۔ آج یہ اتحاد 125 رکن اور دستخط کنندہ ممالک کا ایک عالمی اتحاد بن چکا ہے، جو اس یقین کے ساتھ متحد ہیں کہ دنیا کا سب سے وافر توانائی کا ماخذ سب سے زیادہ جمہوری بھی ہونا چاہیے۔

جناب کھنہ نے کہاکہ افریقہ، ایشیا اور پیسیفک، لاطینی امریکہ اور کیریبین، یورپ اور دیگر ممالک میں پھیلے ہمارے رکن ہی  آئی ایس اےکی پیشرفت کے حقیقی محافظ ہیں۔ ان کا اعتماد، قیادت اور عزم ہماری ہر کامیابی کو متعین کرتا ہے۔ میں اپنے 77 تعاون کرنے والے اداروں اور  آئی آئی ٹی دہلی میں تربیت یافتہ نوجوان شمسی پیشہ ور افراد کے بڑھتے ہوئے کمیونٹی کا بھی تہہ دل سے شکر گزار ہوں، جو اس مشن کو روزانہ آگے بڑھا رہے ہیں۔

انہوں نےمزید کہا کہ آئی ایس اےعاجزی اور مضبوط عزم کے ساتھ کام جاری رکھے گا اور اپنے رکن ممالک کو اس رفتار کو — توانائی تک وسیع رسائی، بہتر روزگار اور مشترکہ خوشحالی — میں تبدیل کرنے میں مدد دے گا۔’ مل کر، ہم سب کے لیےمواقع پیدا کرنے‘، حرکت پذیری اور ترقی کی جانب بڑھنے کا سلسلہ جاری رکھیں گے۔

اس موقع پر آئی ایس اے کے گرین ہائیڈروجن اور اسٹوریج اسٹارٹ اپ چیلنج 2026 کا بھی اعلان کیا گیا، جس کا مقصدگرین ہائیڈروجن اور توانائی کے ذخیرہ  کے شعبے میں پیش پیش جدید اسٹارٹ اپس کی شناخت اور انہیں تعاون فراہم کرنا ہے۔ یہ چیلنج منتخب اسٹارٹ اپس کومنظم ترقیاور رہنمائی  کی سہولیات کے ساتھ ساتھ آئی ایس اے کےرکن ممالک کے بازاروں تک رسائی بھی فراہم کرے گا، تاکہ ٹیکنالوجی کی منتقلی اور کاروباری پیمانے پر توسیع ممکن ہو سکے۔ اس اقدام کا مقصد ایک مضبوط عالمی ماحولیاتی نظام قائم کرنا ہے، جو دنیا بھر میں گرین ہائیڈروجن اور اسٹوریج ٹیکنالوجیز کی ترقی کو تیز کرے۔

اسی کے ساتھ ہی بین الاقوامی سولر الائنس نے اپنے رکن ممالک اور شراکت داروں کی بڑھتی ہوئی ضروریات کو پورا کرنے کے لیے ایک نئی اور جدید ویب سائٹ بھی لانچ کی ہے۔ یہ اپ گریڈ شدہ پلیٹ فارم علم، پروگرامز اور مواقع تک رسائی کو مضبوط بناتا ہے، اسٹیک ہولڈرز کی شمولیت کو بڑھاتا ہے اور  آئی ایس اے کےوسیع ہوتے پورٹ فولیو اور عالمی عزائم کی عکاسی کرتا ہے، جس سے یہ الائنس کے کام اور اثرات کے لیے ایک مزید متحرک، صارف مرکوز اور معلوماتی دروازہ کے طور پر کام کرتا ہے۔

بین الاقوامی سولر الائنس (آئی ایس اے) کے بارے میں:

عالمی شمسی انقلاب بے مثال رفتار سے آگے بڑھ رہا ہے۔ یہ تیز صاف اور زیادہ پائیدار توانائی کے نظام کی طرف عالمی تبدیلی میں شمسی توانائی کی بڑھتی ہوئی اہمیت کو ظاہر کرتا ہے۔بین الاقوامی سولر الائنس(آئی ایس اے) حکومتوں، ترقیاتی اداروں، صنعت اور سرمایہ کاروں کے درمیان شراکت داری کو فروغ دے کر دنیا بھر میں شمسی توانائی کے استعمال کو بڑھانے میں اہم کردار ادا کرتا ہے۔

یہ اتحاد 2015 میں پیرس میں منعقدہ سی او پی 21 موسمیاتی کانفرنس کے دوران  ہندوستان اور فرانس کی مشترکہ کوششوں سے، ہندوستان کے وزیر اعظم جناب نریندر مودی کی قیادت میں قائم کیا گیا تھا۔ اس پہل کی بنیاد اس تصور پر رکھی گئی تھی کہ وافرمقدار میں شمسی وسائل رکھنے والے ممالک پائیدار ترقی اور توانائی تک رسائی کو فروغ دینے کے لیے سورج کی طاقت کو مشترکہ طور پر استعمال کر سکتے ہیں۔

گزشتہ چند برسوں میں یہ اتحادشمسی توانائی پر بین الاقوامی تعاون کے لیے ایک اہم فورم کے طور پر تیار ہوا ہے۔ آج، 120 سے زائد رکن ممالک کے ساتھ، بین الاقوامی سولر الائنس شمسی توانائی کے فروغ کے لیے سب سے اہم عالمی شراکت داریوںمیں سے ایک ہے۔

آئی ایس اے خاص طور پر افریقہ، ایشیا، لاطینی امریکہ اور چھوٹے جزیرہ نما ترقی پذیر ممالک کی حمایت پر زور دیتا ہے، جہاں شمسی توانائی تک رسائی  میں اضافہ، روزگار کو مضبوط کرنے اور لچک کو بڑھانے میں تبدیلی لانے والا کردار ادا کر سکتی ہے۔

آئی ایس اے کا ترقی پذیر وژن چاراسٹریٹجک ستونوں پر مبنی  ہے، جس میں1. وسیع پیمانے پر سرمایہ کاری کو فروغ دینے اور جمع کرنے کے لیےتحریکی مالیاتی مرکز،2. رکن ممالک میں جدت، ڈیجیٹل پلیٹ فارم اور صلاحیت سازی کو فروغ دینے کے لیے عالمی صلاحیت مرکز اور ڈیجیٹلائزیشن،3. اسٹریٹجک شراکت داریوں کے ذریعے ہدف شدہ اقدامات کو نافذ کرنے کے لیے علاقائی اور ملکی سطح کی شراکت داری،4. کارگر پالیسی فریم ورک اور علمی وسائل کے ذریعے ابھرتی شمسی ٹیکنالوجیز کی ترقی کو تیز کرنے کے لیےٹیکنالوجی روڈ میپ اور پالیسی شامل ہیں۔

ایک معاہدہ  کی بنیاد پر قائم بین الاقوامی سرکاری پلیٹ فارم کے طور پرآئی ایس اے اپنے رکن ممالک کو شمسی توانائی کو وسیع پیمانے پر اپنانے میں مدد دینے کے لیےتکنیکی رہنمائی، پالیسی قیادت اور عالمی ہم آہنگی فراہم کرتا ہے۔ مزید معلومات کے لیے ویب سائٹ  :www.isa.int  کو دیکھیں۔

***

ش ح ۔ م ع ن۔

U. No.3878