প্রধানমন্ত্রীগী লোইশঙ
প্রধান মন্ত্রীনা দিল্লীদা পাঙথোক্কদৌরিবা এ.আই.ইম্পেক্ত সমীত্তা মালেমগী লুচিংবশিং তরাম্না ওকখ্রে
মসিগী মীওই বিলিয়ন শুপ্নতগী অমগা দসমিক মরিগী পাঙ্গলনা পাৱর তৌদুনা ভারতনা এ.আই.গী ত্রান্সফোর্মেসনগী মাংজিল থারি: পি.এম
থাগৎখিবা:
16 FEB 2026 10:27AM by PIB Imphal
প্রধান মন্ত্রী শ্রী নরেন্দ্র মোদীনা ঙসি ন্যু দিল্লীগী ভারত মন্দপমদা পাঙথোক্কদৌরিবা এ.আই. ইম্পেক্ত সমীত্তা মালেম পুম্বদগী মালেমগী লুচিংবশিং, ইন্দস্ত্রীগী কেপ্তেনশিং, ইনোবেতরশিং, পোলিসীমেকরশিং, রিসর্চরশিং অমসুং তেক্নোলোজিবু নুংশিজবশিংবু তরাম্না ওকখ্রে।
“সরবজনা হিতায়া, সরবজনা সুখয়া – পুম্নমক্কী য়াইফনবা, পুম্নমক্কী নুংঙাইবা” হায়বা সমীৎ অসিনা মীওইবা কেন্দ্র ওইবা প্রোগ্রেস অমসুং ইনক্লুসিব দিবলপমেন্তকিদমক আর্তিফিসিএল ইন্তেলিজেন্স শিজিন্ননবা ভারতকি ৱাশক অদু উৎলি।
প্রধান মন্ত্রীনা হেল্থকেয়র, এজুকেসন, এগৃকলচর, গবরনান্স, অমসুং ইন্তরপ্রাইজ য়াওনা তোঙান তোঙানবা সেক্তরশিংদা এ.আই. মহাক্না থাজবা ফোঙদোকখি। সমীৎ অসিদা খন্ন-নৈনবশিং অসিনা এ.আই.গী ইনোবেসন, কোলাবোরেসন অমসুং থৌদাং লৈনা শিজিন্নবগী মতাংদা মালেমগী ওইনা ৱারি শান্নবা হেঙ্গৎহল্লগনি, তুংদা লাক্কদবা, ইনোবেতিব অমসুং খুদোংচাবশিংনা থল্লবা তুংলমচৎ অমা পুরক্কনি হায়না মহাক্না থাজবা ফোংদোকখি।
প্রধান মন্ত্রী মোদীনা ভারতকি মীওই বিলিয়ন শুপ্নতগী অমগা দসমিক মরিগী পাঙ্গল, অচেৎপা দিজিতেল পব্লিক ইনফ্রাস্ত্রকচর, ভাইব্রেন্ত স্তার্তঅপ ইকোসিস্তেম্, অমসুং অনৌবা রিসর্সনা পাৱর তৌবা মালেমগী ওইবা এ.আই. মহাক্না অকনবা ৱাফম থমখি মদুদি এ.আই.দা ভারতকি খোঙথাংশিং অসিনা এমবিসন অমসুং রেসপোন্সিবিলিতি অনিমক উৎলি, মসিনা জাতি অসিবু তেক্নোলোজিগী অহোঙবা পুরকপদা মাংজিল থানা থম্লি।
এক্সতা থ্রেদ পোস্ত অমা সেয়র তৌরদুনা শ্রী মোদীনা ইখি:
“এ.আই. গী মতাংদা খন্ননবা মালেম অসিবু পুন্না পুরকপা!
ঙসিদগী হৌরগা দিল্লীগী ভারত মন্দপমদা ভারতনা এ.আই. সমীৎ অসিগীদমক মালেম শিনবা থুংবদগী মালেমগী লুচিংবশিং, ইন্দস্ত্রীগী কেপ্তেনশিং, ইনোবেতরশিং, পোলিসীমেকরশিং, রিসর্চরশিং অমসুং তেক্নোলোজিবু নুংশিজবশিংবু তরাম্না ওকচরি। সমীৎ অসিগী থিমদি সরবজনা হিতায়া, সরবজনা শুখায়া নত্রগা পুম্নমক্কী য়াইফনবা, পুম্নমক্কী নুংঙাইবা, মীওইবা কেন্দ্র ওইবা প্রোগ্রেসকিদমক আর্তিফিসিএল ইন্তেলিজেন্স শিজিন্ননবা ঐখোয়গী সেয়র তৌরবা ৱাশক অদু উৎলি।”
“এ.আই.না ঙসি হেল্থকেয়র, এজুকেসন, এগৃকলচর, গবরনান্স অমসুং ইন্তরপ্রাইজ য়াওনা সেক্তর কয়াদা অহোঙবা পুরক্লি। এ.আই. ইম্পেক্ত সমিৎ অসিনা এ.আই.গী ইনোবেসন, কোলাবোরেসন অমসুং থৌদাং লৈনা শিজিন্নবগী অমদি অতৈ কয়া-কয়াগী মতাংদা মালেমগী ওইনা ৱারি শান্নবা হেঙ্গৎহল্লগনি। তুংদা লাক্কদবা, ইনোবেতিব অমসুং খুদোংচাবশিংনা থল্লবা তুংলমচৎ অমা পুরক্কনি হায়না মহাক্না থাজবা থমজরি।
“ভারতকী মীওই বিলিয়ন অমগা দসমিক মরিগী মফমদা থাগৎচরি, ঐখোয়গী লৈবাক অসিনা এ.আই. ত্রান্সফোর্মেসন্দা মাংজিল থানা লৈরি। ঐখোয়গী দিজিতেল পব্লিক ইনফ্রাস্ত্রকচরদগী হৌরগা থৱাই য়াওবা স্তার্তঅপ অমসুং অনৌবা মতমগী রিসর্চ ফাওবা, এ.আই.দা ঐখোয়গী অহোঙবা অসিনা এম্বিসন অমসুং রেসপোন্সিবিলিতি অনিমক উৎলি।”
***
(রিলিজ আই.দি.: 2228625)
ভিজিতর কাউন্তর : 14
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Tamil
,
Kannada
,
Malayalam