امور داخلہ اور امداد باہمی کے مرکزی وزیر جناب امت شاہ نے احمد آباد میٹرو فیز-2 کی توسیع کے لیے مرکزی کابینہ کی طرف سے منظوری پر خطے کے باشندوں کو مبارکباد دی ۔

’ایکس‘ پر تسلسل کے ساتھ کی گئیں پوسٹوںمیں امور داخلہ اور امداد باہمی کے مرکزی وزیر جناب امت شاہ نے کہاکہ’’احمد آباد میٹرو فیز-2 کی توسیع کے لیے مرکزی کابینہ کی طرف سے منظوری پر خطے کے باشندوں کو بہت بہت مبارکباد ۔  گفٹ سٹی سے شاہ پور تک 1,067 کروڑ روپے کی لاگت سے بنائی جانے والی یہ نئی میٹرو لائن خطے کے لوگوں کو سستی ، آسان اور تیز رفتارآمد ورفت کی سہولت فراہم کرے گی ۔جس سے تعلیمی ، کارپوریٹ اور تجارتی سرگرمیوں کو نئی رفتار ملے گی ۔‘‘

جناب امت شاہ نے کہاکہ’’آج مودی جی نے ملک کو 9,072 کروڑ روپے کے چار ملٹی ٹریکنگ ریلوے پروجیکٹ تحفے میں دیے ہیں ۔  گونڈیا-جبل پور ریل لائن کو دوگنا کرنے اور پنڈرک سے کیول اور گمہاریا سے چندیل تک تیسری اور چوتھی ریلوے لائنوں کی تعمیر سے مہاراشٹر ، مدھیہ پردیش ، جھارکھنڈ اور بہار میں صنعتی اور سیاحتی سرگرمیوں کو نئی رفتار ملے گی ۔‘‘

مرکزی وزیر داخلہ نے  مزیدکہاکہ’’مودی جی کی قیادت میں مرکزی کابینہ نے آج سری نگر ہوائی اڈے پر نئی مربوط ٹرمینل عمارت کو منظوری دی ۔  71, 500 مربع میٹر پر پھیلی کثیرمنزلہ کار پارکنگ کی سہولت کے ساتھ 1,667 کروڑ روپے کی لاگت سے تیار کی گئی ہے اور جدید ترین سیکورٹی سے لیس یہ ٹرمینل کشمیر میں روزگار اور تجارت کو فروغ دے گا ۔‘‘

جناب امت شاہ نے کہاکہ’’مودی جی کے قابل تجدید توانائی کی فراوانی کے وژن کو حاصل کرنے کی طرف ہندوستان کی کوششوں کو آج مرکزی کابینہ کے پاور گرڈ میں سرمایہ کاری کی حد کو7,500 کروڑ روپئے کرنے کے فیصلے کے ساتھ ایک نئی تحریک ملی ہے۔ اس سے لوگوں کی ترقی کی خواہشات کو پورا کرنے کے لئے ہماری سرمایہ کاری کی صلاحیت میں اضافہ ہوگا۔‘‘

********

 (ش ح ۔م ح ۔ف ر)

U. No. 3015