শ্রী আর. এন. রবি, এল. মুরুগান, ইদাপ্পাদি কে. পালানিস্বামী, নায়নার নাগেন্দ্রন, ই. ভি. ভেলু, অমসুং তামিল নাদুগী ঐহাক্কী নুংশিরবা ইচিল-ইনাওশিং, ভানক্কম!

ঐহাক্না মদুরাইগী অশেংবা অমসুং পুৱারী ওইরবা শহর অসিদা লাকপা অসিদা ইকায় খুম্নবা উৎচরি। ঐহাক্না মীনাক্ষি অম্মান অমসুং ভগৱান সুন্দরেশ্বরবু ইকায় খুম্নবা উৎচরি। ঙসিগী থৌরম অসিনা তামিল নাদুগী চাউখৎ থৌরাংগী খোঙচৎতা চাউথোকচনীংঙাই ওইবা তাঙ্কক অমা ওইরে। ঐখোয়না লুপা করোর ৪,৪০০ হেনবগী প্রোজেক্তশিং শঙ্গাখ্রে, উরেপ উয়ুং তমখ্রে অমসুং জাতিদা কত্থোকখ্রে। প্রোজেক্তশিং অসিনা কনেক্তিবিতীদা অহোংবা পুরক্লগনি, ইকোনোমীদা পুক্নিং থৌগৎলগনি, থবক ফংহল্লগনি অমসুং মীওই লাখ কয়াগী পুন্সিদা অহোংবা পুরক্লগনি। লৌমীশিংনা কৈথেল য়ৌনবা হেন্না ফবা লম্বীশিং। পিলগ্রিমশিং অমসুং তুরিস্তশিংগীদমক চৎথোক চৎশিন হেন্না লায়থোকহল্লগনি। ললোন-ইতিক্কীদমক হেন্না থুনা চৎথোক-চৎশিন তৌবা। অৱাংবা থাক্কী ইনফ্রাস্ত্রকচর শেমগৎপা হায়বসি মীশিংদা শক্তি পীনবনি।

মরুপশিং,

হৌখিবা চহি ১২ অসিদা, ভারত সরকারনা তামিল নাদুগী হাইৱে নেৎৱার্ক্তা চাউনা ইনভেস্তমেন্ত তৌখ্রে। ২০১৪দগী হৌদুনা মফম অসিদা কিলোমীতর ৪,০০০ হেন্না শাংবা হায়ৱে শেমখ্রে। ঙসি, মরু ওইবা নেস্নেল হায়ৱে প্রোজেক্ত অনিগী উরেপ উয়ুং তম্বদা ঐহাক নুংঙাইবা ফাওই। অহানবদা, লুপা করোর ২,১০০ হেনবগী ইনভেস্তমেন্তগা লোয়ননা মারাক্কনাম অমসুং পুদুচেরী সেক্সনগী ফোর-লেন ওনবা, মসিনা তামিল নাদু অমসুং পুদুচেরী অনিমক্তা কোস্তেল তুরিজম, ললোন-ইতিক অমসুং শেন্মিৎলোনবু মপাঙ্গল কনখৎহল্লগনি। অনিশুবদা, পরমাকুদি-রামনাথপুরমগী শরুক ফোর-লেনদা শেমগৎপা। প্রোজেক্ত অসিদা ঐখোয়না লুপা করোর লিশিং অমগা চনিপানগী মথক্তা ইনভেস্ত তৌরি। মসিনা রামেশ্বরম অমসুং ধানুশকোদীগুম্বা মফমশিং অসি য়ৌহনবদা চাউনা মতেং পাংগনি। মসিনা তীর্থয়াত্রীশিংগীদমক লম্বী চৎপদা লাইথোকহল্লি অমসুং লৌউ-শিংউগী পোত্থোকশিং অমসুং সমুদ্রগী পোত্থোকশিং অপনবা লৈতনা পুথোক-পুশিন তৌবা ঙমহল্লি।

মরুপশিং,

হৌখিবা চহি তরা অসিদা, ভারত রেলৱেজনা পুৱারী ওইরবা অহোংবা অমা লাক্লে। মসি মোদর্ন, ইফিসিএন্ত অমসুং মীওইবদা মীৎয়েং চঙবা ত্রান্সপোর্ত সিস্তেম অমা ওইনা থোক্লক্লি। অসিগুম্বা অহোংবা অসি তামিল নাদুদা অখন্ননা উবা ফংই। তামিল নাদুগী রেলৱেজকী বজেৎ এলোকেসন অসি ঐখোয়গী সরকারনা লাকপদগী শরুক নিপান হেনগৎখ্রে। ২০০৯দগী ২০১৪ ফাওবদা, রেলৱেজদা চহিগী চাংচত্তা এলোকেসন অসি লুপা করোর ৮৮০ ওইখি। ২০২৬-২৭দা, এলোকেসন অসি লুপা করোর ৭,৬০০দা হেনগৎলে।

তামিল নাদুদা, কিলোমিতর লিশিং অহুমগী মথক্তা অনৌবা ত্রেকশিং শেমখ্রে। ইলেক্ত্রিফিকেসনগী চাং চাদা ৯৭ ফংলে। ফ্লাইওভর অমসুং আন্দরপাস চা কয়া অমা শেমগৎতুনা সেফতী অমসুং ইফিসিএন্সি হেনগৎহল্লে। হৌখিবা চহিদা, ঐহাক্না তামিল নাদুদা অনৌবা পাম্বন ব্রিজ শঙ্গাবগী খুদোংচাবা ফংখি। মসি ভারতকী অহানবা ভর্তিকল লিফ সী ব্রিদজনি, মসি ইঞ্জিনীয়রিংগী মগুনগী খুদম অমনি। মসিগী থোং অসি তামিল নাদুগী মরুওইবা তুরিস্ত এত্রেক্সন অমা ওইরে।

মরুপশিং,

হৌজিক, ভন্দে ভারত ত্রেন ৯ অমসুং অমৃত ভারত ত্রেন ৯না তামিল নাদুগী মীয়ামদা কান্নবা পীরি। অসিগুম্বা হাই স্পীদ ত্রেনশিংগী কোচশিং অসি চেন্নাইদা লৈবা ইন্তিগ্রেতেল কোচ ফেক্তরীদা পুথোক্লি। 'মেক ইন ইন্দিয়া'গী ঐখোয়গী ভিজন অসিনা ঐখোয়গী নহারোলশিংদা আত্মনির্ভরতা অমসুং থবক পীবা হেনগৎহল্লিবা অসি চাউথোকচনিংঙাইনি। অমৃত ভারত স্তেসন স্কিমগী মখাদা রেলৱে স্তেসন ৭৭ মোদর্নাইজ তৌরি। হায়রিবা স্তেসনশিং অসিদা খুদোংচাবশিং, ফংহনবা ঙম্বা অমসুং লোকেল আইদেন্তিতী অসি পুনশিন্নৈ। ঙসি, ঐখোয়না তামিল নাদুগী মফম কয়াদা নৌনা শেমগৎলবা স্তেসন ৮ শঙ্গাখ্রে। চেন্নাই বীচ চেন্নাই ইগমোর মরিশুবা লাইন শঙ্গাবনা চেন্নাইদা নুংতিগী চৎথোক-চৎশিন তৌরিবা মীওই লিশিং কয়াদা কান্নবা ফংহল্লগনি। কুম্বকোনম, য়রকদ অমসুং ভেল্লোরদা আকাশবানীগী অনৌবা এফ.এম. রিলে ত্রান্সমিতরশিং শঙ্গাবদা ঐহাক নুংঙাইবা ফাওই। ঙসিদগী হৌরগা রেদিও স্তেসনশিং অসি অদোমগী সেবাদা কত্থোক্লগনি।

মরুপশিং,

তামিল নাদুদা ইনফ্রাস্ত্রকচরগী ফন্দিং অসি মমাংগী দিকেদকা য়েংনবদা হৌজিক শরুক অহুম ওইখ্রে। অমসুং ২০২৬কী বজেৎ অসিনা তামিল নাদুদা অকনবা মীৎয়েং চংদুনা ত্রেন্দ অসিবু মখা চত্থরি। মসিগী বজেৎ অসিদা, ঐখোয়না বেঙ্গালুরু-চেন্নাই অমসুং চেন্নাই-হায়দ্রবাদ বুলেৎ ত্রেন কোরিদোরশিং শেম্নবা ৱাফম থম্লে। মখোয়না লমদম অসিগী শেনমিৎলোনদা অহোংবা পুরক্লগনি। বজেৎ অসিনা তামিল নাদুবু রিয়র আর্থ কোরিদোরশিংগী শরুক অমা ওইনা থম্লি। রিয়র আর্থ কোরিদোরশিংনা অৱাংবা থাক্কী মেন্যুফেকচরিং, রিসর্চ অমসুং তেক্নোলোজী দিবেলপমেন্ত প্রমোৎ তৌগনি।

মরুপশিং,

তামিল নাদুগী পুৱারী অমসুং হেরিতেজ মরাং কায়না লৈ। অদিচানলুরগুম্বা পুৱারী ওইরবা মফমশিং অসি মালেমগী হেরিতেজ দেস্তিনেসনশিং ওইনা শেমগৎকনি। পুলিকাত লেক অমসুং পোধিগাই মালাইগী অকোইবদা ইকোতুরিজমগী থৌরাংশিং লৌখৎপনা মহৌশাগী ইকোসিস্তেমশিং ঙাক-শেন্দুনা থবক ফংহন্নবা অনৌবা খুদোংচাবশিং ফংহল্লগনি। লৈবাক শিনবা থুংনা, মেনুফেকচরিং হেনগৎহন্নবা, চাউরাক্না ইন্দস্ত্রীএল ক্লস্তর ২০০ মশক খঙদোক্লগনি অমসুং মতেং পাংগনি। তামিল নাদু অসি ইন্দস্ত্রী কয়াগী য়ুম্ফমনি হায়বসি ঐখোয় পুম্নমক্না খঙই। মরম অদুনা, স্কিম অসিনা মফম অসিগী নহাশিংদা কান্নবা ফংহনগনি।

মরুপশিং,

ভারত মচা খুদিংমক্না ২০৪৭ ফাওবদা চাউখৎলবা লৈবাক অমা শেমগৎনবা ইথিল পীরি। তামিল নাদুনা লৈবাক অসিগী তুংগী মীরোল শেম্বদা অচৌবা থৌদাং অমা লৌগনি। ঐখোয়গী অপুনবা পান্দমদি চাউখৎলবা ভারতকীদমক চাউখৎলবা তামিল নাদুনি। কেন্দ্রনা ইনক্লুসিব দিবেলপমেন্ত অমসুং রাজ্যগী চাউখৎ-থৌরাংগীদমক মপুং ফানা লেপ্পী।

নন্দ্রী!

***