नवी दिल्ली, 19 फेब्रुवारी 2026

केंद्रीय गृह आणि सहकार मंत्री अमित शाह उद्या आसाममध्ये व्हायब्रंट व्हिलेजेस या उपक्रमाच्या दुसऱ्या टप्प्याचा -II (व्हीव्हीपी-II) शुभारंभ करतील, जो सीमावर्ती गावांना बळकट करण्यासाठी आणि सीमावर्ती भागातील समावेशक विकासाला चालना देण्यासाठी सुरू असलेल्या प्रयत्नांतील एक महत्त्वाचा टप्पा आहे. हा कार्यक्रम औपचारिक रितीने  शुक्रवार, 20 फेब्रुवारी 2026 रोजी कछार जिल्ह्यातील नाथनपूर या गावापासून सुरू होईल.

व्हायब्रंट व्हिलेजेस प्रोग्राम-II हा अभिसरण-चलित उपक्रम असून संपूर्णपणे लाभ मिळवून देण्याचा दृष्टिकोन बाळगून सीमावर्ती गावांचा व्यापक आणि शाश्वत विकास सुनिश्चित करण्यासाठी डिझाइन केलेला आहे. हा उपक्रम आवश्यक पायाभूत सुविधा सुधारण्यावर, तसेच मूलभूत सेवांमधील प्रवेश वाढविण्यात आणि शाश्वत उपजीविकेच्या संधी निर्माण करण्यावर लक्ष केंद्रीत करतो, ज्यामुळे सीमावर्ती समुदायांना विकसित भारत @2047 च्या दृष्टीकोनाशी सुसंगतपणे    संरक्षण, शाश्वती आणि समृद्धीसाठी प्रोत्साहन मिळते

अशा गावांचे सबलीकरण करून, हा कार्यक्रम तेथील रहिवाशांना अतिशय दक्ष रहाण्यास (राष्ट्राचे डोळे आणि कान म्हणून कार्यरत होण्यासाठी) सक्षम करतो,ज्यामुळे सीमा सुरक्षा वाढते सीमापार गुन्ह्यांना प्रतिबंध होतो आणि अंतर्गत सुरक्षा मजबूत करण्यात महत्त्वपूर्ण योगदान मिळते.

व्हायब्रंट व्हिलेजेस प्रोग्राम-II ही केंद्रीय क्षेत्रीय  योजना आहे ज्याचा खर्च 2028-29 या आर्थिक वर्षापर्यंत 6839 कोटी रुपये इतका खर्च अपेक्षित आहे आहे. व्हीव्हीपी-II ही योजना 15 राज्ये आणि 2 केंद्रशासित प्रदेशांमध्ये राबविली जाणार आहे.

नितीन फुल्लुके/संपदा पाटगावकर/प्रिती मालंडकर