امور داخلہ اور باہمی تعاون  کے مرکزی  وزیر جناب امت شاہ جمعہ 06 مارچ 2026 کو اوڈیشہ کے منڈالی میں مرکزی صنعتی سیکورٹی فورس (سی آئی ایس ایف) کے 57 ویں یوم تاسیس کی تقریب سے بطور مہمان خصوصی خطاب کریں گے ۔ وزیر داخلہ بھوبنیشور میں بھومی پوجن بھی کریں گے اور نیشنل فارنسک سائنسز یونیورسٹی (این ایف ایس یو) کے کیمپس کا سنگ بنیاد رکھیں گے ۔ اس کے علاوہ مرکزی وزیر داخلہ این ایف ایس یو کے ٹرانزٹ کیمپس کا ورچوئل طور پر افتتاح کریں گے ۔

جناب امت شاہ بھونیشور میں نیشنل فارنسک سائنسز یونیورسٹی (این ایف ایس یو) کے کیمپس کے ساتھ واقع سنٹرل فارنسک سائنس لیبارٹری (سی ایف ایس ایل) کا بھومی پوجن بھی کریں گے ۔ جناب شاہ بھونیشور میں 'نیو نیا ئے سنہیتا' پر نمائش کا افتتاح کریں گے اور موبائل فارنسک وین کو بھی ہری جھنڈی دکھا کر روانہ کریں گے ۔ اس موقع پر مرکزی وزیر تعلیم جناب دھرمیندر پردھان ، اوڈیشہ کے وزیر اعلی جناب موہن چرن ماجھی ، مرکزی داخلہ سکریٹری ، این ایف ایس یو کے بانی وائس چانسلر اور کئی دیگر معزز شخصیات موجود ہوں۔

امور داخلہ اور باہمی تعاون  کے مرکزی   وزیر وزارت داخلہ سے متعلق اقدامات کے تحت پولیس کے بنیادی ڈھانچے کو مضبوط بنانے کے مقصد سے کئی پولیس اسٹیشنوں کی عمارتوں کا ورچوئل طور پر افتتاح کریں گے ۔ وہ کچھ تھانوں میں سی سی اور ای او سہولیات کا بھی افتتاح کریں گے ۔ اس کے علاوہ انڈین انسٹی ٹیوٹ آف ٹیکنالوجی بھونیشور اور راشٹریہ رکشا یونیورسٹی کے ساتھ مفاہمت کی یادداشتوں پر بھی دستخط کیے جائیں گے ۔

این ایف ایس یو  کا بھونیشور کیمپس اوڈیشہ کے فارانسک اور تفتیشی ڈھانچے کو مضبوط بنانے کی طرف ایک اہم قدم ہے۔ حکومت اوڈیشہ کی طرف سے الاٹ کردہ 40 ایکڑ اراضی پر بنائے گئے مستقل کیمپس کو فرانزک اور اس سے منسلک علوم کے لیے ایک مرکز کے طور پر تیار کیا جائے گا۔این ایف ایس یو   کا یہ عارضی کیمپس تین الگ الگ تعلیمی پروگراموں کے ساتھ کام شروع کر رہا ہے،جس میں ایم ایس سی فرانزک سائنس، ایم ایس سی ڈیجیٹل فرانزک اینڈ انفارمیشن سیکیورٹی، اور ایل ایل ایم سائبر لاء اور سائبر کرائم کی تحقیقات شامل ہیں۔

*******

ش ح۔ح ن۔س ا

U.No:3412