காஷ்மீர் பள்ளத்தாக்குக்கான சரக்குப் போக்குவரத்தில் ஒரு முக்கிய மைல்கல்லாக, இந்தப் பகுதிக்கு அனைத்து  வானிலைகளை எதிர்கொள்ளும் ரயில் இணைப்பின் வலிமையைக் காட்டும் வகையில்,  முதல் முழுவதும் உணவு தானியங்களை (அரிசி)    நிரப்பிய ரயில் ஜனவரி 22, 2026 அன்று அனந்த்நாக்கை அடைந்தது. இந்திய உணவுக் கழகத்துடன் நீடித்த ஒருங்கிணைப்பைத் தொடர்ந்து, சரக்குப் போக்குவரத்துச் செலவுகளைக் குறைப்பதற்காக, 2,768 மெட்ரிக் டன் அரிசியை ஏற்றிச் செல்லும் 42 வேகன்களைக் கொண்ட முழுமையான ரேக், ரயில் மூலம் அனந்த்நாக் உணவு கிடங்கிற்குக் கொண்டு செல்லப்பட்டு, சாதனை படைக்கப்பட்டது. 

முன்னதாக, 1,384 மெட்ரிக் டன் உணவு தானியங்களை ஏற்றிச் செல்லும் 21 வேகன்களைக் கொண்ட மினி ரேக்குகள் மட்டுமே ரயில் மூலம் கொண்டு செல்லப்பட்டன. இருப்பினும், இந்த முறை, முழு ரேக்கும் ஜனவரி 21 அன்று பஞ்சாபில் உள்ள சங்ரூர் ரயில் முனையத்திலிருந்து வெற்றிகரமாக ஏற்றப்பட்டு 24 மணி நேரத்திற்குள் அனந்த்நாக்கிற்கு கொண்டு செல்லப்பட்டது. மோசமான  வானிலை நிலவிய போதிலும், ரேக் வெற்றிகரமாக கையாளப்பட்டது. இது பள்ளத்தாக்கில் உணவு தானிய விநியோகச் சங்கிலி மற்றும் விநியோக வலையமைப்பிற்கு குறிப்பிடத்தக்க ஊக்கத்தை அளித்தது.

காஷ்மீர் பள்ளத்தாக்கில் உணவு தானிய விநியோக வலையமைப்பை வலுப்படுத்துவதில் இந்த மைல்கல் ஒரு முக்கியமான தொடக்கத்தைக் குறிக்கிறது. மினி ரேக்குகள் மற்றும் சாலை அடிப்படையிலான போக்குவரத்திலிருந்து முழு கொள்ளளவு கொண்ட ரயில் வேகன்களுக்கு மாறுவது ஒட்டுமொத்த தளவாடங்கள் மற்றும் சரக்கு செலவுகளைக் கணிசமாகக் குறைக்கும். அதே வேளையில் அத்தியாவசியப் பொருட்களின் வேகமான மற்றும் நம்பகமான இயக்கத்தை உறுதி செய்யும்.

மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்: https://www.pib.gov.in/PressReleasePage.aspx?PRID=2218214&reg=3&lang=1  

***

TV/RB/RJ