প্রধান মন্ত্রী শ্রী নরেন্দ্র মোদীবু ঙসি মালেসিয়াগী প্রধান মন্ত্রী ঐচ.ই. দাতো’ সেরি আনৱার ইব্রাহিমনা পর্দানা পুত্রা কমপ্লেক্সতা ওকখি অমসুং তরাম্না ওকপগী থৌরম পাংথোকখি। মদুগী মতুংদা লুচিংবশিংনা প্রধান মন্ত্রী আনৱার ইব্রাহিমগী ওফিসিএল রেসিদেন্স ওইরিবা সেরি পর্দানাদা রেস্ত্রিকতেদ অমসুং দেলিগেসন লেবেলগী ফোর্মেতশিংদা উনখি।

লুচিংবশিংনা পাক-শন্না খন্ন-নৈনখি অমসুং ২০২৪দা লৈবাক অনিগী মরক্তা লিংখৎপা কমপ্রিহেন্সিব স্ত্রেতেজিক পার্তনরশিপ মখা তানা মপাঙ্গল কনখৎহন্নবা য়ানখি। মখোয়না ভারত-মালেসিয়াগী মতম কুইনা লৈরক্লবা মরীশিং অমসুং পার্তনরশিপ অমসুং মীয়ামগী মরক্তা লৈনরিবা নক্নবা মরীশিং নিংশিংখি। লুচিংবশিংনা ত্রেদ, ইনভেস্তমেন্ত, দিফেন্স, সেক্যুরিতী, মেরিতাইম, ক্লিন ইনর্জী, ইনফ্রাস্ত্রকচর, স্তার্ত-অপ, এগ্রিকলচর, এজুকেসন, হেল্থ, আয়ুর্বেদ, তুরিজম অমসুং কলচরেল লিঙ্কিংগুম্বা অখন্নবা সেক্তরশিং য়াওনা লৈবাক অনিগী মরক্তা লৈনরিবা মরীশিংগী মতাংদা খন্নখি। সেমিকন্দক্তরশিং অমসুং আর্তিফিসিএল ইন্তেলিজেন্সকুম্বা অনৌবা লমশিংদা তেংবাং পীনবা হেনগৎনবা মখোয়না খন্নখি। লুচিংবশিংনা লৈবাক অনিগী মরক্তা বাইলেতরেল দিজিতেল কাউন্সিলগী থোংদা দিজিতেল কোওপরেসনদা লেপ্পা লৈতনা খুমাং চাউশিল্লকপগীদমক থাগৎপা ফোংদোকখি অমসুং ফিনতেক কোওপরেসন হেনগৎহন্নবা য়ু.পি.আই. অমসুং পে-নেৎকী মরক্তা য়ানা-ৱারোল অদু তরাম্না ওকখি।

প্রধান মন্ত্রী মোদীনা পার্লিয়ামেন্তরী অমসুং য়ুনিভর্সিতী একচেঞ্জকী থোংদা নহারোলশিংগী মরক্তা মরী মপাঙ্গল কনখৎহন্নবা হায়খি। মসিগী মতাংদা মহাক্না ভারতকী নালন্দা য়ুনিভর্সিতী অমসুং য়ুনিভর্সিতী মালায়া, অমসুং আই.আই.তি. মাদ্রাস অমসুং এদভান্স সেমিকন্দক্তর একাদেমী ওফ মালেসিয়াগী মরক্তা মখা তানা চৎথরিবা কোওপরেসনবু তরাম্না ওকখি। মহাক্না পনখি মদুদি ভারতনা মালেসিয়াদা অহানবা কন্সুলেৎ হাংদোকপা অসিনা কম্মর্সিএল অমসুং মীয়ামগী মরক্তা লৈনরিবা মরী অসি মপাঙ্গল কনখৎহল্লগনি।

লুচিংবা অনিমক্না মালেমগী লৈঙাক শেম্বগী থৌওং, ইন্দো-পেসিফিক অমসুং ভারত-আসিয়ান পার্তনরশিপ হেনগৎলকপা য়াওনা নাকল অনিগী ইন্তরেস্তকী রিজনেল অমসুং গ্লোবেল ইস্যুশিংদা মীৎয়েং চঙখি। প্রধান মন্ত্রীনা আই.তি.আই.জি.এ.গী রিভিয়ু অসি অথুবা মতমদা লোইশিন্নবা হায়খি।

২০২৫দা মালেসিয়ানা আসিয়ানগী চেয়রশিপ মায় পাক্না পায়খৎলকপদা প্রধান মন্ত্রীনা প্রধান মন্ত্রী আনৱার ইব্রাহিমবু থাগৎপা ফোংদোকখি। ২০২৬তা ভারতনা ব্রিক্সকী প্রসিদেন্সী ওইনবগীদমক প্রধান মন্ত্রী আনৱার ইব্রাহিমনা মহাক্কী য়াইফ-পাউজেল পীখি। প্রধান মন্ত্রীনা প্রধান মন্ত্রী আনৱার ইব্রাহিমনা পহলগাম তেরোরিস্ত এতেক অমসুং রেদ ফোর্ৎ ব্লাস্তপু অকনবা মওংদা য়ানিংদবা ফোঙদোকপগীদমক থাগৎপা ফোংদোকখি।

ৱারী শানবগী মতুং ইন্না, দিজিতেল পেমেন্ত, সেক্যুরিতী কোওপরেসন, সেমিকন্দক্তর, হেল্থ অমসুং মেদিসিন, দিজাস্তর মেনেজমেন্ত, করপসন থেংননবা, ওদিও-ভিজুএল কো-প্রদক্সন, তেক্নিকেল অমসুং ভোকেস্নেল এজুকেসন, য়ু.এন. পিসকীপিং কোওপরেসন অমসুং ভারতকী শিন্মীশিংগীদমক্তা সোসিএল সেক্যুরিতী য়াওনা মরুওইবা বাইলেতরেল এগ্রীমেন্ত কয়া অমা এক্সচেঞ্জ তৌনখি। ইন্তর্নেস্নেল বিগ কেৎ এলাইন্স (আই.বি.সি.এ.) দা য়াওনবগীদমক মালেসিয়ানা থৌওং পুম্নমক লোইশিনখি। এক্সচেঞ্জ তৌখিবা এম.ও.য়ু.শিং/ এগ্রীমেন্তশিংগী মপুংফাবা লিস্ত অসি মসিদা য়েংবা য়াগনি। [লিঙ্ক]

প্রধান মন্ত্রীগী খোঙচৎকী মনুং চন্না ১০শুবা ইন্দিয়া-মালেসিয়া সি.ই.ও. ফোরম ২০২৬কী ফেব্রুৱারী ৭তা পাংথোকখি। ফোরম অসিগী অরোইবা ৱারোল অদু নাকল অনিমক্না ফংখি।

প্রধান মন্ত্রী আনৱার ইব্রাহিমনা প্রধান মন্ত্রীগী ইকায় খুম্নবা ওইনা লঞ্চিয়ন বঙ্কেত অমা পাংথোকখি। প্রধান মন্ত্রীনা প্রধান মন্ত্রী আনৱার ইব্রাহিমবু মহাক্কী মীয়োক মীচান ফবা মতৌ অদুগীদমক থাগৎপা ফোংদোকখি অমসুং মহাকপু ভারত্তা লাক্নবা বর্তন তৌখি।

****