|
ক্ৰমিক নং
|
বুজাবুজি চুক্তিৰ নাম/চুক্তি
|
বিৱৰণ
|
|
১
|
ভূ-ভৌতিক অন্বেষণৰ ক্ষেত্ৰত সহযোগিতাৰ বুজাবুজি চুক্তি।
|
এই বুজাবুজি চুক্তিয়ে উন্নত ভূ-ভৌতিক আৰু এআই প্ৰযুক্তি ব্যৱহাৰ কৰি খনিজ অন্বেষণৰ ক্ষেত্ৰত ভাৰত–ইজৰাইলৰ সহযোগিতা বৃদ্ধি কৰিব, তথ্য বিনিময়, বিনিয়োগ, আৰু বহনক্ষম সম্পদ উন্নয়নক প্ৰসাৰিত কৰিব।
|
|
২.
|
ৰাষ্ট্ৰীয় সামুদ্ৰিক ঐতিহ্য কমপ্লেক্স (এনএমএইচচি), লোথালাট গুজৰাটৰ উন্নয়নৰ বাবে
|
বুজাবুজি চুক্তিখনে ৰাষ্ট্ৰীয় সামুদ্ৰিক ঐতিহ্য কমপ্লেক্স আৰু বহল জনসংযোগক সমৰ্থন কৰি প্ৰদৰ্শনী, গৱেষণা, প্ৰকাশন, আৰু বিশেষজ্ঞতাৰ বিনিময়ৰ জৰিয়তে ভাগ-বতৰা কৰা সামুদ্ৰিক ঐতিহ্যক উদযাপন কৰিবলৈ ভাৰত–ইজৰাইলৰ সহযোগিতাৰ প্ৰসাৰ ঘটাব।
|
|
৩
|
২০২৬-২০২৯ চনৰ বাবে সাংস্কৃতিক বিনিময় কাৰ্যসূচী
|
চিইপিয়ে উৎসৱ, কৰ্মশালা, আৰু বিশেষজ্ঞ ভ্ৰমণৰ জৰিয়তে সংগীত, নাট্য, দৃশ্য কলা, নৃত্য, আৰু অন্যান্য সৃষ্টিশীল ক্ষেত্ৰত বিনিময়ৰ জৰিয়তে ভাৰত–ইজৰাইলৰ সাংস্কৃতিক সম্পৰ্কক লালন-পালন কৰিব, যাৰ ফলত পাৰস্পৰিক বুজাবুজি গভীৰ হ'ব।
|
|
৪
|
ইউপিআই ৰূপায়ণৰ ওপৰত এনপিচিআই ইণ্টাৰনেশ্যনেল (এনআইপিএল) আৰু ইজৰাইলৰ মাছাভৰ মাজত বুজাবুজি চুক্তি
|
চুক্তিখনৰ লক্ষ্য হৈছে ইউনিফাইড পেমেণ্টছ ইন্টাৰফেচ (ইউপিআই)ৰ জৰিয়তে ভাৰত আৰু ইজৰাইলৰ মাজত সীমা অতিক্ৰম কৰি ৰেমিটেন্স সক্ষম কৰা।
|
|
৫
|
আইচিএআৰ আৰু মাছাভৰ মাজত ভাৰত-ইজৰাইল ইনোভেচন চেণ্টাৰ ফৰ এগ্ৰিকালচাৰ (আইআইএনচিএ) স্থাপনৰ বুজাবুজি চুক্তি
|
চুক্তিখনে আইচিএআৰত পৰৱৰ্তী প্ৰজন্মৰ কৃষি প্ৰযুক্তি—যেনে নিখুঁত কৃষি, উপগ্ৰহ ভিত্তিক জলসিঞ্চন, উন্নত যন্ত্ৰপাতি, আৰু সংহত কীট ব্যৱস্থাপনা—আৰু জাৰ্মপ্লাজম বিনিময়, প্ৰদৰ্শন, চপোৱাৰ পিছৰ সমাধান, আৰু সামৰ্থ্য বিকাশক সমৰ্থন কৰিবলৈ আইচিএআৰত যৌথ উদ্ভাৱন কেন্দ্ৰ স্থাপন কৰিব।
|
|
6.
|
হৰাইজন স্কেনিঙৰ ক্ষেত্ৰত সহযোগিতাৰ উদ্দেশ্য ঘোষণা
|
ডিঅ’আইয়ে যৌথ গৱেষণা, সামৰ্থ্য বিকাশ আৰু এআই-চালিত সঁজুলিৰ জৰিয়তে কৌশলগত দূৰদৰ্শিতা, বিপদ মূল্যায়ন, আৰু প্ৰযুক্তি পৰিকল্পনা শক্তিশালী কৰিবলৈ উন্নত হৰাইজন স্কেনিঙৰ ক্ষেত্ৰত ভাৰত–ইজৰাইলৰ সহযোগিতাৰ পোষকতা কৰিছে।
|
|
৭
|
মীন আৰু জলজ কৃষিৰ ক্ষেত্ৰত সহযোগিতাৰ বুজাবুজি চুক্তি
|
চুক্তিখনে অনুসন্ধান আৰু বিকাশ, বাণিজ্য, প্ৰশিক্ষণ, উদ্ভাৱন, আৰু উৎকৃষ্টতা কেন্দ্ৰৰ জৰিয়তে বহনক্ষম, প্ৰযুক্তি-চালিত মীন আৰু জলজ কৃষিৰ ক্ষেত্ৰত ভাৰত–ইজৰাইলৰ সহযোগিতা বৃদ্ধি কৰিব—যিটোৱে উন্নত ব্যৱস্থা, ৰোগ ব্যৱস্থাপনা, সামুদ্ৰিক কৃষি, আৰু সাগৰীয় শাক-পাচলি সামৰি ল'ব।
|
|
৮
|
আন্তঃৰাষ্ট্ৰীয় বিত্তীয় সেৱা কেন্দ্ৰ কৰ্তৃপক্ষ (আই এফ এছ চি এ) আৰু ইজৰাইল ছিকিউৰিটিজ কৰ্তৃপক্ষ (আই এছ এ)ৰ মাজত বুজাবুজি চুক্তি
|
কৰ্তৃপক্ষসমূহে তথ্য বিনিময়, উত্তম পদ্ধতি, ফিনটেক আৰু ৰেগটেক সহযোগিতা, আৰু উদ্ভাৱন-চালিত পৰিৱেশ তন্ত্ৰক লাভান্বিত কৰিবলৈ মূল খণ্ডৰ উন্নয়নৰ ওপৰত আপডেটৰ জৰিয়তে বিত্তীয় সেৱাত সহযোগিতা আগবঢ়াই নিয়াৰ লক্ষ্য স্থিৰ কৰিছে।
|
|
৯
|
বাণিজ্য আৰু সেৱা খণ্ডত শ্ৰমিক গতিশীলতাৰ বিষয়ত ৰূপায়ণ প্ৰট’কল
|
প্ৰট’কলে ভাৰতীয় শ্ৰমিকসকলক খুচুৰা, চাফাই, লজিষ্টিক, গুদাম, খাদ্য প্ৰক্ৰিয়াকৰণ, আতিথ্য, আৰু পুনঃব্যৱহাৰৰ দৰে খণ্ডসমূহৰ মাজেৰে নিয়ন্ত্ৰিত মাধ্যমৰ জৰিয়তে ইজৰাইলত নিয়োগ লাভ কৰিবলৈ সক্ষম কৰিব।
|
|
১০
|
উৎপাদন খণ্ডত শ্ৰমিক গতিশীলতাৰ বিষয়ত প্ৰট’কল ৰূপায়ণ
|
ইয়াত বস্ত্ৰ, ধাতু, ইলেক্ট্ৰনিকছ, ৰাসায়নিক পদাৰ্থ, খাদ্য প্ৰক্ৰিয়াকৰণ, কাঠ আৰু কাগজ, প্লাষ্টিক, ৰবৰ, আৰু অন্যান্য ঔদ্যোগিক খণ্ডকে ধৰি বিভিন্ন উৎপাদন উদ্যোগত নিযুক্তি সামৰি লোৱা হৈছে।
|
|
১১
|
ৰেষ্টুৰেণ্ট খণ্ডত শ্ৰমিক গতিশীলতাৰ বিষয়ত প্ৰট'কল ৰূপায়ণ
|
ইয়াত ৰেষ্টুৰেণ্ট, কেফে, আৰু অন্যান্য খাদ্য প্ৰস্তুত আৰু বিক্ৰী ব্যৱসায়ত নিযুক্তি সামৰি লোৱা হৈছে।
|
|
১২
|
কৃত্ৰিম বুদ্ধিমত্তা (এআই)ৰ ব্যৱহাৰৰ জৰিয়তে শিক্ষাক আগুৱাই নিয়াত সহযোগিতাৰ বিষয়ত বুজাবুজি চুক্তি
|
সহযোগিতাৰে এআই-চালিত, মানৱকেন্দ্ৰিক শিক্ষণ বিকাশৰ ওপৰত গুৰুত্ব আৰোপ কৰে—ই উদ্ভাৱনীমূলক শিক্ষাবিজ্ঞান, শিক্ষক বিকাশ, নিয়ন্ত্ৰণ কাঠামো, ন্যায্য এআইৰ প্ৰৱেশ, গৱেষণা বিনিময়, আৰু অন্তৰ্ভুক্ত, ভৱিষ্যতৰ বাবে সাজু শিক্ষাৰ বাবে এআই আৰু তথ্য সাক্ষৰতাক একত্ৰিত কৰাটো সামৰি লৈছে।
|
|
১৩
|
ইজৰাইলী ইনষ্টিটিউট অৱ কমাৰ্চিয়েল আৰ্বিট্ৰেচন (আইআইচিএ) আৰু ইণ্ডিয়ান কাউন্সিল অৱ আৰ্বিট্ৰেচন (আইচিএ)ৰ মাজত সহযোগিতাৰ চুক্তি
|
এই চুক্তিয়ে দুয়োখন দেশতে বিশেষজ্ঞতা শক্তিশালী কৰিবলৈ জ্ঞান বিনিময়, উত্তম পদ্ধতি, আৰু যৌথ প্ৰশিক্ষণৰ জৰিয়তে সালিসী আৰু মধ্যস্থতাত সহযোগিতাক প্ৰসাৰিত কৰিব।
|
|
১৪
|
চতুৰ্থ ভাৰত-ইজৰাইল চিইঅ’ ফ’ৰামৰ প্ৰতিবেদন দাখিল
|
২০২৫ চনৰ নৱেম্বৰ মাহত ইজৰাইলত চতুৰ্থ চিইঅ’ ফ’ৰাম অনুষ্ঠিত হৈছিল আৰু দুয়োপক্ষৰ চৰকাৰক এক যৌথ প্ৰতিবেদন দাখিল কৰা হৈছিল। প্ৰতিবেদনখনে উদ্যোগৰ ধাৰাসমূহৰ সৈতে নীতিসমূহ সংযুক্ত কৰিবলৈ, ৰাজহুৱা-ব্যক্তিগত সহযোগিতাক প্ৰসাৰিত কৰিবলৈ, আৰু অৱগত অৰ্থনৈতিক সিদ্ধান্ত গ্ৰহণক সমৰ্থন কৰিবলৈ অন্তৰ্দৃষ্টি আৰু পৰামৰ্শ প্ৰদান কৰিছে।
|
|
১৫
|
নালান্দা বিশ্ববিদ্যালয় আৰু জেৰুজালেমৰ হিব্ৰু বিশ্ববিদ্যালয়ৰ মাজত বুজাবুজি চুক্তি
|
চুক্তিখনে বৌদ্ধ অধ্যয়ন, পুৰাতত্ত্ব, গণিত, আৰু আন্তঃৰাষ্ট্ৰীয় সম্পৰ্ককে ধৰি বিভিন্ন শাখাত দুয়োখন বিশ্ববিদ্যালয়ৰ মাজত অধ্যাপক আৰু ছাত্ৰৰ আদান-প্ৰদানৰ বাবে এক কাঠামো গঢ়ি তুলিব।
|
|
১৬.
|
ভাৰতত ভাৰত-ইজৰাইল চাইবাৰ উৎকৃষ্টতা কেন্দ্ৰ স্থাপনৰ উদ্দেশ্য পত্ৰ
|
এল অ’ আইয়ে চাইবাৰ সুৰক্ষাৰ উত্তম পদ্ধতি, উদীয়মান প্ৰযুক্তি, আৰু ডিজিটেল স্থিতিস্থাপকতা প্ৰদৰ্শনৰ বাবে ভাৰতত এক যুটীয়া চাইবাৰ উৎকৃষ্টতা কেন্দ্ৰ স্থাপন কৰে, চৰকাৰ, উদ্যোগ, আৰু শিক্ষাবিদসকলৰ মাজত সহযোগিতাক লাভাৱান্বিত কৰিব।
|
|
১৭
|
কৃত্ৰিম বুদ্ধিমত্তা (এআই)ত সহযোগিতা সম্পৰ্কীয় বুজাবুজি চুক্তি
|
চুক্তিখনে এআই বিকাশ আৰু সামৰ্থ্য বিকাশৰ ক্ষেত্ৰত সহযোগিতাক প্ৰসাৰিত কৰে, নৈতিক এআই, অসামৰিক খণ্ডত প্ৰয়োগ, শৈক্ষিক গৱেষণা, আৰু বহনক্ষম বৃদ্ধিৰ বাবে ৰাজহুৱা–ব্যক্তিগত অংশীদাৰিত্বক সমৰ্থন কৰে।
|