PIB Headquarters
ایک ضلع ایک پروڈکٹ (او ڈی او پی)
مقامی مصنوعات کا محلوں سے بین الاقوامی منڈیوں تک کا سفر
प्रविष्टि तिथि:
23 JAN 2026 9:55AM by PIB Delhi
|
کلیدینکات
- او ڈی او پی مقامی کاریگروں کو بااختیار بناتا ہے، روایتی ہنر کو زندہ کرتا ہے اور روزگار کے مواقع پیدا کرتا ہے۔
- اس اقدام کو ملک بھر میں وسعت دی گئی ہے، جس سے 770 سے زائد اضلاع کو اقتصادیہب میں تبدیل کیا گیا ہے۔
- اتر پردیش میں شروع کیا گیا،یہ اب مقامی اقتصادی تبدیلی کے لیے ہندوستان کا سب سے مشہور اقدام بن گیا ہے۔
- ای کامرس آن بورڈنگ کے اقدامات جیسے کہ گورنمنٹ ای-مارکیٹ پلیس (جی ای ایم-او ڈی او پی) بازار ہندوستان کے کچھ بہتریناو ڈی او پی مصنوعات کی نمائش اور پیش کش کرتے ہیں۔
|
تعارف: جہاں مقامی دستکاریوں نے قومی انقلاب برپا کیا
اتر پردیش کے مرکز میں مراد آباد شہر واقع ہے، جہاں کاریگر نسلوں سے پگھلی ہوئی دھات سے پیتل کی خوبصورت اشیاء تیار کر رہے ہیں۔ کئی دہائیوں تک، ان کاریگروں نے خاندانی طور پر چلنے والی ورکشاپس میں اپنے ہنر کو نمایاں کیا، جو ان کے اپنے شہر سے باہر کی دنیا کے لیے بڑی حد تک نامعلوم ہے۔
سال 2018 میں ایک نئے باب کا آغاز ہوا۔ ریاست کے ایک جرات مندانہ نئے اقدام کے حصے کے طور پر، مرادآباد کی پیتل کی اشیاء کو ضلع کی مشہور مصنوعات کے طور پر منتخب کیا گیا: ایک ضلع ایک پروڈکٹ (او ڈی او پی)۔
یہ خیال سادہ مگر انقلابی تھا—ریاست کے ہر ضلع میں ایک منفرد پروڈکٹ کی شناخت کرنا، اسے برانڈنگ، مارکیٹ تک رسائی، ادارہ جاتی مدد اور پہچان فراہم کرنا اور اس کے پیچھے کمیونٹی کو بااختیار بنانا۔ آج یہ دستکاری بین الاقوامی تجارتی نمائشوں میں نمائش کے لیے پیشکی جاتی ہے۔ مقامی فخر میں اضافہ ہوا، آمدنی میں اضافہ ہوا اور ایک ضلع جو کبھی معاشی بدحالی کا شکار تھا، خود انحصاری کی خوشحالی کا نمونہ بن گیا۔
مرادآباد بھی اس سے مستثنیٰ نہیں تھا۔ یہ ایک بہت بڑی کہانی کا پہلا باب بن گیا ہے۔ دسمبر 2025 تک، او ڈی او پی کو قومی سطح پر اپنایا گیا ہے اور اسے 770 سے زیادہ اضلاع تک پھیلا دیا گیا ہے، جس سے لاکھوں کاروباریوں، کاریگروں اور کسانوں کی زندگیوں پر اثر پڑے گا۔ جو کچھ اتر پردیش میں شروع ہوا وہ آج مقامی اقتصادی تبدیلی میں ہندوستان کا سب سے مشہور اقدام ہے۔
|
او ڈی او پی ترقی کو فروغ دے رہا ہے
- متوازن علاقائی ترقی
- کاریگروں اور پروڈیوسروں کو بااختیار بنانا
- برآمدکاری کا فروغ
- ورثے کا تحفظ
- معاشی اثر
- روزگار کی پیداوار
- عالمی پہچان
|
او ڈی او پی کا مقصد ہر ضلع سے منفرد مصنوعات کی شناخت اور برانڈنگ کے ذریعے متوازن علاقائی ترقی کو فروغ دینا ہے، ساتھ مربوط ادارہ جاتی تعاون کے ذریعے کاریگروں اور مقامی پروڈیوسروں کے لیے مارکیٹ تک رسائی کو مضبوط بنانا ہے۔ اس اقدام نے ضلع سطح کی ویلیو چین میں آمدنی میں اضافہ، مارکیٹ تک رسائی کو بڑھانے اور روزگار کے مواقع پیدا کرنے کے ذریعے ٹھوس اقتصادی اثرات مرتب کیے ہیں۔ برانڈنگ، نمائشوں اور عالمی پلیٹ فارمز کے ذریعے،او ڈی او پی نے ہندوستانی مصنوعات کو عالمی شناخت دلائی ہے، ساتھ ہی ساتھ پائیدار طریقوں اور ثقافتی تبادلے کی بھی حمایت کی ہے۔
اضلاع ترقی کا انجن
او ڈی او پی پہل، جسے صنعت اور اندرونی تجارت کے فروغ کے محکمے (ڈی پی آئی آئی ٹی) نے شروع کیا، کا مقصد ہر ضلع کی منفرد اقتصادی صلاحیت کو بروئے کار لانا، متوازن علاقائی ترقی کو فروغ دینا اور مقامی کاریگروں اور کاروباری افراد کو قومی اور عالمیبازاروں میں مقابلہ کرنے کے لیے تیار کرنا ہے۔
ثقافتی ورثے کو ہندوستان کی وسیع تر ترقی کی ترجیحات کے ساتھ جوڑ کر، یہ روایتی مہارتوں کو ایک پائیدار اقتصادی انجن میں تبدیل کرتا ہے۔
اس پہل کا مقصد ہے:
|
متوازن علاقائی ترقی کو فروغ دینا
|
علاقائی تفاوت کو کم کرنے اور جامع ترقی کو یقینی بنانے کے لیے ہر ضلع کی اقتصادی صلاحیت کو بروئے کار لانا۔
|
|
روزگار اور دیہی کاروبار کو فعال کرنا
|
کسانوں، کاریگروں، بُنکروں اور مقامی پروڈیوسروں کو بااختیار بنا کر روزگار کے مواقع پیدا کرنا، اس طرح آتمنر بھر بھارت کے اہداف کو آگے بڑھانا۔
|
|
قومی مینوفیکچرنگ مشن کے ساتھ ہم آہنگی
|
ملکی صلاحیتوں اور عالمی مسابقت کو بڑھانے کے لیے میک ان انڈیا، ووکل فار لوکل اور اضلاع بطور ایکسپورٹ ہب جیسے اقدمات سے جوڑنا۔
|
|
مارکیٹ تک رسائی میں اضافہ
|
ڈیجیٹل پلیٹ فارمز کے ذریعے مارکیٹ کے روابط کو بڑھانا، بشمول سرکاری ای-مارکیٹ پلیس (جی ای ایم) پر ایک خصوصی او ڈی او پی اسٹور فرنٹ اور ریاستی سطح کے ای کامرس پلیٹ فارمز کی فروخت اور رسائی میں اضافہ۔
|
او ڈی او پی کے تحت ادارہ جاتی حکمرانی اور مصنوعات کے انتخاب کا فریم ورک
او ڈی او پی کی کامیابی اس کے لچیلی لیکن منظم طرز حکمرانی کے ماڈل میں مضمر ہے۔ اسے مرکزی حکومت کی وزارتوں، ریاستی حکومتوں اور ضلع انتظامیہ کی مشترکہ کوششوں کے ذریعے لاگو کیا جاتا ہے۔
او ڈی او پی پہل کے تحت، ریاستیں اور مرکز کے زیر انتظام علاقے نچلی سطح پر موجودہ ماحولیاتی نظام کی بنیاد پر مصنوعات کا انتخاب کرتے ہیں اور حتمی فہرست صنعت اور اندرونی تجارت کے فروغ کے محکمے (ڈی پی آئی آئی ٹی) کو بھیجی جاتی ہے۔
ڈی پی آئی آئی ٹی کے ڈیجیٹل پورٹل پر 1,200 سے زیادہاو ڈی او پی مصنوعات درج ہیں، جن میں ٹیکسٹائل اور خوراک سے لے کر دستکاری اور معدنیات تک کے شعبوں کا احاطہ کیا گیا ہے۔
گورنمنٹ ای-مارکیٹ پلیس(جی ای ایم)-او ڈی او پی بازار جیسے ای کامرس اقدامات کے ذریعے، ہندوستان کی بہتریناو ڈی او پی مصنوعات کو ایک بڑی مارکیٹ میں دکھایا جا رہا ہے، کاریگروں کو بااختیار بنایا جا رہا ہے اور ان کی مارکیٹ تک رسائی کو بڑھایا جا رہا ہے۔
اتر پردیش: قوم کے لیے ایک ماڈل
او ڈی او پی پہل میں ایک سرکردہ ریاست اتر پردیش نے اس پروگرام کے تحت اہم اقتصادی تبدیلیکا مشاہدہ کیا ہے۔ اتر پردیش انٹرنیشنل ٹریڈ شو (یو پی آئی ٹی ایس) 2025 میں،او پی او ڈی کو قومی اور عالمی سطح پر بے مثال پذیرائی ملی، جس میں وزیر اعظم نریندر مودی نے اس بات پر روشنی ڈالی کہ کس طرح اس پہل نے اتر پردیش کے ضلع کی مخصوص مصنوعات کو بین الاقوامیبازاروں تک پہنچنے میں مدد کی ہے۔ یو پی آئی ٹی ایس 2025 میںاو پی او ڈی پویلین میں 466 اسٹالز تھے، جس سے 20.77 کروڑ روپے کے بزنس لیڈز اور سودے ہوئے۔
اسی طرح، پریاگ راج میں مہاکمب 2025 کے دوران، او ڈی او پی روایتی دستکاری کے لیے ایک بڑے پلیٹ فارم کے طور پر ابھرا۔ بنارسی بروکیڈ، کشی نگر قالین، فیروز آباد شیشے کے سامان، وارانسی لکڑی کے کھلونے، دھاتی دستکاری اور 75 جی آئی ٹیگ شدہ مصنوعات کا ایک بڑا مجموعہ، جس میں کاشی علاقے سے 34 شامل ہیں، ملک بھر سے کاریگروں نے 6,000 مربع میٹر نمائشی علاقے میں اکٹھے ہوئے۔
|
اتر پردیش میںنتائج
- برآمدات میں 76 فیصد اضافہ ہوا ہے، جو 18-2017 میں 88,967 کروڑ روپے سے 2023-24 میں 1.71 لاکھ کروڑ روپے ہو گئی ہے۔
- او ڈی او پی مارجن منی اسکیم کے تحت 6,000 کروڑ کے پروجیکٹوں کو منظوری دی گئی ہے۔
- او ڈی او پی اسکل ڈیولپمنٹ اور ٹول کٹ ڈسٹری بیوشن اسکیم کے تحت، 1.25 کروڑ سے زیادہاو ڈی اوپی کاریگروں کو تربیت دی گئی ہے اور انہیں جدیداو ڈی او پی ٹول کٹس فراہم کی گئی ہیں۔
|
ایم ایکتا مالز: ہندوستان کے کاریگری کے ورثے کا ایک شاندار گیٹ وے
پی ایم ایکتا مالز (یونٹی مالز) کو او ڈی او پی، جی آئی اور دستکاری کی مصنوعات کو فروغ دینے اور فروخت کرنے کے لیےخصوصی خوردہ اور ڈسپلے ہب کے طور پر بنایا گیا ہے۔ ہر مال کی منصوبہ بندی کی گئی ہے کہ ہر ریاست اور مرکز کے زیر انتظام علاقے کو اپنی مصنوعات کی نمائش کے لیےخصوصی جگہ فراہم کی جائے، اس طرح ضلع سطح کی مصنوعات کو زیادہ سے زیادہ مارکیٹ تک رسائی، بہتر شناخت اور زیادہ صارفین تک رسائی فراہم کی جائے۔
|
جھلکیاں
- تمام ریاستوں/مرکز کے زیر انتظام علاقوں اور اضلاع کی شرکت کے ساتھ، منفرد جگہوں اور ایک ہی چھت کے نیچے ہندوستان کے تنوع کا جشن منائیں۔
- دستکاروں اور کاروباریوں کو بااختیار بنانے کے لیے5,000 کروڑ روپے کی بلا سود امداد فراہم کرتا ہے، جس میں ہر ریاست کے لیے کم از کم 100 کروڑ روپےشامل ہیں۔
- 27 ریاستوں میں 29 یونٹی مالز کی منظوری کے ساتھ، ان کے تیزی سے آغاز کے انتظامات جاری ہیں۔
- وہ قومی برانڈنگ، کثیر لسانی اشارے اور جدید سہولیات جیسے کہ تجربہ زون، تھیٹر اور فوڈ کورٹس کے ساتھ شاندار فن تعمیر کو نمایاں کرتے ہیں۔
- وہ ریاستی ملکیت اور پیشہ ورانہ انتظام کے ساتھ پبلک پرائیویٹ پارٹنرشپ ماڈل کے ذریعے چلائے جاتے ہیں۔
- او ڈی او پی اور مقامی دستکاریوں کو قومی ثقافتی مراکز اور عالمی بازاروں میں تبدیل کرتا ہے۔
|
یہانتہائی اہم مراکز صرف بازار نہیں ہیں، بلکہ دستکاری کے مندر ہیں، ایسی جگہیں جہاں دیہی کاریگروں کے خواب پورے ہوتے ہیں، جہاں ہر پروڈکٹ وراثت کی کہانی بیان کرتا ہے اور خود انحصار، ثقافتی طور پر پراعتماد ہندوستان کا تصور ٹھوس، جاندار شکل اختیار کرتا ہے۔
او ڈی او پی کی عالمی رسائی
|
او ڈی او پی بین الاقوامی پلیٹ فارمز پر منفرد، اعلیٰ معیار اور پائیدار مصنوعات کی نمائش کرکے عالمی معیشت میں مضبوط شراکت کرنے میں ہندوستانی اضلاع کی مدد کر رہا ہے۔
|
کیا آپ جانتے ہیں؟💡
او ڈی او پی وال سارس آجیویکا اسٹورز جیسے پلیٹ فارمز پر ضلعی مخصوص دیسی مصنوعات کے کیوریٹڈ ڈسپلے کے طور پر کام کرتی ہے، جس کا مقصد دیہی کاریگروں اور خواتین کے سیلف ہیلپ گروپس کے لیے مارکیٹ تک رسائی اور پہچان کو بڑھانا ہے۔
|
اہم نکات:
- 80 سے زیادہ ہندوستانی مشنز نے نمائشوں، شوکیسز،او ڈی او پی وال ڈسپلے، یا سفارتی تحفے کے ذریعے بیرون ملک مصنوعات کو فروغ دیا ہے۔
- او ڈی او پی مصنوعات کو بین الاقوامی سطح پر مقبول بنانے کے لیے، انہیںجی-20 میٹنگز کے دوران تحفے کے حصے کے طور پر شامل کیا گیا تھا۔
- بیرون ملک مارکیٹ کی مسلسل موجودگی کو مضبوط بنانے کے لیے، تین بین الاقوامی اسٹورز او ڈی او پی مصنوعات فروخت کرتے ہیں (دو سنگاپور میں - مصطفی سینٹر اور کشمیر ہیریٹیج اور ایک کویت میں - حکیمی سینٹر)۔
|
نتیجہ: عالمی سطح پر ضلع کی ترقی کی چمک
او ڈی او پی کی کہانی ہندوستان کی کہانی ہے، دستکاری کی کہانی ہے جو مشکلات کے باوجود زندہ رہے ہیں،یہ ایسے کاریگروں کی کہانی ہے جنہوں نے روایات کو زندہ رکھا ہے اور ایک ایسے ملک کی کہانی ہے جس نے آخر کار انہیں عالمی سطح پر جگہ دی ہے۔ مرادآباد کے چمکتے پیتل سے لے کر پی ایم ایکتا مالز اور بین الاقوامی گفٹ ہیمپرز تک، او ڈی او پی نے مقامی ٹیلنٹ کو قومی فخر اور عالمی موقع میں بدل دیا ہے۔ یہ اب صرف ’’ایک ضلع، ایک پروڈکٹ‘‘ تک محدود نہیں ہے بلکہ لاکھوں امنگوں کی نمائندگی کرتا ہے جو اپنے گاؤں سے کہیں زیادہ پہچان پا رہے ہیں۔ جیسے جیسےنئی مارکیٹیں کھل رہی ہیں اور پی ایم ایکتا مالز تعمیر ہو رہے ہیں، ہندوستان کی مقامی سڑکیں اعتماد کے ساتھ عالمی سطح پر قدم رکھ رہی ہیں اور ہر کاریگر اپنی دستکاری کو چمکتا ہوا دیکھنے کے قریب ہے جیسا کہ وہ ہمیشہ مستحق تھا۔
پی آئی بی ریسرچ
حوالہ:
وزیراعظم کا دفتر:
شمال مشرقی خطے کی ترقی کی وزارت:
وزارت تجارت اور صنعت:
بہت چھوٹی، چھوٹی اور درمانے درجے کی صنعتوں کی وزارت:
دیگر:
پی ڈی ایف دیکھنے کے لیےیہاں کلک کریں۔
*******
(ش ح۔ک ح۔ ش ہ ب)
UR-958
(रिलीज़ आईडी: 2217638)
आगंतुक पटल : 13