કેન્દ્રીય ગૃહ મંત્રી અને સહકારિતા મંત્રી શ્રી અમિત શાહે અમદાવાદ મેટ્રો ફેઝ-2 ના વિસ્તરણ માટે કેન્દ્રીય કેબિનેટ દ્વારા આપવામાં આવેલી મંજૂરી બદલ શહેરવાસીઓને અભિનંદન પાઠવ્યા હતા.

‘X’ પર શ્રેણીબદ્ધ પોસ્ટમાં, કેન્દ્રીય ગૃહ મંત્રી અને સહકારિતા મંત્રી શ્રી અમિત શાહે જણાવ્યું હતું કે, “અમદાવાદ મેટ્રો ફેઝ-2 ના વિસ્તરણ માટે કેન્દ્રીય કેબિનેટ દ્વારા આપવામાં આવેલી મંજૂરી બદલ આ પ્રદેશના રહેવાસીઓને અભિનંદન. ₹1,067 કરોડના ખર્ચે ગિફ્ટ સિટી (GIFT City) થી શાહપુર સુધી નિર્માણ થનારી આ નવી મેટ્રો લાઇન શહેરના લોકોને સસ્તી, અનુકૂળ અને હાઈ-સ્પીડ કનેક્ટિવિટી પૂરી પાડશે અને શૈક્ષણિક, કોર્પોરેટ અને વ્યાપારી પ્રવૃત્તિઓને નવી ગતિ આપશે.”

શ્રી અમિત શાહે કહ્યું, “આજે, મોદીજીએ રાષ્ટ્રને ₹9,072 કરોડના મૂલ્યના ચાર મલ્ટિ-ટ્રેકિંગ રેલવે પ્રોજેક્ટ્સની ભેટ આપી છે. ગોંદિયા-જબલપુર રેલ લાઇનના ડબલિંગ અને પુંડરકથી કિયુલ અને ગમહરિયાથી ચાંડિલ સુધીની ત્રીજી અને ચોથી રેલવે લાઇનના નિર્માણથી મહારાષ્ટ્ર, મધ્યપ્રદેશ, ઝારખંડ અને બિહારમાં ઔદ્યોગિક અને પ્રવાસન પ્રવૃત્તિઓને નવી ગતિ મળશે.”

કેન્દ્રીય ગૃહ મંત્રીએ જણાવ્યું હતું કે, “મોદીજીના નેતૃત્વમાં, કેન્દ્રીય કેબિનેટે આજે શ્રીનગર એરપોર્ટ પર નવા ઇન્ટિગ્રેટેડ ટર્મિનલ બિલ્ડિંગને મંજૂરી આપી છે. ₹1,667 કરોડના ખર્ચે વિકસિત, 71,500 ચોરસ મીટરમાં ફેલાયેલ મલ્ટિ-લેવલ કાર પાર્કિંગની સુવિધા ધરાવતું અને અત્યાધુનિક સુરક્ષાથી સજ્જ આ ટર્મિનલ કાશ્મીરમાં રોજગાર અને વેપારને વેગ આપશે.”

શ્રી અમિત શાહે કહ્યું, “નવીનીકરણીય ઊર્જાની વિપુલતા માટે મોદીજીના વિઝનને હાંસલ કરવા તરફ ભારતની ગતિને આજે પાવરગ્રીડની રોકાણ મર્યાદા વધારીને ₹7,500 કરોડ કરવાના કેન્દ્રીય કેબિનેટના નિર્ણયથી નવી ગતિ મળી છે. તે લોકોની વિકાસની આકાંક્ષાઓને પૂર્ણ કરવા માટે આપણી રોકાણ ક્ષમતામાં વધારો કરશે.”

SM/BS/GP/JD