প্রধানমন্ত্রীগী লোইশঙ
মহাক্কী ইজরেল খোঙচৎ মমাঙদা প্রধান মন্ত্রীনা ফোঙদোকখিবা ৱারোল
থাগৎখিবা:
25 FEB 2026 8:36AM by PIB Imphal
ঐগী নুংশিরবা মরুপ প্রধান মন্ত্রী বেঞ্জামিন নেতনয়াহুনা চেপাউ পীরকপদগী, ঐ ফেব্রুৱারি ২৫-২৬, ২০২৩৬ দা ইজরেলদা সরকারগী খোঙচৎ অমা চৎকনি।
হৌখিবা চহি খর অসিদা শিংথাবা য়ানা ফগৎলকপা অফবা অমসুং মাইথোঙ য়াম্বা মরুওইবা মরী অমা ভারত অমসুং ইজরেলগী মরক্ত লৈরি। সাইন্স অমসুং তেক্নোলোজি, ইন্নোবেসন, লৌউ-শিংউ, ঈশিংগী থবক, তেক্নোলোজি, দিফেন্স অমসুং সেকুরিতি, ললোন-ইতিক অমসুং শেন থাদবা অমসুং মীগা-মীগা লৈনবা মরীশিং য়াওনা তোঙান তোঙানবা হিরমশিংদা মখোয় মখা তানা মতেং পাংনবা হেনগৎহন্নবা পান্দম থমদুনা ঐনা প্রধান মন্ত্রী নেতনয়াহুগা ৱারি শানগনি হায়বগী থাজবা থম্লি। লৈবাক অনিমক্না দরকার ওইবা লমদম লমদমগী অমসুং মালেমগী থৌদোক-ৱাথোকশিংগী মতুংদসু ঐখোয় ৱারি শানগনি।
খোঙচৎ মনুংদা, ঐনা ইজরেলগী রাষ্ট্রপতি আইজাক হেরজোগকা উনগনি। ঐ ইজরেলগী সংসদতা ৱা ঙাংবা ভারতকী অহানবা প্রধান মন্ত্রী ওইরগনি, থৌরম অসি ঐখোয়গী লৈবাক অনি পুনশিল্লিবা মপাঙ্গল কনবা সংসদ অমসুং গনতন্ত্রগী মরীশিংদা ইকায়খুম্নবা উৎপা অমনি।
মতম কয়াগী মমাংদগী ভারত-ইজরেলগী অখন্নবা মরুপ-মপাংগী মরী য়োকখৎতুনা লাক্লিবা লৈবাক অদুদা লৈরিবা ভারতমচাশিংগা ঐনা ৱারি শান্নবা ঐ খৌরাংনা ঙাইরি।
ঐগী সরকারগী খোঙচৎ অসিনা ঐখোয়গী লৈবাক অনিগী মরক্ত লৈনরিবা মতম কুইরিবা মরীশিং মখা তানা চেৎশীনহনগনি, মরুওইবা মরীগী অনৌবা পান্দম থম্লে অমসুং অৱাবা মায়োক্নবা ঙম্বা, অনৌবা অমসুং নুংঙাই য়াইফবা তুংলমচৎ অমগীদমক ঐখোয়গী পান্দম খুমাংচাউশিনহনগনি।
***
(রিলিজ আই.দি.: 2232728)
ভিজিতর কাউন্তর : 18
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam