ঙাকশেল মন্ত্রালয়
“বন্দে মাতরম্না চহী চামগা য়াঙ্খৈ শুবগী থৌরম পাংথোকপা”
प्रविष्टि तिथि:
22 JAN 2026 9:02AM by PIB Imphal
ভারতনা লৈবাক শিনবা থুংনা মমিং লৈরবা মীয়াম তিনবা মফমশিংদা মীয়াম পুন্না ইশৈ শকপা, নাৎকী থৌরমশিং, অমসুং মিলিত্রী বেন্দ পর্ফোর্মেন্সকি খুত্থাংদা জাতিগী ইশৈ ‘ভান্দে মাতরম’গী চহি চামগা য়াঙ্খৈ শুবগী থৌরম পাংথোক্লি। থৌরম পাংথোক্লিবা অসিগী পান্দমদি জাতিগী চাওথোকচবা অমসুং অপুনবা য়োকখৎপনি।
হায়রিবা থৌরম পাংথোকপশিং অসিগী শরুক অমা ওইনা ম্যুজিসিয়ান কুন্থ্রামাথোই য়াওবা ইন্দিয়ন এয়র ফোর্স (আই.এ.এফ.) বেন্দনা ন্যু দিল্লীগী রাজিব চোক্তা লৈবা এমফিথিয়েতরদা কুনতরুক্কী জনুৱারি জনুৱারি কুনমাথোইনা থৌরম পাংথোকখি। মিনিৎ নিফুমঙাগী পর্ফোর্মেন্স অদুদা ব্রাস, রীদ, স্ত্রীং অমসুং ইলেক্ত্রোনিক ইন্সত্রুমেন্তশিং ফ্যুজ তৌদুনা মীৎয়েং থম্বা ত্যুন তরামাথোই য়াওখি। ওপরেসন শিন্দুরগী মতমদা ভারতকি আর্ম ফোর্সশিংনা তৌখিবা থবকশিং অদু নিংশিংনবা শেমখিবা ‘ভান্দে মাতরম’ অমসুং ইশৈ ‘ওপরেসন শিন্দুর’গী রেন্দিসনশিং অসি থৌরম পাংথোকপগী মরুওইবা থৌরমশিং ওইখি।
চহি লিশিং কয়াদগী ম্যুজিক অসি ভারতকি কলচরগী ময়েক শেংবা সনাগী লৈতেং অমা ওইনা থোইদোকপা মওংদা থোরক্লি। মসি ভারতকি ইনাক খুল্লবা মিলিত্রী হেরিতেজগী মরুওইবা শরুক অমসু ওইদুনা লাক্লি, অপুনবা অমা য়োকখৎলি অমসুং থৌনা ফনা থৌনা হাপ্লি। লিশিং অমগা চামাপন নিফুমরিদা হৌদোকখিবদগী হৌনা ভারতকি অমসুং ৱেস্তর্ন ম্যুজিক্কী তোপ তোপ্পা রেপেরতোরিশিংগা লোয়ননা ইন্দিয়ন এয়র ফোর্সকী বেন্দ অসি লৈবাক অসিগী মিলিত্রী ত্রেদিসনগী মরুওইবা য়ুম্বি অমা ওইদুনা লাক্লি। ইন্দিয়ন এয়র ফোর্স বেন্দ অসিনা মসিগী পুক্নিং চিংশিন্নিংঙাই ওইবা পর্ফোর্মেন্সশিংগী খুত্থাংদা লৈবাক নিংবা পোকহনবা অমসুং অপুনবগী ৱাখল্লোন শন্দোক্নবা পান্দম থম্লি।
(4)PQBD.jpeg)
(5)SD72.jpeg)
(4)KPOP.jpeg)
(2)UV5E.jpeg)
***
(रिलीज़ आईडी: 2217357)
आगंतुक पटल : 5
इस विज्ञप्ति को इन भाषाओं में पढ़ें:
Marathi
,
Kannada
,
Urdu
,
English
,
Gujarati
,
हिन्दी
,
Bengali
,
Punjabi
,
Tamil
,
Telugu
,
Malayalam