এক্সেলেন্সিশিং, ইকায় খুম্নজরবা মন্ত্রীশিং, ইন্দস্ত্রীগী লুচিংবশিং, ইনোবেতরশিং, ওন্ত্রপ্রিনরশিং, রিসরচরশিং, দেলিগেতশিং, অতোপ্পা এক্সেলেন্স পুম্নমক, ইচিল-ইনাও অমসুং ইচল-ইচেশিং!

খুরুমজরি!

মালেমগী খ্বাইদগী চাওবা অমসুং পুৱারি ওইরবা এ.আই. সমীৎ অসি পাঙথোক্লিবা ভারত অসিনা মীওইবা জাতিগী শরুক তরুক ​​থোকপগী অমা রিপ্রজেন্ত তৌরি। ভারত অসি মালেমগী খ্বাইদগী চাওবা নহা ওইরিবা মীশিং, খ্বাইদগী চাওবা তেক তেলেন্ত পুল  অমসুং খ্বাইদগী চাওবা তেক-ইনেবল ইকোসিস্তেমগী খুদম অমনি। ভারতনা অনৌবা তেক্নোলোজিশিং শেমগৎলি অমসুং মমাঙদা অমুকতা ওইখিদ্রিবা মওংদা এদোপ্ত তৌরি। অনৌবা তেক্নোলোজিগীদমক থৱায় য়াওবা ভারত মচা বিলিয়ন অমগা দসমিক মরিগী মায়কৈদগী ঐহাকনা অদোম পুম্নমকপু, গবরনমেন্তকি মকোকশিং, মালেমগী এ.আই. ইকোসিস্তেমগী লুচিংবশিং অমসুং ইনোভেতরশিংবু সমীৎ অসিদা তরাম্না ওকচরি, অদোম পুম্নমকপু তৌবিমল খংবা উৎচরি।

সমীৎ অসি ভারত্তা পাঙথোক্লিবা অসি ভারত অমসুং গ্লোবেল সাউথ পুম্নমক্কীদমক চাওথোকচনিংঙাই ওইবা ৱাফম অমনি। এ.আই.গী মালেমগী হু’স হু অসি সমীৎ অসিদা শরুক য়ারি। লৈবাক চামা হেনবগী মীহুৎশিং অমসুং মালেমগী কোনুং খুদিংদগী শক্নাইরবশিংনা মসিগী মায় পাকপা অসি অনৌবা অৱাংবা থাক্তা পুখৎলি। থৌরম অসিদা নহা ওইরিবা মীরোলশিংনা লৈরিবা অসিনা অনৌবা থাজবা অমা পোকহল্লি। মীওই খরনা মহৌশানা অহানবদা অনৌবা তেক্নোলোজিশিংগী মতাংদা ৱাখল ৱাবা থেংনরবসু, মালেমগী নহা ওইরিবা মীরোলগী এ.আই. অসিবু য়ানা লৌরি, মসিগী ওনর্শিপ লৌনরিবা, এ.আই. বু শিজিন্নরিবা অসি অঙকপা মওংদনি। মসিগী এ.আই. সমীৎকী একজিবিসন অসিদা য়াম্না পুক্নিংদা থৌনা লৈহল্লি। মরুওইনা অনৌবা তেলেন্তশিং অসি মশিং অদুক্কী মতিক য়াম্না লাক্লি। লৌউ-শিংউ, সেক্যুরিতি, নাম্মা শোইরবশিংদা মতেং পাংবা অমসুং মল্তিলিঙ্গুএল পোপুলেসনগী তোঙান-তোঙানবা মথৌ তাবশিংগা মরি লৈনবা সোলুসনশিংগী মতাংদা প্রজেন্ত তৌখিবা অদু মসিগী লম অসিদা ‘মেদ ইন ইন্দিয়া’গী পাঙ্গল-থৌনা অমসুং হিরমশিং অসিদা ভারতনা ইনোবেসন তৌবা ঙম্বগী অচৌবা খুদম অমনি।

মরুপশিং,

চহি লিশিং খরগী মতুংদা মীওইবগী পুৱারিদা তর্নিং পোইন্ত অমা লাকই, অমদি অদুগুম্বা তর্নিং পোইন্ত অদুনা সিভিলাইজেসনগী মায়কৈ অদু অমুক হন্না শেমদোকই, অমসুং মফম অদুদগী চাওখৎপগী খোঙজেল অদু হোঙই অমসুং ৱাখল খনবা, লৌশিং অমসুং থবক তৌবগী পেরাদাইমশিং হোঙই। অমসুং পুক্নিং চিংশিন্নিংঙাই ওইবা ৱাফমদি ঐখোয়না ত্রান্সফোরমেসনগী মতম অদুদা লৈরিঙৈদা মসিগী অশেংবা ইম্পেক্ত অদু ফাওবা খঙবা ঙমদে। ইহান হান্না নুঙদগী মৈ থোকহল্লকখিবা মতমদুদা মদুগী থোরকপা মৈ অদুনা সিভিলাইজেসনগী য়ুমফম ওইরগনি হায়না কনাগুম্বা অমত্তনা খনখিদে। ৱাহৈ অসি অহানবা ওইনা স্কৃপ্ততা ওন্থোকপা মতমদা, ইবগী লৌশিং অসি বেক-বোনগী তুংগী সিস্তেমশিংগী মকোক থোঙবা ওইরগনি হায়বসি কনানসু খঙলমদে। অহানবা ওইনা সিগ্নেলশিং অসি ৱায়রলেস ওইনা থারকপা মতমদা নুমীৎ অমদা মালেম পুম্বসি রিএল তাইমদা শম্নগনি হায়না কনাগুম্বা অমত্তনা খল্লমদে।

মরুপশিং,

আর্তিফিসিএল ইন্তেলিজেন্স অসি মীওইবগী পুৱারিদা অসিগুম্বা মখলগী ত্রান্সফোরমেসন অমনি। ঙসি ঐখোয়না উরিবা অসি, ঐখোয়না প্রেদিক তৌরিবা অসি মসিগী ইম্পেক্তকি হৌরকফম খক্তনি। এ.আই.না মেছিনশিংবু ইন্তেলিজেন্ত ওইহল্লি, অদুবু মসিদগী হেন্না মসিনা মীওইবগী তৌবা ঙম্বশিং হেনগৎহল্লি। খেন্নবা অমখক্তং লৈরি মদুদি হন্দক্কী মতম অসিদা খোঙজেল অসি মমাঙদা অমুক্তা ওইখিদ্রিবা মওংদা অমসুং স্কেল অসি মমাঙদা অমুক্তা ওইখিদ্রিবা মওংদা ওইরি। মমাঙদা তেক্নোলোজিগী ইম্পেক্ত অদু উবদা চহি তরাগী খুজিং কয়া চংলম্মি, অদুবু ঙসিদি মেছিন লর্নিংদগী লর্নিং মেছিন ফাওবগী খোঙচৎ অসি য়াম্না থুনা, য়াম্না লুবা অমসুং মপুং ফাবা অনিমক ওইরে। মরম অদুনা ঐখোয়না পাক চাওরবা মীৎয়েং অমা লৈগদবনি অমসুং চপ মান্নবা পাক চাওরবা থৌদাং অমা লৌগদবনি। হৌজিক লৈরিবা মীরোল অসিগা লোয়ননা ঐখোয়না তুংগী মীরোলশিংগীদমক ঐখোয়না মখোয়গী মখুত্তা এ.আই. অসি করম্বা মওংদা শিন্নরমগদৌরিবনো হায়বসিনি। মরম অদুনা ঙসিগী অশেংবা ৱাহংদি আর্তিফিসিএল ইন্তেলিজেন্সনা তুংদা করি তৌবা ঙমগনি হায়বসি নত্তে, অদুবু ঙসি ঐখোয়না মসিগা লোয়ননা করি তৌগনি হায়বসিনি। মীওইবা জাতিনা মমাঙদা অসিগুম্বা ৱাহংশিং অসি মায়োক্নরম্মি। খ্বাইদগী মপাঙ্গল কনবা খুদমদি ন্যুক্লিয়র পাৱরনি; মসিগী মাংহন তাকহনবা অমসুং পোজিতিব ওইবা কন্ত্রীব্যুসন অদু ঐখোয়না উবা ফংলে। এ.আই.সু ত্রান্সফোর্মেতিব পাৱর অমনি। করিগুম্বা মায়কৈ লৈতবা ওইরবদি, মসিনা অকায়বা পিবা য়াই; করিগুম্বা মসিবু ময়েক শেংনা লমজিংলবদি মসিনা শোলুসনশিং পুরকপা ঙমগনি। মতৌ করম্না এ.আই.বু মেছিন-সেন্ত্রীক্তগী মীওইবা-সেন্ত্রীক ওইহনগনি, মসিবু করম্না সেন্সিতিব অমসুং রেসপোন্সিবল ওইহনগনি হায়বসি গ্লোবেল এ.আই. ইম্পেক্ত সমীৎকী মরুওইবা পান্দম্নি।

মরুপশিং,

সমীৎ অসিগী থিম অসিনা ভারতকি এ.আই.গী মীৎয়েং অসি ময়েক শেংনা উৎলি: পুম্নমক্কী য়াইফনবা, পুম্নমক্কী নুংঙাইবগীদমক! পুম্নমক্কী য়াইফ-পাওজেল, পুম্নমক্কী নুংঙাইবা। মসি ঐখোয়গী বেঞ্চমার্কনি। মীওইবনা এ.আই.গীদমক সুপ্নগী দেতা পোইন্ত খক্তমক নত্তে, নত্রগা সুপ্নগী রো মেতরিয়েল ওইদনবা এ.আই.বু গনতন্ত্র ওইহনগদবনি। মসি মরুওইনা গ্লোবেল সাওথতা ইনক্লুজন অমসুং এমপাৱরমেন্তকি মেদিয়ম অমা ওইহনগদবনি।

মরুপশিং,

ঐখোয়না এ.আই.দা অহাংবা অতিয়াসু ফংহনগদবনি অমসুং কম্মান্দসু ঐখোয়গী খুত্তা থমগদবনি। জি.পি.এস.গুম্না, জি.পি.এস. না ঐখোয়দা লম্বি তাকই অদুবু ঐখোয়না করি মায়কৈদা চৎকদগে হায়বগী অরোয়বা কোল অসি ঐখোয়গী অদুম ওইরিনি। ঙসি ঐখোয়না এ.আই.না পুরিবা মায়কৈ অসিনা ঐখোয়গী তুংগী ফীভম লেপকনি।

মরুপশিং,

ঙসি ন্যু দিল্লী এ.আই. ইম্পেক্ত সমীৎ অসিগীদমক্তা মীওইবা, মীওইবগী ভিজন অদু ফোংদোকচরি। মীওইবা হায়বদি-হ্যুমেন অমসুং মীওইব(মানব)গী ভিজনবু তাক্লিব: এম – মোরেল অমসুং ইথিকেল সিস্তেমশিং, মসিনা তাকপদি এ.আই. ইথিকেল গাইদলাইনশিংদা য়ুম্ফম ওইবা হায়বনি।এ.-একাওন্তেবল গবরনান্স, হায়বদি ত্রান্সপরেন্ত রুলশিং, অচেৎপা ওভরসাইত হায়বনি। এন – নেস্নেল শোভরেন্তি, হায়বদি দেতা লৈবা কনাগুম্বা অমনা হক লৈ। এ – এসেসিবল অমসুং ইনক্লুসিব, হায়বদি এ.আই.না মল্তিপল ওইগদবনি, মোনোপোলি ওঈরোয়দবনি। ভি. – ভেলিদ অমসুং লেজিস্লেতিব, হায়বদি এ.আই. অসি ৱায়েল-পথাপকী ওইবা অমসুং ভেরিফাই তৌবা য়াবা ওইগদবনি। ভারতকি ‘মানব’ মীৎয়েং অসি কুনমাথোইশুবা চহিচাগী এ.আই.না য়ুম্ফম ওইবা মালেম অসিদা মীওইবা জাতিগী য়াইফনবা মরুওইবা লিঙ্ক অমা ওইরগনি।

মরুপশিং,

চহি তরাগী খুজিং কয়াগী মমাঙদা ইন্তর্নেৎ অসি অহানবা ওইনা থোরকপা মতমদা মসিনা থবক পিবগী মশিং অসি কনাগুম্বা অমত্তনা খনবা ঙমখিদে। এ.আই.গী ওইনদি মসিমক ওইরি। ঙসিদি লম অসিদা করি মখলগী থবক থোরককনি হায়বসি খনবদা অৱাবা ওইরে। এ.আই.দা থবক তৌবগী তুংগী ফীভম অসি মমাঙদা লেপথোক্লবা নত্তে; মসি ঐখোয়গী ৱারেপশিং অমসুং ঐখোয়গী থবক থৌরমশিংগী মখা পোল্লি। থবক্কী তুংলমচৎ অসি ঐখোয়গীদমক অনৌবা তাঞ্জা অমনি হায়না ঐনা থাজৈ। মসি মীওইবা অমসুং ইন্তেলিজেন্ত সিস্তেমশিংনা পুন্না থবক তৌমীন্নবগী মতম অমনি। "ঐখোয়না মীওইবা অমসুং ইন্তেলিজেন্ত সিস্তেমশিংনা পুন্না শেমগৎপা, পুন্না থবক তৌমীন্নবা অমসুং পুন্না শেমগৎপা মতম অমদা চংসিল্লকলি।" এ.আই.না ঐখোয়গী থবক অসি হেন্না শ্মারৎ, ইফিসিয়েন্ত অমসুং ইম্পেক্তফুল ওইহনগনি। ঐখোয়না হেন্না ফবা দিজাইন তৌগনি, য়াংনা শেমগৎকনি অমসুং হেন্না ফবা ৱারেপ লৌগনি। মসিনা মীওই কয়াদা হেন্না ৱাংবা ভেল্যু, ক্রিয়েতিব ওইবা অমসুং অর্থ লৈবা থৌদাংশিংসু ফংহনগনি। মসি ইনোবেসন, ওন্তর্প্রিনরসিপ,  অমসুং অনৌবা ইন্দস্ত্রীশিংগী অচৌবা খুদোংচাবা অমনি। মরম অদুনা ঐখোয়না স্কীলিং, রিস্কীলিং, অমসুং লাইফলোং লর্নিং অসি মীয়ামগী খোঙজং অমা ওইহনগদবনি।

মরুপশিং,

থবক্কী তুংগী ফীভম অসি মীপুম খুদিংমকপু য়াওহনবা, থাজবা য়াবা অমসুং মীওইবদা য়ুমফম ওইবা ওইগনি। করিগুম্বা ঐখোয়না পুন্না মাংলোমদা চঙশিল্লবদি আর্তিফিসিএল ইন্তেলিজেন্সনা মীওইবা জাতিগী পোতেন্সিয়েল অসি অনৌবা অৱাংবা থাক্তা পুখৎলগনি।

মরুপশিং,

হায়নৈ মদুদি নুমীৎকি মঙালনা খ্বাইদগী ফবা দিসইনফেক্তেন্তনি, মসিনা তাকপদি ত্রান্সপরেন্সি অসি খ্বাইদগী চাওবা সেক্যুরিতিনি। লৈবাক খরনা অমসুং কম্পেনি খরনা এ.আই. অসি “স্ত্রেতেজিক এসেৎ” অমনি হায়না লৌনৈ অমসুং মরম অসিনা মসি কন্ফিদেন্সিএ ওইবা মওংদা দিভেলপ তৌগদবনি হায়বসিনি, অদুবু ভারতকীদি মদুদগী তোঙাল্লি। ঐখোয়না এ.আই. অসি মালেম পুম্বগী ওইনা কান্নরবা মতমদা মদুবু সেয়র তৌগনি, কোদ অদু ওপন ওইগনি অমসুং সেয়র তৌগনি, মতমদুদা য়ং মাইন্দেদ মিলিয়ন কয়ানা মখোয়বু হেন্না ফবা অমসুং শাফবা ওইহনবা ঙমগনি। মরম অদুনা ঐখোয়না এ.আই.বু মালেমগী ওইবা কমন গুদ অমা ওইনা শেমগৎনবা ৱারেপ লৌমিন্নরসি।

মরুপশিং,

ঙসিগী তঙাইফদবা অমা ওইরিবা অসি মালেমগী ওইবা ন্তেনদরদশিং লিংখৎপনি। দিপ-ফেক অমসুং ফেবৃকেসন কন্তেনতশিংনা ওপন সোসাইতিশিংদা তংদু লৈতাদবা থোকহল্লি। ফিজিকেল ৱর্ল্দদা ঐখোয়না চিঞ্জাক্তা ন্যুত্রিসনগী লেবেলশিং উবা ফংই মরম অদুনা ঐখোয়না করি চারিবগে হায়বদু খঙই। মতৌ অসুম্না দিজিতেলগী মালেমদা লৈরিবা কন্তেনতশিংদা ওথেন্তিসিতি লেবেল লৈগদবনি মরম অদুনা মীয়াম্না অশেংবা করিনো অমসুং এ.আই. এ.আই.না তেক্স, ইমেজ অমসুং ভিদিও হেন্না শেমগৎলকপগা লোয়ননা ইন্দস্ত্রী অসিনা ৱাতরমার্কিং অমসুং ময়েক শেংবা সোর্স ন্তেনদর্দশিং হেন্না মথৌ তাই। মরম অদুনা মসিগী থাজবা অসি হৌরকপদগী তেক্নোলোজিদা শেমগৎপা অসি য়াম্না মরু ওই।

মরুপশিং,

ঐখোয়না অঙাংশিংগী সেফতিগী মতাংদা হেন্না চেকশিনগদবনি। স্কুলগী সিলেবস অসি ক্যুরেতেদ তৌবগুম্না, এ.আই.গী স্পেস অসিসু অঙাংশিংনা শোকহন্দবা অমসুং ইমুং মনুংনা লমজিং-লমতাকপা ওইগদবনি।

মরুপশিং,

ঙসি মালেম অসিদা মীওই মখল অনি লৈরি: এ.আই.দা কিবা অমসুং মতম পুম্নমক্তা ৱাফম অমখক হায়রি, এ.আই.দা কিনা উবা মীওইশিং অদুগা অনিশুবা অসিনা এ.আই. অসিদা লাইবক অসি তশেংবা উবা মীওইশিং।

অদুগা মরুপশিং,

ঐহাক্না মসি থৌদাং লৈনা হায়রি, চাওথোকচনা হায়রি: ঐখোয় কিদে; ভারতনা এ.আই.দা তশেংবা উবা ফংই, ভারতনা এ.আই.দা তুংগী ফীভম উবা ফংলি। ঐখোয়গী তেলেন্ত, ইনর্জি কেপাসিতি, অমসুং পোলিসি ক্লেরিতি লৈরি। অমসুং ঐহাক্না অদোমদা খঙহনবা অসিদা নুংঙাইবা ফাওই মদুদি সমীৎ অসিদা ভারতকি কম্পেনি অহুমনা মখোয়গী এ.আই.গী মোদেলশিং অমসুং এপশিং হৌদোকখি। মোদেলশিং অসিনা ঐখোয়গী নহাশিংগী তেলেন্ত অদু উৎলি অমসুং ভারতনা পিরিবা শোলুসনশিংগী অথোইবা অমসুং তোপ তোপ্পা মওং মতৌ অদু উৎলি।

মরুপশিং

ভারতনা সেমিকন্দক্তর অমসুং চিপ মেন্যুফেকচরিংদগী হৌরগা ক্বান্তম কম্প্যুতিং ফাওবদা রেজিলিয়েন্ত ইকোসিস্তেম অমা শেমগৎলি। সেক্যুর দেতা সেন্তরশিং, অচেৎপা আই.তি.গী বেকবোন অমা, অমসুং দাইনামিক ওইবা স্তার্তঅপ ইকোসিস্তেম অমনা ভারতপু মমল হোঙবা, স্কেলেবল অমসুং সেক্যুর ওইবা এ.আই. ভারত্তা দাইবরসিতি, দেমোগ্রাফিক, অমসুং দেমোক্রেসি লৈ। ভারত্তা মায় পাক্লবা এ.আই.গী মোদেল অমা হেক্তবু মালেমগী ওইনা দিপ্লোই তৌবা য়াই। মরম অদুনা ঐহাক্না ময়াম পুম্নমকপু ভারত্তা দিজাইন তৌবা অমসুং দিভেলপ তৌনবা কৌজরি,  মালেমদা য়ৌহন্নবা হায়রি। মীওইবা জাতিদা য়ৌহন্নবা হায়রি। অমুক হন্না ময়াম পুম্নমকপু ঐহাক্না য়াইফ-পাওজেল পিজরি।

থাগৎচরি!

থাগৎচরি!

***