حکومت نے آئین کی دفعہ 309 کے تحت سابق فوجیوں (سنٹرل سول سروسز اور پوسٹوں میں دوبارہ ملازمت) سے متعلق ترمیمی ضوابط 2026 کو نوٹیفائی کیا ہے ۔  سینٹرل سول سروسز میں سابق فوجیوں کی دوبارہ ملازمت کی تشریح کے ڈھانچے کے اندر ہندوستانی وفاق کی ملٹری نرسنگ سروس (ایم این ایس) کے ساتھ ساتھ بری فوج ، بحریہ یا فضائیہ میں ، چاہے وہ فوجی ہو یا غیر فوجی ، کسی بھی عہدے پر خدمات انجام دینے والے اہلکاروں کو واضح طور پر شامل کرنے کے لیے رول 2 (سی) (i) میں ترمیم کی گئی ہے ۔

یہ اقدام پہلے کی ابہام کو دور کرتا ہے کہ آیا ایم این ایس افسران ، جو کمیشنڈ افسران ہیں ، دوبارہ ملازمت کے وہی فوائد کے حقدار  ہیں جو دوسرے سابق فوجیوں کو حاصل  ہیں ۔  یہ ترمیم باضابطہ طور پر ایم این ایس اہلکاروں کو دوبارہ ملازمت کے  ضوابط کے تحت تسلیم کرتی ہے ، اور سابق دفاعی اہلکاروں کے وسیع حصے کے لیے بازآبادکاری اور کریئر کے  دیگرمواقع کو مضبوط کرتی ہے ۔

رول 2 ، شق (سی) ترمیم کے تحت ، 'سابق فوجیوں' کی تشریح میں اب باقاعدہ فوج ، بحریہ اور فضائیہ کے ساتھ ساتھ 'ملٹری نرسنگ سروس آف دی انڈین یونین' کو واضح طور پر درج کیا گیا ہے ۔  یہ ضابطہ ہر اس شخص پر لاگو ہوتا ہے جس نے کسی بھی عہدے پر خدمات انجام دی ہوں چاہے وہ  فوجی ا ہل کار ہو یا غیرفوجی اہلکار۔یہ ترمیم 9 فروری 2026 کو اس کے جاری ہونے کے فورا بعد نافذ العمل ہو گئی ۔

یہ ترمیم باضابطہ طور پر ایم این ایس اہلکاروں کو درج ذیل فوائد تک رسائی فراہم کرتی ہے:

ریزرویشن کوٹہ: مرکزی حکومت کے عہدوں گروپ 'سی' میں 10فیصد اور گروپ 'ڈی' میں 20فیصد۔

عمر میں رعایت: سول ملازمت کی اہلیت کے لیے فوجی خدمات کے سالوں کے علاوہ ان کی اصل عمر سے 3 سال گھٹانے کی صلاحیت ۔

روزگار کی ترجیح: یونین پبلک سروس کمیشن اور اسٹاف سلیکشن کمیشن کی نظر میں دیگر سابق فوجیوں کے ساتھ مساوی  درجہ ۔

***

ش ح۔ م ع۔ ج

Uno-2030