ইকায়খুম্নরবা প্রধান মন্ত্রী অমসুং ঐগী মরুপ নেতনয়াহু,

ইকায়খুম্নরবী নেতনয়াহু,

লৈবাক অনিমক্কী শক্নাইরবা মীহুৎ কাংবুশিং,

মেদিয়াগী মরুপশিং,

খুরুমজরি!

“সালোম!”

ঐ অমসুং ভারতকী মীহুৎ কাংবু তরাম্না ওকপগীদমক ঐনা অমুক হন্না প্রধান মন্ত্রী নেতনয়াহু তৌবীমল খঙবা উৎচরি।

চহি ৯ গী মমাংদা, ঐনা ইজরেলদা লাকপদা ভারতকী অহানবা প্রধান মন্ত্রী ওইখি। অমুক হন্না, পুৱারি ওইরবা ইজরেলগী লৈহাওদা খোঙদাবা অসি ঐগী ওইনা চাউথোকচবা অমসুং পুক্নিং নুংশিবা তাঞ্জা অমনি।

ঙরাং, ঐনা ইজরেলগী সংসদতা ৱা ঙাংবগী খুদোংচাবা অমা ফংখ্রে। থৌরম অদুদা, ঐ স্পিকর ওফ কনেসেত মেদল পীদুনা ইকায়খুম্নখ্রে। মসিগী ইকায়খুম্নবা অসিগীদমক ঐনা কনেসেত, ইকায়খুম্নরবা স্পিকর, ঐগী মরুপ প্রধান মন্ত্রী নেতনয়াহু, অমসুং ইজরেলগী মীয়ামদা ঐগী তৌবীমল খঙবা উৎচরি। মসিগী ইকায়খুম্নবা অসি ঐনা ভারতকী মীওই বিল্লিয়ন ১.৪ অমসুং ভারত অমসুং ইজরেলগী মতম কুইরবা মরুপ-মপাংগী মরীদা কৎথোকচরি।

মরুপশিং,

ঐখোয়গী মরী অসি অচেৎপা থাজনবা, গনতন্ত্রগী মগুনশিং অমসুং অকনবা মীওইবগী মরীশিংদা য়ুম্ফম ওইবনি। ঐখোয়গী মরীশিং মতমগী চাংয়েং কয়া থেংনদুনা লাকখ্রে।

ঙসিদি, মতম কুইরবা ঐখোয়গী মরী অসি “স্পিসিএল ষ্ট্রাতেজিক পার্তনরসিপ” গী থাক্ত পুখৎনবা ঐখোয়না পুৱারি ওইরবা ৱারেপ লৌরে। ঐখোয়গী লৈবাক অনিমক্কী মীয়ামগী অপাম্বশিং ৱারেপ অসিদা মমি তারে।

মরুপশিং,

ঙসিগী মীফম অসিদা, ঐখোয়গী মতেং পাংনরিবা অসিগী অনৌবা মাইকৈ অমসুং হেন্না খোঙজেল য়াংখৎনবা ঐখোয় খন্নরে। ঐখোয়গী শেন-থুমগী মরী অসি চাউখৎপগী ইঞ্জিন, ইন্নোবেসন অমসুং নুংঙাই-য়াইফনবা ইঞ্জিন অমা ওইনা মখা তানা থবক তৌগনি।

লৈবাক অমনা অমদা শেন থাদবা মখা তানা হেনগৎহন্নবা, হৌখিবা চহিদা ঐখোয়না বাইলেতরেল ইনভেষ্টমেন্ত এগ্রিমেন্ত অমা লৈখ্রে। লৈবাক অনিমক কান্নবা ফংগদবা ফ্রি ত্রেদ এগ্রিমেন্ত অমা ঐখোয়না অথুবা মতমদা য়ানবা পুরক্লগনি।

ঐখোয়গী তুংগী মরীদা তেক্নোলোজি য়াম্না মরুওইরি। ঙসি, মরুওইবা অমসুং নৌনা থোক্লকপা তেক্নোলোজিশিংগী মরী অমা শেমগৎনবা ঐখোয় ৱারেপ লৌরে। আর্তিফিসিএল ইন্তিলিজেন্স, ক্বান্তম তেক্নোলোজিশিং অমসুং ক্রিতিকেল মিনরেলশিংগুম্বা হিরমশিংদা মতেং পাংন্নবা মসিনা অনৌবা ইনোৎ অমা হাপকনি।

ইজরেলদা য়ু.পি.আই শীজিন্নবা য়ানবা য়ানবা অমা পুরকপদা ঐ অপেনবা ফাওই। দিজিতেল হেল্থগী লমদসু, ঐখোয়গী লৌশিং অমসুং খ্বাইদগী ফবা থবকশিং শরুক য়ামিন্নদুনা ঐখোয়গী মীয়ামগী পুন্সিশিংগী ফিবম ফগৎহন্নবা ঐখোয়না ৱারেপ লৌরে।

ঙাক-শেনগী লমদা থাজবা লৈনা চহি কয়া ঐখোয় মতেং পাংনদুনা লাক্লি। হৌখিবা চহিদা লৈখিবা এম.ও.য়ু অদুনা মরী অসিদা অনৌবা শক্তমশিং হাপচিনগনি। অমতা ওইনা, পুন্না চাউখৎমিন্নবা, পুন্না পোৎথোক পুথোকমিন্নবা অমসুং তেক্নোলোজি পীনবা ঐখোয়না খুমাঙচাউশিনহনগনি।

মসিগা লোয়ননা, সিবিল ন্যুক্লিয়ার ইনর্জি অমসুং স্পেসকী লমদা ঐখোয় মতেং পাংনবা ঐখোয়না মখা তানা ফগৎহনগনি।

মরুপশিং,

ঐখোয়গী লৈবাক অনিগী মরক্ত লৌউ-শিংউগী মতেং পাংনবা অসি মতম শাংলবা অমসুং মাইপাক্লবা পুৱারিনি। ঙসিদি, মসিগী মতেং পাংনবা অসি তুংগী মাইকৈ অমা তাক্নবা ঐখোয়না ৱারেপ লৌরে।

ইজরেলগী মতেংগা লোয়ননা ভারত্ত সেন্তর ওফ এক্সলেন্সশিং লিংখৎলিবা অসি ঙসি ঐখোয়গী মরীগী মশক থোকপা খুদমশিং ওইরি। মখোয়গী মাইপাকপনা পুক্নিং থৌগৎতুনা, মখোয়গী মশিং ১০০ দা হেনগৎহন্নবা ঐখোয়না পান্দম অমা থম্লে।

মসিগী মতেং পাংনবা অসি মখা তানা চঙশিন্দুনা, তোমথিন ঙানবা খুঙ্গংশিং শেমগৎনবা মাইকৈদা ঐখোয় থবক পায়খৎলি। মসিনা ইজরেলগী তেক্নোলোজি ভারতকী খুঙ্গংশিংদা পুরক্কনি অমসুং লৌমী করোর কয়াগী শেন্থোক অমসুং পোৎথোক-চাথোক হেনগৎহনগনি।

অমতা ওইনা, ঐখোয়না তুংগী শেম-শারবা লৌউ-শিংউগী পাম্বৈশিংসু শেমগৎকনি। ভারত্ত “ইন্দিয়া-ইজরেল ইন্নোবেসন সেন্তর ফোর এগ্রিকলচর” লিংখৎপা অসিনা মতেং পাংনবা অসি খুমাঙচাউশিন্নবা অকনবা য়ুম্ফম অমা থোনগনি।

মরুপশিং,

ঐখোয়গী মীগা-মীগা লৈনবা মরীশিং মখা তানা ঐখোয়গী মরীগী মরুওইবা য়ুম্বী অমা ওইগনি। ২০২৩ দা লৈখিবা মেনপৱার মোবিলিতি এগ্রিমেন্তগী খুৎথাংদা, ইজরেলগী য়ুম-কৈ শাবা অমসুং সেবা তৌবগী হিরমশিংদা ভারতনা শিংথাবা য়ানা মতেং পাংলে। মখোয়গী থবক চেকশিনবা, হায়দোকখিবা ৱা ঙাকপা অমসুং হৈথোই-শিংথোইবগীদমক ভারতকী শিন্মীশিংদা থাজবা থম্লে।

মতেং পাংনবা অসি ললোন-ইতিক অমসুং সর্বিসশিংদা পাকথোক-চাউথোকপদা ঐ অপেনবা ফাওই। ঐখোয়গী লৈবাক অনিমক্কী নহারোলশিং, থিজিল্লোয়শিং অমসুং ইন্নোবেতরশিং শম্নহনবা অসি ঐখোয়গী য়াম্না মরুওইবা অমনি। মাইকৈ অসিদা, ঙসি ঐখোয়না ইন্দিয়া-ইজরেল একাদেমিক ফোরম লিংখৎলে।

মরুপশিং,

ঙসি, লমদম লমদমগী অমসুং মালেমগী থৌদোক-ৱাথোকশিংগী মতাংদা ঐখোয় পাক-চাউনা খন্নরে। ঐখোয়না লমদম অসিগী চৎথোক-চৎশিন ফগৎনবা খন্নবগা লোয়ননা, ইন্দিয়া-মিদল ইষ্ট-য়ুরোপ ইকোনোমিক কোরিদোর অমসুং ইন্দিয়া-ইজরেল-য়ু.এ.ই-য়ু.এস.এ(১২য়ু২) ঐখোয়না মাঙলোমদা পুখৎকনি অমসুং খোঙজেল য়াংখৎহনগনি।

মরুপশিং,

ভারত অমসুং ইজরেলগী লেংদ্রবা ফিরেপ লৈরি:

মালেম অসিদা তেরোরিজমগী মফম লৈতে।

মওং অমগী, অমসুং মখল অমগী,

তেরোরিজম য়াবা ঙম্লোই।

তেরোরিজম অমসুং মসি শৌগৎলিবশিংগী মায়োক্ত লৈনবা ঐখোয় লেংকোন্নদুনা চৎমিন্নরি অমসুং মসি ঐখোয় মখা তানা চৎমিন্নগনি।

নোংচুপ এসিয়াদা শান্তি অমসুং তংদু-লৈতাবা পুরকপা হায়বসি ভারতকী সেকুরিতিগী দরকার ওইবনি। মরম অদুনা, হেক হৌবদগী, ৱাথোকশিং ৱারি শানদুনা অমসুং শান্তি ওইনা ৱারোইশিন পুরক্নবা ঐখোয়না শৌগৎতুনা লাক্লি। মসি গ্লোবেল সাউথ অমসুং মীওইবা খুন্নাইগী অপুনবা খোল্লাউনি।

ভারতকী ফিবম নাখৈ শেংলে:

মীওইবা খুন্নাই কৈদৌঙৈদা মুক্নবগী চৈথেং ফংবা অমা ওইরোইদৌবনি। গজা পীছ প্লান্না শান্তি পুরক্নবা অনৌবা লম্বী অমা হাংদোক্লে। হায়রিবা থবকশিং অসিদা ভারতনা মপুংফানা শৌগৎলি। তুংদসু, ঐখোয়না লৈবাক খুদিংমক্কা মখা তানা ৱারি শানগনি অমসুং মতেং পাংনগনি।

ইকায়খুম্নরবা ঐগী নুংশিরবা মরুপ,

ঐখোয়গী খোঙচত্ত অদোমনা তরাম্না ওকখিবা অমসুং নুংঙাইনা থমখিবা অসি তশেংনা নিংশিংদুনা লৈহৌরগনি। অদোম অমসুং ইজরেলগী মীয়ামদগী ফংখিবা নুংশিবা অমসুং ইকায়খুম্নবা অদুগীদমক ঐনা অমুক হন্না ঐগী তৌবীমল খঙবা উৎচরি।

অদোম ঙমখৈ লৈতনা থাগৎপা ফোঙদোকচরি।

“তোদাহ রাবাহ”

দিসক্লেমর: মসি প্রধান মন্ত্রীগী ৱারোলদগী চাউরাকপা হন্দোকপনি। অশেংবা ৱারোল হিন্দীদা পীখি।

***