کامرس اور صنعت کے مرکزی وزیر پیوش گوئل نے آج کہا ہے کہ ایک خدمت کے طور پر تعلیم میں ہندوستان کی برآمدی آمدنی میں تعاون دینے اور اعلی معیار کی ہندوستانی تعلیم کو باقی دنیا تک پہنچانے میں مدد کرنے کی نمایاں صلاحیت موجود ہے ۔

آج نئی دہلی میں "وکست بھارت 2047 کے لیے اعلی تعلیم کو بین الاقوامی سطح پر پہنچانے کا  از سر نو تصور" کے موضوع پر وائس چانسلر کے کانکلیو سے خطاب کرتے ہوئے جناب گوئل نے کہا کہ ہندوستان میں اعلی تعلیم کے مستقبل کے بارے میں ان کے خیالات اور نظریات کوسننے کے لئے وہ وائس چانسلرز کے ساتھ مشغول ہونا چاہیں۔   انہوں نے اس بات پر خوشی کا اظہار کیا کہ تجارت کی وزارت  اور وزارت کے تحت انڈین انسٹی ٹیوٹ آف فارن ٹریڈ (آئی آئی ایف ٹی) ہندوستان کی برآمدی آمدنی کے ساتھ ساتھ ہندوستانی تعلیم کی عالمی رسائی کو بڑھانے کے لیے ایک خدمت کے طور پر تعلیم کے امکانات کو تلاش کرنے میں پیش قدمی کر رہے ہیں ۔

کانکلیو نے بین الاقوامی شراکت داری ، طلباء کی نقل و حرکت ، انضباطی فریم ورک اور دوہری ڈگری پروگراموں سمیت اعلی تعلیم کو بین الاقوامی بنانے کے اہم پہلوؤں پر موضوعاتی مباحثوں اور ماہرین کے مکالموں کے لیے ایک پلیٹ فارم فراہم کیا ۔  شرکاء نے ہندوستانی اعلی تعلیمی اداروں کی عالمی مسابقت کو بڑھانے کے لیے حکمت عملیوں پر بھی غور کیا ، جبکہ تعلیمی نقل و حرکت میں ابھرتے ہوئے عالمی رجحانات کا جائزہ لیا اور عالمی تعلیمی خدمات سے ،متعلق منڈیوں میں اپنی موجودگی کو مستحکم کرنے کی خاطر ہندوستان کے لیے مواقع تلاش کیے ۔

وزیر موصوف نے کہا کہ دنیا کے مستقبل کے ترقی کے انجن ممکنہ طور پر ہندوستان جیسے ایسے ممالک ہوں گے، جو کم ترقی یافتہ یا ترقی پذیر ہوں ۔  لہذا ، ہندوستان سے واقفیت سے ترقی یافتہ ممالک کے طلباء کو ان کے مستقبل کے کیریئر میں مدد ملے گی ۔

جناب پیوش گوئل نے کہا کہ انہوں نے آزاد تجارتی معاہدوں (ایف ٹی ایز) میں خدمات سے متعلق  چیپٹرس پر بات چیت کرتے ہوئے اس رجحان کی بڑھتی ہوئی پہچان کو دیکھا ہے،  وزیر موصوف نے کہا کہ وزیر اعظم نریندر مودی کی قیادت والی حکومت کی طرف سے ترقی یافتہ معیشتوں کے ساتھ حتمی شکل دیے گئے نو ایف ٹی ایز ہوئے ہیں ۔  ان کے مطابق ، عالمی تجارت کا تقریبا دو تہائی حصہ اب ہندوستان کے ایف ٹی ایز کے تحت آتا ہے،  کیونکہ ملک زیادہ ترقی یافتہ اور ترقی یافتہ معیشتوں کے ساتھ جڑا ہوا ہے ۔

انہوں نے کہا کہ یہ عالمی مشغولیت کے بارے میں ہندوستان کے نقطہ نظر میں تبدیلی کی عکاسی کرتا ہے ، انہوں نے کہا کہ ملک اب کمزور پوزیشن یا نوآبادیاتی ذہنیت سے بات چیت نہیں کرتا ہے ۔  اس کے بجائے ، ہندوستان اب دنیا کے ساتھ اعتماد کے ساتھ اور مضبوط پوزیشن سے جڑا ہوا ہے ۔

وزیر موصوف نے کہا کہ اگر اس وقت عالمی ترقی میں ہندوستان کا تقریبا 20 فیصد حصہ ہے اور ترقی کے انجن کے طور پر  ہندوستان ابھرا ہے،  تو مستقبل میں دنیا بھر کی نوجوان نسلوں کو ہندوستان جیسے ممالک کے ساتھ تیزی سے کام کرنے کی ضرورت ہوگی ۔

جناب پیوش گوئل نے کہا کہ وزیر اعظم نریندر مودی کی قیادت میں قومی تعلیمی پالیسی 2020  کا مسودہ تیار کرنے میں ملک بھر کے ماہرین تعلیم کے ساتھ وسیع مشاورت کے ذریعے ہندوستان کے تعلیمی نظام میں اصلاحات کی ایک جامع کوشش شروع کی گئی تھی ۔  انہوں نے کہا کہ یہ پالیسی ملک اور بیرون ملک کے متعلقہ فریقوں سے وسیع مشاورت اور ان پٹس کے بعد تیار کی گئی تھی ۔  اس سلسلے میں تقریبا تین لاکھ ان پٹس اور فیڈ بیک موصول ہوئے ، جن میں سے ہر ایک کو پالیسی کو حتمی شکل دینے سے پہلے مناسب اہمیت دی گئی اور احتیاط سے اس پر غور کیا گیا ۔

وزیر موصوف نے کہا کہ یہ پالیسی برسوں کے غور و فکر کے بعد سامنے آئی ہے اور اس سے وزیر اعظم نریندر مودی کے کام کرنے کے انداز کی عکاسی ہوتی ہے ۔  جناب گوئل نے کہا کہ اس پالیسی نے تعلیم میں بین الاقوامی معیارات کی خواہش ، ہندوستان کی بڑھتی ہوئی ضروریات کو پورا کرنے کے لیے تعلیمی اداروں کی توسیع اور دنیا بھر سے طلباء کو راغب کرنے کے لیے ہندوستان کی طرز فکر کو  سامنے لادیا ہے ۔

وزیر موصوف نے کہا کہ اس پالیسی نے بین الاقوامی کیمپس کو ہندوستان میں آنے اور قائم کرنے کی اجازت دی ہے اور یونیورسٹیوں کو دوہری ڈگری پیش کرنے کے لیے ہندوستانی اداروں کے ساتھ تعاون کرنے کے قابل بنایا ہے ۔  مذکورہ پالیسی نے سرحد پار طلباء کے تبادلے کی بھی حوصلہ افزائی کی ہے،  تاکہ ہندوستانی طلباء ترقی یافتہ اور دیگر ممالک میں تعلیمی نظام سے واقفیت حاصل کر سکیں، جبکہ بین الاقوامی طلباء بھی ہندوستان کے تعلیمی نظام کا تجربہ کر سکیں۔

جناب گوئل نے کہا کہ اب ترقی یافتہ ممالک کے طلباء کو ہندوستان آنے اور تعلیم حاصل کرنے کی ترغیب دینے کی ضرورت ہے ۔  انہوں نے تین سالہ پروگرام جیسے ماڈل تجویز کیے، جہاں طلباء ایک سال ہندوستان میں اور دو سال اپنے اصل ادارے میں گزار سکتے ہیں ، یا اپنا وقت دونوں اداروں کے درمیان مساوی طور پر تقسیم کر سکتے ہیں ۔  ان کے مطابق ، اس طرح کے دوہرے ڈگری پروگراموں سے ترقی یافتہ ممالک کے طلباء کو یہ سمجھنے میں مدد ملے گی کہ ترقی پذیر ممالک ثقافت اور معاشرے کے ساتھ کس طرح سوچتے ، کام کرتے اور مشغول ہوتے ہیں ۔

کانکلیو میں موجود وائس چانسلرز سے خطاب کرتے ہوئے جناب گوئل نے انہیں ہندوستان کے مستقبل کے معمار قرار دیتے ہوئے کہا کہ وہ نوجوان ہندوستانیوں کے ذہنوں کی تشکیل میں اہم کردار ادا کرتے ہیں ۔  انہوں نے کہا کہ ہر وائس چانسلر کی ایک اہم ذمہ داری ہوتی ہے کیونکہ وہ طلباء کو آئندہ کے چیلنجوں کا سامنا کرنے اور جدید ترقی یافتہ ملک کی بنیاد رکھنے کے لیے تیار کرتے ہیں ۔

وزیر موصوف نے کہا کہ اعلی تعلیمی اداروں کو بدلتے وقت کے ساتھ تیار ہونا چاہیے اور اساتذہ کو دوبارہ تربیت اور دوبارہ سیکھنے سے گزرنا چاہیے تاکہ وہ طلباء کو پڑھاتے ہوئے جدید نصاب اور مستقبل پر مبنی علم کے ساتھ اپ ڈیٹڈ رہیں ۔

جناب گوئل نے زور دے کر کہا کہ طلباء فرسودہ نصاب کے ذریعے مستقبل کے لیے تیار نہیں ہو سکتے ۔  انہوں نے کہا کہ اداروں اور اساتذہ کو ہوشیار رہنا چاہیے اور مستقبل میں ابھرتے ہوئے مواقع کو سمجھنا چاہیے ۔

جناب پیوش گوئل نے ہندوستان کی تجارت ، مینوفیکچرنگ اور خدمات کے شعبوں کو بین الاقوامی بنانے کے ساتھ ساتھ مصنوعی ذہانت ، کوانٹم کمپیوٹنگ اور مشین لرننگ جیسی جدید ٹیکنالوجیز کے ساتھ وابستگی کی اہمیت کو بھی اجاگرکیا۔  انہوں نے کہا کہ اگر ہندوستان کو موجودہ رفتار سے ترقی جاری رکھنی ہے ، دنیا کی سرفہرست تین معیشتوں میں سے ایک بننا ہے اور عالمی ٹیکنالوجی پاور ہاؤس کے طور پر ابھرنا ہے، تو یہ سبھی نکات تیزی سے اہم ہو جائیں گے۔

انہوں نے کہا کہ تعلیمی اداروں کو اسی کے مطابق اپنے نصاب اور تدریسی انداز کا ازسر نو جائزہ لینے کی ضرورت ہوگی ۔  انہوں نے زور دے کر کہا کہ بین الاقوامی تجارت اور ہندوستان کے آزاد تجارتی معاہدوں جیسے موضوعات کو تعلیمی نصاب میں شامل کیا جانا چاہیے،  تاکہ طلباء عالمی معیشت میں دستیاب مواقع کو سمجھ سکیں ۔

وزیر موصوف نے اس اعتماد کا اظہار کیا کہ جو طلبا بین الاقوامی قانون ، تجارتی قوانین اور آزاد تجارتی معاہدوں سے پیدا ہونے والے فوائد کو سمجھتے ہیں ، وہ امرت کال کے دوران ہندوستان کو وکست بھارت کی طرف لے جانے میں اہم کردار ادا کریں گے ۔

جناب گوئل نے کہا کہ آئندہ برسوں میں جیسے جیسے ادارے جدید تدریسی تکنیکوں کو اپناتے ہیں ، سہولیات کو اپ گریڈ کرتے ہیں اور عالمی رجحانات کے بارے میں اساتذہ کی سمجھ کو بہتر بناتے ہیں ،تو ہندوستانی طلباء تیزی سے بیرون ملک کے بجائے ہندوستان میں تعلیم حاصل کرنے کا انتخاب کریں گے ۔  اس کے ساتھ ہی ، ہندوستان دنیا بھر سے طلباء کو اپنی طرف متوجہ کرنا بھی شروع کرے گا ۔

انہوں نے اس امید کا اظہار کیا کہ آئندہ برسوں میں،  ہندوستان آنے والے ہر ایک بین الاقوامی طالب علم کے مقابلے میں بیرون ملک جانے والے 28 ہندوستانی طلباء کے موجودہ تناسب کو تبدیل کر دیا جائے گا  اور یہ کہ ہندوستان اپنے اداروں میں تعلیم حاصل کرنے کے لیے تقریبا 1.3 ملین غیر ملکی طلباء کو متوجہ کرے گا، جبکہ صرف ایک چھوٹی سی تعداد میں ہندوستانی طلباء بیرون ملک جاتے ہیں ۔

وزیر موصوف نے اعلی تعلیم کو بین الاقوامی بنانے اور 2047  تک ہندوستان کو عالمی تعلیمی منزل میں تبدیل کرنے کے وژن کو عملی جامہ پہنانے کے لیے تعلیمی اداروں ، حکومت اور صنعت کے درمیان زیادہ سے زیادہ تعاون کی حوصلہ افزائی کرتے ہوئے اپنی بات  ختم کی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –ش م۔ ق ر)

U. No.3453