ખેડૂતોના હિતોને સર્વોચ્ચ પ્રાથમિકતા આપતા, કેન્દ્ર સરકારે વધુ એક મોટો નિર્ણય લીધો છે. કેન્દ્રીય કૃષિ અને ખેડૂત કલ્યાણ અને ગ્રામીણ વિકાસ મંત્રી શ્રી શિવરાજ સિંહ ચૌહાણે તેલંગાણા સરકારના એક પ્રસ્તાવને મંજૂરી આપી છે, જે અંતર્ગત રવી 2026 સીઝન માટે લઘુત્તમ ટેકાના ભાવ (MSP) પર કુલ 1,25,855 MT પાકની ખરીદી કરવામાં આવશે.

ખરીદી પ્રાઇસ સપોર્ટ સ્કીમ (PSS) હેઠળ કરવામાં આવશે. આ પ્રક્રિયામાં 29,860 MT ચણા, 37,020 MT અડદ, 55,285 MT મગફળી અને 3,690 MT સૂર્યમુખીની ખરીદીનો સમાવેશ થશે. કેન્દ્રીય કૃષિ મંત્રી શ્રી શિવરાજ સિંહ દ્વારા આપવામાં આવેલી આ મંજૂરીઓનું કુલ મૂલ્ય રૂ. 894 કરોડથી વધુ હશે.

શ્રી ચૌહાણે કહ્યું કે કેન્દ્રનો ઉદ્દેશ્ય ખેડૂતોને બજારના ઉતાર-ચઢાવથી બચાવવાનો છે, જેથી ખાતરી કરી શકાય કે તેમને તેમની મહેનતનો સંપૂર્ણ ભાવ મળે. તેમણે કહ્યું કે આ મંજૂરી તેલંગાણાના ખેડૂતોને તેમના ઉત્પાદન માટે માત્ર વળતરદાયક ભાવ જ સુનિશ્ચિત કરશે નહીં પરંતુ કઠોળ અને તેલીબિયાંના ઉત્પાદનને પણ નવી ગતિ આપશે. અમારો ઉદ્દેશ્ય છે કે દેશના દરેક ખેડૂતને તેની મહેનતનું સંપૂર્ણ સન્માન અને મૂલ્ય મળે.

કેન્દ્રીય કૃષિ મંત્રી શ્રી શિવરાજ સિંહે કહ્યું કે પ્રધાનમંત્રી શ્રી નરેન્દ્ર મોદીના દ્રષ્ટિવંત નેતૃત્વ હેઠળ, કેન્દ્ર ખેડૂતોની આવક વધારવા, કૃષિ ક્ષેત્રને મજબૂત કરવા અને ગ્રામીણ અર્થતંત્રને વેગ આપવા માટે સખત પ્રયાસ કરી રહ્યું છે. તેમણે નોંધ્યું હતું કે આ નિર્ણય ખેડૂતોને તેમના ઉત્પાદનોના અત્યંત ઓછા ભાવે વેચાણથી બચાવીને રાહત અને આર્થિક સુરક્ષા બંને પ્રદાન કરશે.

આ પગલું તેલંગાણામાં ચણા, અડદ, મગફળી અને સૂર્યમુખીની ખેતી કરતા ખેડૂતોને સીધો લાભ આપશે અને રાજ્યના કૃષિ ક્ષેત્રમાં સ્થિરતા, સુરક્ષા અને સમૃદ્ધિને નવી દિશા આપશે.

SM/IJ/JD

(રીલીઝ આઈડી: 2238378) મુલાકાતી સંખ્યા : 14