সন্ত্ৰাসবাদীক বিত্তীয় সাহায্য যোগানৰ বিৰুদ্ধে বিশ্বজুৰি চলি থকা  যুঁজখনত ভাৰতৰ ক্ৰমবৰ্ধমান  অংশ হিচাপে ৰাজহ বিভাগে বৈদেশিক পৰিক্ৰমা মন্ত্ৰালয় আৰু ৰাষ্ট্ৰীয় নিৰাপত্তা পৰিষদৰ সচিবালয়ৰ সহযোগত ২০২৫ চনৰ ২১–২২ এপ্ৰিললৈ  নতুন দিল্লীত  মধ্য এছিয়ান গণৰাজ্যৰ (চিএআৰ) প্ৰতিনিধিসকলৰ বাবে “ক্ৰিপ্টোকাৰেন্সীৰ জৰিয়তে সন্ত্ৰাসবাদৰ বিত্তীয় সাহায্য প্ৰতিহত কৰা, ক্ৰাউডফাণ্ডিং আৰু অলাভজনক সংস্থা” শীৰ্ষক এক অনুষ্ঠান অনুষ্ঠিত কৰিছিল।

এই পদক্ষেপে সন্ত্ৰাসবাদৰ বাবে বিত্তীয় সাহায্য, বিশেষকৈ ডিজিটেল মাধ্যমৰ জৰিয়তে উদীয়মান ভাবুকি তথা সামাজিক গাঁথনিৰ অপব্যৱহাৰৰ বিৰুদ্ধে যুঁজ দিয়াৰ ক্ষেত্ৰত আন্তঃৰাষ্ট্ৰীয় সহযোগিতাৰ প্ৰতি ভাৰতৰ দায়বদ্ধতাক প্ৰতিফলিত কৰিছে। ৰাজহ বিভাগ, বিত্তীয় চোৰাংচোৱা গোট ভাৰত (এফআইইউ আইএনডি), ৰাষ্ট্ৰীয় তদন্তকাৰী সংস্থা (এনআইএ), আৰু গৃহ পৰিক্ৰমা মন্ত্ৰালয়ৰ এফএটিএফ কোষৰ কাৰিকৰী বিশেষজ্ঞসকলৰ লগতে ইএজিৰ এজন বিশেষজ্ঞই এই কাৰ্যসূচীত অংশগ্ৰহণ কৰিছিল, য’ত এনে অধিৱেশনসমূহ অন্তৰ্ভুক্ত কৰা হয়:

১/ ভাৰ্চুৱেল সম্পত্তিৰ অপব্যৱহাৰ ধৰা পেলোৱা আৰু তদন্ত কৰা

২/ সন্ত্ৰাসবাদী  কাৰ্য্যকলাপৰ বাবে ক্ৰাউডফাণ্ডিঙৰ ধৰণ

৩) এন পি অ’সমূহ নিৰীক্ষণৰ বাবে নিয়ন্ত্ৰণ আৰু বিত্তীয় চোৰাংচোৱাৰ কাঠামো

মন কৰিবলগীয়া যে চি এ আৰৰ সৈতে বিশেষজ্ঞতাৰ ভাগ-বতৰা এপ্ৰিল মাহৰ প্ৰশিক্ষণত সীমাবদ্ধ আছিল আৰু প্ৰশিক্ষণৰ পিছত কোনো ধৰণৰ বিশেষজ্ঞতাৰ তথ্য ভাগ-বতৰা কৰা হোৱা নাই। ভাৰতে বিভিন্ন কাৰ্যসূচীৰ জৰিয়তে মধ্য এছিয়াৰ প্ৰতিনিধিৰ সৈতে কাৰিকৰী বিশেষজ্ঞতা ভাগ-বতৰা কৰি আহিছে। এই কাৰ্যসূচীসমূহৰ ভিতৰত আছিল অধিৱেশন অনুষ্ঠিত কৰা আৰু ৰুদ্ধদ্বাৰ বৈঠকৰ জৰিয়তে পৰামৰ্শদান কৰা:

১/ সন্ত্ৰাসবাদ সম্পৰ্কীয় তদন্তত বিত্তীয় চোৰাংচোৱাৰ তথ্য সংগ্ৰহ।

2. ভাৰ্চুৱেল সম্পত্তি সেৱা প্ৰদানকাৰী (VASPs)ৰ অপব্যৱহাৰৰ পৰা হোৱা উদীয়মান বিপদসমূহ

৩/ ক্ৰাউড ফাণ্ডিং প্লেটফৰ্মৰ জৰিয়তে কৰা শোষণ।

৪) সন্ত্ৰাসবাদৰ বিত্তীয় সাহায্য আৰু এন পি অ’ৰ ৰিস্ক প্ৰফাইলিঙৰ ব্যৱস্থা।

৫) বিত্তীয় চোৰাংচোৱা গোট-ভাৰত (এফ আই ইউ-আই এন ডি), বলৱৎকাৰী সঞ্চালকালয় (ই ডি) আৰু ৰাষ্ট্ৰীয় তদন্ত সংস্থা (এন আই এ)কে ধৰি ভাৰতীয় সংস্থাসমূহে কৰা বিষয়ভিত্তিক অধ্যয়ন

ইয়াৰ উপৰি চিএআৰৰৰ অংশগ্ৰহণকাৰীসকলক তেওঁলোকৰ ঘৰুৱা অধিকাৰক্ষেত্ৰত ব্যৱহাৰৰ বাবে নিজৰ ইচ্ছানুযায়ী অধ্যয়ন সামগ্ৰীও প্ৰদান কৰা হৈছিল, তেওঁলোকৰ ন্যায়িক অধিকাৰক্ষেত্ৰৰ প্ৰয়োজনীয়তা অনুসৰি তেনে কৰা হৈছিল।

ভাৰতে ভৱিষ্যতে সন্ত্ৰাসবাদীৰ পুঁজি সংগ্ৰহৰ দৰে অনুৰূপ প্ৰত্যাহ্বানৰ সন্মুখীন হোৱা অন্যান্য অঞ্চলসমূহকো সহযোগিতা আগবঢ়োৱাৰ প্ৰস্তাৱ আগবঢ়াইছে। ৰাজহ বিভাগে বৈদেশিক পৰিক্ৰমা দপ্তৰৰ সৈতে সমন্বয় ৰক্ষা কৰি  কূটনৈতিক আৰু কাৰ্য্যকৰী সমন্বয়ৰ অধীনত বিমষ্টেক দেশসমূহৰ বাবে একেধৰণৰ বিষয়ভিত্তিক সামৰ্থ্য বিকাশ কাৰ্যসূচীৰ আয়োজন কৰিছে।

ভাৰতবৰ্ষ সন্ত্ৰাসবাদৰ বিৰুদ্ধে বিত্তীয় সাহায্যৰ বিৰুদ্ধে (CFT) গঠন কৰা  দুটা আঞ্চলিক গোট অৰ্থাৎ এছিয়ান পেচিফিক গ্ৰুপ (APG) আৰু ইউৰেছিয়ান গ্ৰুপ (EAG)ৰো সদস্য। এই গোটসমূহৰ সৈতে ভাৰতে  সহযোগিতাৰে কাম কৰি আহিছে। 

গৃহ মন্ত্ৰালয়ৰ ৰাজ্যিক মন্ত্ৰী শ্ৰীযুত নিত্যানন্দ ৰায়ে লোকসভাত এক প্ৰশ্নৰ লিখিত উত্তৰত এই কথা প্ৰকাশ কৰে।

****

RK/RR/PR/PS/DM