ٹیکسٹائل وزارت نے بھارت اور امریکہ کے درمیان اہم تجارتی معاہدے کا خیرمقدم کرتے ہوئے کہا کہ یہ دونوں ممالک کے درمیان ٹیکسٹائل تجارتی تعلقات کو فروغ دینے والا ایک اہم محرک ہے۔ ٹیکسٹائل صنعت نے امید ظاہر کی کہ یہ شعبے کے لیے یکسر تبدیلی والا ثابت ہوگا۔

ٹیکسٹائل برآمدات کے لیے یہ معاہدہ امریکہ کی 118 ارب ڈالر کی عالمی درآمدات کی مارکیٹ تک رسائی فراہم کرتا  ہے، جس میں ٹیکسٹائل، ملبوسات اور تیار شدہ مصنوعات شامل ہیں۔چونکہ امریکہ بھارت کا سب سے بڑا برآمداتی ملک ہے، جس کی سالانہ برآمدات تقریباً 10.5 ارب ڈالر ہیں، جن میں تقریباً 70 فیصد ملبوسات اور 15 فیصد تیار شدہ مصنوعات شامل ہیں، یہ ایک بڑا موقع فراہم کرتا ہے۔ توقع ہے کہ یہ بھارت کے 2030 تک 100 ارب ڈالر برآمدات کے ہدف کو حاصل کرنے میں اہم کردار ادا کرے گا، جس میں امریکہ اس ہدف کا ایک پانچواں حصہ فراہم کرے گا۔

معاہدے کے تحت تمام ٹیکسٹائل مصنوعات، بشمول ملبوسات اور تیار شدہ مصنوعات، پر 18 فیصد باہمی محصولات لاگو ہوں گے، جو نہ صرف بھارتی برآمد کاروں  کی موجودہ کمزوری کو دور کریں گے بلکہ انہیں زیادہ تر مقابلہ کرنے والے ممالک جیسے بنگلہ دیش (20 فیصد)، چین (30 فیصد)، پاکستان (19 فیصد) اور ویتنام (20 فیصد) کے مقابلے میں بہتر مقام عطا کریں گے۔یہ مارکیٹ کی حرکیات کو بدل دے گا کیونکہ بڑے خریدار اس معاہدے کی روشنی میں اپنی سورسنگ پر دوبارہ غور کریں گے۔

یہ معاہدہ صنعت کو لاگت کے لحاظ سے مسابقتی بنانے کے ساتھ ساتھ امریکہ سے درمیانی اجزاء کی سورسنگ کر کے خطرات کو متنوع بنانے کا موقع بھی فراہم کرے گا۔یہ ملک میں ویلیو ایڈیڈ ٹیکسٹائل کی پیداوار کو فروغ دینے، پیداوار اور برآمدات کو متنوع بنانے، اضافی روزگار پیدا کرنے اور امریکی سرمایہ کاری کو بڑھانے میں مددگار ثابت ہوگا۔

*******

ش ح-ا ع خ   ۔ر  ا

U-No- 1894