প্রধানমন্ত্রীগী লোইশঙ
রাস্ত্রপতিনা হাউস অনিমক্তা ইথিল পীদুনা ঙসি পার্লিয়ামেন্ততা বজেৎ সেসন হৌদোকখ্রে: প্রধান মন্ত্রী
রাস্ত্রপতিগী ৱারোলনা ভারতনা তুংলমচৎকী ময়েক শেংলবা মায়কৈ তাকপগা লোয়ননা হন্দক্কী মতমশিংদা চাউখৎ থৌরাংগী মায়কৈদা চঙশিনখিবা মশক নাইরবা খোঙচৎ উহল্লি: প্রধান মন্ত্রী
থাগৎখিবা:
28 JAN 2026 3:17PM by PIB Imphal
প্রধান মন্ত্রী শ্রী নরেন্দ্র মোদীনা ঙসি পার্লিয়ামেন্তকী বজেৎ সেসন হৌদোকপদা হাউস অনিমক্তা রাস্ত্রপতিনা পীখিবা ৱারোল অদু থাগৎপা ফোংদোকখ্রে। শ্রী মোদীনা হায়খি মদুদি ঙসিগী মহাক্কী ৱারোল অদু মপুং ফানা অমসুং ময়েক শেংনা ফোংদোকখি। মসিনা হৌখিবা মতমশিংদা ভারতকী চাউখৎপগী মশক থোকপা খোঙচৎ অদু উৎলম্মি অমসুং তুংলমচৎকী ময়েক শেংবা মায়কৈ অমা উৎলি।
শ্রী মোদীনা হায়খি মদুদি ঙসিগী ৱারোলদা, বিক্সিত ভারত অমা শেমগৎপদা মরুওইবা পীরক্লিবা অসি মপাঙ্গল কনবা অমসুং মশা-মরোমদোম লেপচবা ঙম্বা লৈবাক অমা শেমগৎনবা ঐখোয়গী অপাম্বা অদু উৎলি। "মসিনা রিফোর্ম এক্সপ্রেস হেন্না খুমাং চাউশিলহন্নবা অমসুং ইন্নোবেসন অমসুং অফবা লৈঙাক্লোনদা মিৎয়েং থম্নবা ঐখোয়গী অপুনবা ৱাশক অদু অমুক হন্না ফোংদোক্লি।"
প্রধান মন্ত্রীনা Xতা পোস্ত তৌখি:
“পার্লিয়ামেন্তকী বজেৎ সেসন ঙসি হৌখ্রে। ঐখোয়গী পার্লিয়ামেন্তকী চৎনবীদা, মসিগী ৱারোল অসি অখন্নবা মরুওইবা অমা লৈরি, মরমদি মসিনা পোলিসী দিরেক্সন অমসুং লাক্কদৌরিবা থাশিংদা ঐখোয়গী লৈবাক্কী চাউখৎপগী খোঙচৎপু লমজিংগদবা অপুনবা ৱারেপ অদু তাক্লি।
ঙসিগী ৱারোল অসি মপুং ফাবা অমসুং মগুন লৈরবা ৱারোলনি। মসিনা হৌখিবা মতমশিংদা ভারতকী চাউখৎপগী মশক থোকপা খোঙচৎ অদু উৎলম্মি অমসুং তুংলমচৎকী ময়েক শেংবা মায়কৈ অমা উৎলি। বিক্সিত ভারত অমা শেমগৎপগী মরুওইবা অসি মপাঙ্গল কনবা অমসুং মশা-মরোমদোম লেপচবা ঙম্বা লৈবাক অমা শেমগৎনবা ঐখোয়গী অপাম্বা অদু উৎলি। এদ্রেস অসিদা হীরম কয়াগী মতাংদা খন্নখি। লৌমীশিং, নহাশিং, লাইরবশিং অমসুং লায়রবশিংগীদমক লেপ্পা নাইদনা হোৎনরিবশিং অদুসু পনখি। মসিনা রিফোর্ম এক্সপ্রেস হেন্না খুমাং চাউশিলহন্নবা অমসুং ইন্নোবেসন অমসুং অফবা লৈঙাক্লোনদা মরুওইবা পীনবগী ঐখোয়গী অপুনবা ৱাশক অদু অমুক হন্না ফোংদোকখি।“
***
(রিলিজ আই.দি.: 2220975)
ভিজিতর কাউন্তর : 5
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam