• ସୁରକ୍ଷିତ ଓ ସମୃଦ୍ଧ ସୀମାବର୍ତ୍ତୀ କ୍ଷେତ୍ର ଗଠନ ଦିଗରେ ଦୃଢ଼ ପଦକ୍ଷେପ
• ସ୍ଥାନୀୟ ବାସିନ୍ଦାଙ୍କ ସହଯୋଗରେ ରୋକାଯିବ ସୀମାପାର ଅପରାଧ
• ୬,୮୩୯ କୋଟିର ଭି.ଭି.ପି.-୨ ଯୋଜନା: ୧୫ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳରେ ହେବ କାର୍ଯ୍ୟାନ୍ୱୟନ

କେନ୍ଦ୍ର ଗୃହ ଏବଂ ସମବାୟ ମନ୍ତ୍ରୀ ଶ୍ରୀ ଅମିତ ଶାହ ଆସନ୍ତାକାଲି ଆସାମରେ 'ଭାଇବ୍ରାଣ୍ଟ ଭିଲେଜ୍ ପ୍ରୋଗ୍ରାମ୍-୨ "(ଭି. ଭି. ପି.-୨)ର ଶୁଭାରମ୍ଭ କରିବେ, ଯାହା ସୀମାନ୍ତବର୍ତ୍ତୀ ଗ୍ରାମଗୁଡ଼ିକୁ ସୁଦୃଢ଼ କରିବା ଏବଂ ସୀମାନ୍ତବର୍ତ୍ତୀ ଅଞ୍ଚଳରେ ସମାବେଶୀ ବିକାଶକୁ ପ୍ରୋତ୍ସାହନ ଦେବା ଲାଗି ଚାଲିଥିବା ପ୍ରୟାସରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ। ୨୦୨୬ ମସିହା ଫେବୃଆରୀ ୨୦ ତାରିଖ ଶୁକ୍ରବାର ଦିନ କାଚାର ଜିଲ୍ଲାର ନାଥନପୁର ଗ୍ରାମରେ ଏହି କାର୍ଯ୍ୟକ୍ରମର ଆନୁଷ୍ଠାନିକ ଶୁଭାରମ୍ଭ କରାଯିବ।

'ଭାଇବ୍ରାଣ୍ଟ ଭିଲେଜ୍ ପ୍ରୋଗ୍ରାମ୍-୨’ ଏକ ପରିପୂର୍ଣ୍ଣତା ଏବଂ ସମନ୍ୱୟ-ପରିଚାଳିତ ଆଭିମୁଖ୍ୟ ମାଧ୍ୟମରେ ସୀମାନ୍ତବର୍ତ୍ତୀ ଗ୍ରାମଗୁଡ଼ିକର ବ୍ୟାପକ ଏବଂ ସ୍ଥାୟୀ ବିକାଶ ସୁନିଶ୍ଚିତ କରିବା ପାଇଁ ପରିକଳ୍ପନା କରାଯାଇଛି। ଏହା ଅତ୍ୟାବଶ୍ୟକ ଭିତ୍ତିଭୂମିରେ ଉନ୍ନତି ଆଣିବା, ମୌଳିକ ସେବାଗୁଡ଼ିକର ଉପଲବ୍ଧତା ବୃଦ୍ଧି କରିବା ଏବଂ ସ୍ଥାୟୀ ଜୀବିକା ସୁଯୋଗ ସୃଷ୍ଟି କରିବା ଉପରେ ଧ୍ୟାନ ଦେଇଥାଏ, ଯାହାଦ୍ୱାରା ସୁରକ୍ଷିତ, ନମନୀୟ ଏବଂ ସମୃଦ୍ଧ ସୀମାବର୍ତ୍ତୀ ସମ୍ପ୍ରଦାୟଗୁଡ଼ିକୁ ବିକଶିତ ଭାରତର ଦୃଷ୍ଟିକୋଣ ସହିତ ଯୋଡ଼ି ହୋଇ ପ୍ରୋତ୍ସାହିତ କରାଯାଇପାରିବ।

ଗ୍ରାମଗୁଡ଼ିକୁ ସୁଦୃଢ଼ କରି, ଏହି କାର୍ଯ୍ୟକ୍ରମ ବାସିନ୍ଦାଙ୍କୁ ରାଷ୍ଟ୍ରର ଆଖି ଏବଂ କାନ ଭାବରେ କାର୍ଯ୍ୟ କରିବାକୁ ସକ୍ଷମ କରିଥାଏ, ଯାହା ଦ୍ୱାରା ସୀମା ସୁରକ୍ଷା, ସୀମା ପାର ଅପରାଧକୁ ରୋକିବା ଏବଂ ଆଭ୍ୟନ୍ତରୀଣ ସୁରକ୍ଷାକୁ ମଜବୁତ କରିବାରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଥାଏ।

'ଭାଇବ୍ରାଣ୍ଟ ଭିଲେଜ୍ ପ୍ରୋଗ୍ରାମ୍-୨ ହେଉଛି ଏକ କେନ୍ଦ୍ରୀୟ କ୍ଷେତ୍ର ଯୋଜନା, ଯାହାର ବ୍ୟୟ ଅଟକଳ ଆର୍ଥିକ ବର୍ଷ ୨୦୨୮-୨୯ ପର୍ଯ୍ୟନ୍ତ ୬,୮୩୯ କୋଟି ଟଙ୍କା ରହିଛି। ଭିଭିପି-୨କୁ ୧୫ଟି ରାଜ୍ୟ ଏବଂ ୨ଟି କେନ୍ଦ୍ରଶାସିତ ଅଞ୍ଚଳରେ କାର୍ଯ୍ୟକାରୀ କରାଯିବ।

HS