প্রধানমন্ত্রীগী লোইশঙ
প্রধান মন্ত্রী নরেন্দ্র মোদীনা ব্রাজিলগী রাস্ত্রপতিগী তেলিফোন কোল ওকখ্রে
লুচিংবা অনিনা ভারত-ব্রাজিল স্ত্রেতজিক পার্ত্নরশিপ হেন্না কনখৎহন্নবা খোঙফম চেৎপা অমুক হন্না ফোংদোক্নখি
লুচিংবা অনিনা ত্রেদ অমসুং ইনভেস্তমেন্ত, তেক্নোলোজী, দিফেন্স, ইনর্জী, হকশেল, লৌউ-শিংউ অমসুং মীয়াম মরক্তা লৈবা মরীশিংদা মশক থোক্না খুমাং চাউশিল্লে হায়বা য়ানখি
লুচিংবা অনিনা নাকল অনিমক্কী অপাম্বা মান্নবা রিজনেল অমসুং মালেমগী শিংনবশিংগী মতাংদা মশাগী ৱাখল্লোন ফোংদোক্নখি
প্রধান মন্ত্রীনা রাস্ত্রপতি লুলাবু ভারত্তা অথুবা মতমদা তরাম্না ওকপা পাম্লি হায়না ফোংদোকখি
থাগৎখিবা:
22 JAN 2026 9:44PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ব্রাজিলগী ফেদেরেতিব রিপব্লিক্কী রাস্ত্রপতি, হিস এক্সলেন্সী শ্রী লুইজ ইনাসিও লুলা দা সিলভানা তৌরকপা তেলিফোন কোল অমা ওকখি।
লাক্কদৌরিবা চহিশিংদা ভারত-ব্রাজিলগী স্ত্রেতজিক পার্ত্নরশিপ অসিবু হেন্না ৱাংবা থাক্তা পুখৎনবা খোঙফম চেৎমিন্নবগী ৱাফম ফোংদোক্নখি।
মমাংগী চহিদা মখোয়না ব্রাসিলিয়া অমসুং সাউফ অফ্রিকাদা উন্নখিববু নীংশিংলদুনা লুচিংবা অনিনা ত্রেদ অমসুং ইনভেস্তমেন্ত, তেক্নোলোজী, দিফেন্স, ইনর্জী, হকশেল, লৌউ-শিংউ অমসুং মীয়াম মরক্তা লৈবা মরী য়াওনা বাইলেতরেল কোওপরেসনগী তোঙান-তোঙানবা হীরম কয়াদা মশক থোক্না খুমাং চাউশিল্লিবা অসিদা অপেনবা ফোংদোক্নখি।
লুচিংবা অনিনা নাকল অনিমক্কী অপাম্বা মান্নবা রিজনেল অমসুং মালেমগী শিংনবশিংগী মতাংদা মশাগী ৱাখল্লোন ফোংদোক্নখি। মসিগুম্বা হেরম কয়াদা মায়োক্নমিন্নবা ঙম্নবা রিফোর্ম তৌরবা মলতিলেরিজমগী মরু ওইবশু খঙনখি।
প্রধান মন্ত্রী মোদীনা রাস্ত্রপতি লুলাবু ভারত্তা অথুবা মতমদা তরাম্না ওকপা পাম্লি হায়না ফোংদোকখি।
***
(রিলিজ আই.দি.: 2220008)
ভিজিতর কাউন্তর : 26
রিলিজ অসি মসিদা পাবীয়ু:
English
,
Urdu
,
हिन्दी
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam