وزیراعظم کا دفتر
azadi ka amrit mahotsav

وزیر اعظم 16 فروری کو انڈیا اے آئی امپیکٹ ایکسپو 2026 کا افتتاح کریں گے


انڈیا اے آئی امپیکٹ 2026 کا انعقاد انڈیا اے آئی امپیکٹ سمٹ کے ساتھ ساتھ کیا جائے گا اور اسے مصنوعی ذہانت کی ملک کی نمائش کے طور پر دیکھا جا رہا ہے

ایکسپو 300 سے زائد ترتیب شدہ نمائشی پویلین اور راست مظاہروں کی میزبانی کرے گا، جنہیں تین موضوعات- عوام، کرۂ ارض، پیش رفت- پر ترتیب دیا گیا ہے

ایکسپو میں 600 سے زائد اعلیٰ صلاحیت کے حامل اسٹارٹ اپس اور 13 ممالک کے پویلین حصہ لیں گےجو اے آئی ماحولیاتی نظام میں بین الاقوامی اشتراک کی نمائش کریں گے

یہ ایکسپو عالمی تکنالوجی فرموں، اسٹارٹ اپس، تعلیمی اور تحقیقی اداروں، مرکزی و ریاستی حکومتوں اور بین الاقوامی شراکت داروں کو ایک اسٹیج پر لائے گا

پوسٹ کرنے کی تاریخ: 15 FEB 2026 2:21PM by PIB Delhi

وزیر اعظم جناب نریندر مودی 16 فروری 2026 کو شام 5 بجے بھارت منڈپم، نئی دہلی میں انڈیا اے آئی امپیکٹ ایکسپو 2026 کا افتتاح کریں گے۔

انڈیا اے آئی امپیکٹ ایکسپو 2026 ، انڈیا اے آئی امپیکٹ سمٹ کے ساتھ بھارت منڈپم میں 16 سے 20 فروری 2026 تک منعقد ہوگا۔ یہ ایکسپو اے آئی کے کام کرنے کی ایک قومی نمائش ہوگی، پالیسی اور عمل ، اختراع اور پیمانے کا اور تکنالوجی اور عام شہری کا میل ہوگا۔

70,000 مربع میٹر سے زیادہ رقبے پر محیط 10 میدانوں میں پھیلا ہوا یہ ایکسپو عالمی تکنالوجی فرموں، اسٹارٹ اپس، تعلیمی اور تحقیقی اداروں، مرکزی وزارتوں، ریاستی حکومتوں اور بین الاقوامی شراکت داروں کو ایک اسٹیج پر لائے گا۔ ایکسپو میں 13 ممالک کے پویلین بھی ہوں گے، جو اے آئی ماحولیاتی نظام میں بین الاقوامی تعاون کی نمائش کریں گے۔ ان میں آسٹریلیا، جاپان، روس، برطانیہ، فرانس، جرمنی، اٹلی، نیدرلینڈ، سوئٹزرلینڈ، سربیا، ایسٹونیا، تاجکستان اور افریقہ کے پویلین شامل ہیں۔

ایکسپو 300 سے زیادہ کیوریٹڈ نمائشی پویلین اور لائیو مظاہروں کی میزبانی کرے گا، جو تین موضوعاتی سلسلوں - عوام، کرہ ارض اور پیش رفت پر مشتمل ہیں۔ اس کے علاوہ، ایکسپو میں 600 سے زیادہ اعلیٰ صلاحیت والے اسٹارٹ اپس پیش کیے جائیں گے، جن میں سے بہت سے عالمی سطح پر متعلقہ اور آبادی کے لحاظ سے حل تیار کرتے ہیں۔ یہ اسٹارٹ اپ کام کرنے والے سلوشنز کا مظاہرہ کریں گے جو پہلے سے ہی حقیقی دنیا کے نظام میں استعمال کیے جا رہے ہیں۔

انڈیا اے آئی امپیکٹ ایکسپو 2026 میں بین الاقوامی مندوبین سمیت 2.5 لاکھ سے زیادہ زائرین کی شرکت متوقع ہے۔ اس تقریب کا مقصد عالمی اے آئی ماحولیاتی نظام کے اندر نئی شراکت داریوں کو فروغ دینا اور کاروباری مواقع پیدا کرنا ہے۔

500 سے زیادہ سیشنز کا اہتمام کیا جائے گا، جس میں 3250 سے زیادہ صاحب بصیرت مقررین اور پینل اراکین شامل ہوں گے۔ یہ سیشن تمام شعبوں میں اے آئی کے تبدیلی کے اثرات کو تسلیم کرنے اور مستقبل کے اقدامات پر غور و فکر کرنے پر توجہ مرکوز کریں گے تاکہ اس امر کو یقینی بنایا جا سکے کہ اے آئی ہر عالمی شہری کو فائدہ پہنچائے۔

***

(ش ح –ا ب ن)

U.No:2489


(ریلیز آئی ڈی: 2228373) وزیٹر کاؤنٹر : 10
یہ ریلیز پڑھیں: Odia , English , Marathi , हिन्दी , Manipuri , Bengali , Gujarati , Tamil , Telugu , Kannada , Malayalam