نوجوانوں کے امور اور کھیلوں کی وزارت کے میرا یووا بھارت کے زیر اہتمام  میرا یوا بھارت بجٹ کویسٹ 2026 کو ملک بھر کے نوجوانوں کی طرف سے زبردست ردعمل ملا ہے ۔اس مقابلے کے دوسرے مرحملے میں تقریبا 47,000 مضامین موصول ہوئے ہیں ، جواس بات کی عکاسی کرتے ہیں کہ بھارت کے نوجوان مرکزی بجٹ کے ساتھ مشغول ہونے اور وکست بھارت@2047 کے وژن کے لیے خیالات مشترک کرنے کے لیے بڑھ چڑھ کر دلچسپی لے رہے ہیں۔

مرکزی بجٹ 2026 کو وسیع پیمانے پر یووا شکتی پر مبنی بجٹ کے طور پر تسلیم کیا گیا ہے ، جس میں تعلیم ، ہنر مندی ، صنعت کاری ، اختراع اور مستقبل کے لیے تیار ترقی کے مواقع میں سرمایہ کاری کے ذریعے ہندوستان کے نوجوانوں کو بااختیار بنانے پر زور دیا گیا ہے ۔

اس تناظر میں ، ایم وائی بھارت پلیٹ فارم (mybharat.gov.in) پر منعقدہ ایم وائی بھارت بجٹ کویسٹ 2026 ایک منفرد پہل کے طور پر ابھرا ہے جو مرکزی بجٹ کو ملک کے نوجوانوں کے قریب لاتا ہے ، انہیں اس کی ترجیحات کو سمجھنے ، اس کے وژن پر غور کرنے اور ہندوستان کے ترقیاتی سفر کے لیے فعال طور پر خیالات کا تعاون کرنے کے قابل بناتا ہے ۔

اس مہم کے پہلے مرحلے کے مقصد کی بنیاد پر  جس میں ملک گیر آن لائن کوئز کے ذریعے نوجوانوں میں بیداری اور مرکزی بجٹ کےبارےمیں بیداری اور سمجھ بوجھ کو فروغ دینے پر توجہ دی گئی ۔ایم وائی بھارت بجٹ کویسٹ 2026 میں تمام ریاستوں اور مرکز کے زیر انتظام علاقوں کے 12 لاکھ سے زیادہ نوجوانوں نے شرکت کی ۔ ان میں ، اتر پردیش ، تمل ناڈو اور مغربی بنگال سب سے زیادہ شرکت کے ساتھ کارکردگی کا مظاہرہ کرنے والی سرفہرست تین ریاستوں کے طور پر ابھرے ۔

کوئز کے بعد  ہر ریاست اور مرکز کے زیر انتظام علاقے سے اعلی کارکردگی کا مظاہرہ کرنے والے شرکاء کو مضمون کے دور کے لیےمنتحب  کیا گیا ، جہاں انہوں نے ہندوستان کے ترقیاتی سفر سے متعلق موضوعات پر اپنے خیالات اور پالیسی کے نقطہ نظر پیش کیے ۔

یہ مضامین مرکزی بجٹ کی ترجیحات اور وکست بھارت کے وژن کے مطابق نو کلیدی موضوعات پر مبنی تھے:

1. وکست کرشی: زراعت ، دیہی معیشت اور کسانوں کی فلاح و بہبود کو مضبوط بنانا
2.  انسانی سرمایہ: تعلیم ، ہنر مندی کے فروغ اور روزگار میں سرمایہ کاری
3.  ترقی ، سرمایہ کاری اور بنیادی ڈھانچے کے ذریعے ہندوستان کی ترقی
4. خواتین کی قیادت میں ہمہ گیر ترقی: ترقی یافتہ ہندوستان کی کلید
5.  کاروبار کرنے میں آسانی: ترقی یافتہ ہندوستان کے لیے کاروبار کو آسان بنانا
6. مستقبل کی معیشت: ڈیجیٹل ، ٹیکنالوجی اور اختراع پر مبنی معیشت
7.  ہندوستان کو عالمی کاروباری مرکز کے طور پر ترقی دینا
8.  گرین وکست بھارت: ماحول دوست اور پائیدار ترقی
9.  ہندوستان کا کھیلوں کا انقلاب: تحقیق ، مینوفیکچرنگ اور کھیلوں کا عالمی مرکز بننے کا ہدف

اس بات چیت کو ایک قدم آگے بڑھاتے ہوئے ، ریاستی اور مرکز کے زیر انتظام علاقوں کی سطح کے فاتحین کو 15 مارچ 2026 سے شروع ہونے والے وزیر اعظم جناب نریندر مودی کے ساتھ براہ راست بات چیت کرنے کا موقع ملے گا ، جہاں وہ مرکزی بجٹ اور وکست بھارت کی طرف سفر پر اس کے اثرات پر تبادلہ خیال کریں گے ۔

یہ بات چیت نوجوان ہندوستانیوں کو ملک کی قیادت کے ساتھ اپنے نقطہ نظر کا اشتراک کرنے کے لیے ایک منفرد پلیٹ فارم فراہم کرے گی ، جس سے شراکت دار حکمرانی اور یووا شکتی کی قیادت میں قوم کی تعمیر کے جذبے کو تقویت ملے گی ۔

مائی بھارت بجٹ کوئسٹ 2026 میں یووا شکتی کی شاندار شرکت اس بات کی عکاسی کرتی ہے کہ بھارت کی امرت پیڑھی ملک کی پالیسیوں اور مسئلوں کاحل تلاش کرنے میں فعال کردار ادا کرنے کی خواہاں ہے۔ یہ اس بات کی دوبارہ تصدیق  کرتی ہے کہ ملک کے نوجوان ذہن بھارت کو 2047 تک خودمختار اور وکست بھارت بنانے کے سفر میں اہم شراکت دار ہیں۔

***

 
ش ح۔ ت ف ۔ اش ق۔

U- 3400