ভারতকী হেনগৎলক্লিবা স্তার্ত-অপ ইকোসিস্তেমদা চাউনা মতেং পাংনবা, প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা পাংথোকখিবা কেন্দ্রগী মন্ত্রীমন্দলনা লৈবাক অসিগী স্তার্ত-অপ ইকোসিস্তেমগীদমক ভেঞ্চর কেপিতেল পুথোক্নবগী পান্দমদা লুপা করোর ১০,০০০গী অপুনবা কোর্পস অমগা লোয়ননা স্তার্ত-অপ ইন্দিয়া ফন্দ ওফ ফন্দস ২.০ (স্তার্ত-অপ ইন্দিয়া এফ.ও.এফ. ২.০) লিংখৎনবা অয়াবা পীখ্রে।

স্কিম অসি লৈবাক শীনবা থুংনা মতম শাংনা মথৌ তৌগদবা দোমেস্তিক কেপিতেল পুথোক্তুনা, ভেঞ্চর কেপিতেল ইকোসিস্তেম মপাঙ্গল কনখৎহন্দুনা, অমসুং ইন্নোভেসন-লেদ ওন্তর্প্রিনরশিপ শৌগৎতুনা ভারতকী স্তার্তঅপকী খোঙচৎকী মথংগী তাঙ্কক অসি খোঙজেল য়াংখৎহন্নবা দিজাইন তৌখি।

স্তার্ত-অপ ইন্দিয়া ইনিসিএতিবকী মখাদা হৌদোকখিবা স্তার্ত-অপ ইন্দিয়া এফ.ও.এফ. ২.০ অসি ভারতপু মালেমগী মকোক থোংবা স্তার্ত-অপ নেসনশিংগী মনুংদা অমা ওইহন্নবা চহি তরাগী খুজিং কয়াদগী চত্থরক্লিবা কন্না হোৎনবদা য়ুম্ফম ওই। ২০১৬তা স্তার্তঅপ ইন্দিয়া হৌদোকখিবদগী, ভারতকী স্তার্তঅপ ইকোসিস্তেম অসি স্তার্তঅপ ৫০০গী মখাদা লৈরম্বদগী ঙসিদি দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি.) না শকখঙলবা স্তার্তঅপ লাখ ২ হেন্না লৈবা উবা ফংলে, লোয়ননা ২০২৫দা স্তার্তঅপ রেজিস্ত্রেসনগী চাং খ্বাইদগী ৱাংবা ওইখি।

স্তার্তঅপ ১.০গীদমক ফন্দ ওফ ফন্দস শেমগৎলি

স্তার্ত-অপ ইন্দিয়া এফ.ও.এফ. ২.০ অসি ফন্দ ওফ ফন্দস ফোর স্তার্ত-অপ্স (এফ.এফ.এস. ১.০) গী মপাঙ্গল কনবা থবকশিং অসিগী মতুং ইন্না হৌদোকখিবনি। মসি ফন্দিং গেপশিং কোকহন্নবা অমসুং স্তার্ত-অপশিংগীদমক দোমেস্তিক ভেঞ্চর কেপিতেল মার্কেৎ কেতালাইজ তৌনবা ২০১৬দা হৌদোকখিবনি।

এফ.এফ.এস. ১.০গী মখাদা লুপা করোর ১০,০০০গী অপুনবা কোর্পস অসি অল্তর্নেতিব ইনভেস্তমেন্ত ফন্দ (এ.আই.এফ.) ১৪৫দা কত্থোকখ্রে। অসিগুম্বা সপোর্ত তৌরবা এ.আই.এফ.শিংনা লৌউ-শিংউ, আর্তিফিসিএল ইন্তেলিজেন্স, রোবোতিক্স, ওতোমোতিভ, ক্লিন তেক, কঞ্জ্যুমর গুদস অমসুং সর্ভিসেস, ই-কমর্স, এজুকেসন, ফিন তেক, ফুদ অমসুং বেভরেজ, হেল্থকেয়র, মেন্যুফেকচরিং, স্পেস তেক, অমসুং বাইওতেক্নোলোজীগুম্বা সেক্তরশিংদা লৈবাক শিনবা থুংনা স্তার্ত অপ ১৩৭০ হেনবদা লুপা করোর ২৫,৫০০ হেন্না ইনভেস্ত তৌখ্রে।

এফ.এফ.এস. ১.০না ফার্স্ত-তাইম ফাউন্দরশিং শেমগৎপদা, প্রাইবেৎ কেপিতেলদা মশিং য়ামহনবা অমসুং ভারতকী ভেঞ্চর কেপিতেল ইকোসিস্তেমগীদমক মপাঙ্গল কনবা ফাউন্দেসন অমা শেমগৎপদা অচৌবা থৌদাং লৌখি।

স্কিমগী মরু ওইবা ফীচরশিং:

অহানবা ফেজনা ইকোসিস্তেম শেমগৎলকপা অদুগা, স্তার্ত-অপ ইন্দিয়া এফ.ও.এফ. ২.০না ভারতকী ইন্নোভেসনবু মথংগী থাক্তা পুখৎনবা দিজাইন তৌরি। অনৌবা ফন্দ অসিদা মখাদা পীরিবশিং অসি শৌগৎনবগীদমক্তা পান্দম থম্লবা, সেগমেন্ত তৌরবা ফন্দিং এপ্রোচ অমা লৈগনি:

1. 1. দীপ তেক্নোলোজী অমসুং তেক্নোলোজীনা লমজিংবা ইন্নোভেতিব মেন্যুফেকচরিং: ঙাইবা কনবা, লোং-তর্ম কেপিতেল মথৌ তাবা হায়-তেক্কী লমশিংদা ব্রেকথ্রুশিংদা মীৎয়েং থম্লি।
   2. অঙনবা থাক্তা লৈরিবা ফাউন্দরশিংদা শক্তি পীবা: অনৌবা অমসুং ইন্নোভেতিব ৱাখল্লোনশিংগীদমক সেফতী নেৎ অমা পীবা, শেল থাদবগী অৱাৎপা লৈবনা মরম ওইদুনা অঙনবা থাক্তা মায় পাকপা ঙমদবা হন্থহনবা।
   3. নেস্নেল রিচ: লৈবাক অসিগী মফম খুদিংদা ইন্নোভেসন অসি চাউখৎহন্নবগীদমক্তা মরুওইবা মেত্রোগী ৱাংমদা ইনভেস্তমেন্ত পুক্নিং থৌগৎপা, লৈবাক অসিগী কাচিন কোয়া খুদিংমক্তা ইন্নোভেসন খুমাং চাউশিল্লি।
   4. অৱাংবা রিস্ক কেপিতেলগী গেপশিং কোকহন্নবা শেমগৎলি: মশা-মরোমদোম লেপচবা অমসুং শেন্মিৎলোন চাউখৎপা হেনগৎহনবদা মরুওইনা লৌরিবা মরুওইবা লমশিংদা অহেনবা কেপিতেল থাবা।
   5. ভারতকী দোমেস্তিক ভেঞ্চর কেপিতেল বেজ, মরুওইনা দোমেস্তিক ইনভেস্তমেন্ত লেন্দস্কেপবু মখা তানা পুক্নিং থৌগৎনবগীদমক অপীকপা ফন্দশিং মপাঙ্গল কনখৎহনবা।

স্তার্তঅপ ইন্দিয়া এফ.ও.এফ. ২.০না অচৌবা অওনবা পুরক্নবা ভারতকী ইকোনোমিক ত্রেজেক্তরী শেম্বদা মরু ওইবা থৌদাং অমা লৌরবা য়াই

স্তার্ত-অপ ইন্দিয়া ফন্দ ওফ ফন্দস ২.০না ভারতকী ইন্নোভেসন-লেদ গ্রোথ এজেন্দাদা মরুওইবা থৌদাং অমা লৌগনি হায়না পানরি। মালেমগী থাক্তা কম্পিতিতিব ওইবা তেক্নোলোজীশিং, পোত্থোকশিং অমসুং সোলুসনশিং শেমগৎলিবা স্তার্ত-অপশিং মতেং পাংদুনা, ফন্দ অসিনা ভারতকী শেন্মিৎলোনগী রেসিলিয়েন্স মপাঙ্গল কনখৎহন্নবা, মেনুফেকচরিং কেপাসিতীশিং হেনগৎহন্নবা, অৱাংবা থাক্কী থবক ফংহন্নবা অমসুং ভারতপু মালেমগী ইন্নোভেসন হব অমা ওইনা লৈহন্নবা মতেং পাংগনি।

ভিক্সিৎ ভারত @ ২০৪৭গী নেস্নেল ভিজনগা মরী লৈননা, ফন্দ অসিনা ভারতকী স্তার্তঅপ ইকোসিস্তেমগী অপুনবা পোতেন্সিএল অদু ফংহন্নবা, ইন্নোভেসন পুক্নিং থৌগৎনবা অমসুং ওন্তপ্রিনরশিংবু শক্তি লৈহন্নবা সরকারনা লেপ্তনা হোৎনরিবা অদু উৎলি।

****