पर्यावरण, वन एवं जलवायु परिवर्तन मंत्रालय
केंद्र सरकारने आणखी 208 कार्बन-केंद्रित उद्योगांसाठी हरितगृह वायू उत्सर्जन तीव्रता लक्ष्य अधिसूचित केले
प्रविष्टि तिथि:
22 JAN 2026 5:47PM by PIB Mumbai
नवी दिल्ली, 22 जानेवारी 2026
केंद्र सरकारने कार्बन क्रेडिट ट्रेडिंग स्कीम (सीसीटीएस) अंतर्गत अतिरिक्त कार्बन-केंद्रित क्षेत्रांसाठी हरितगृह वायू उत्सर्जन तीव्रता (जीईआय) लक्ष्य अधिसूचित केले आहे. 13.01.2026 रोजी जारी केलेल्या अधिसूचनेत पेट्रोलियम रिफायनरीज, पेट्रोकेमिकल्स, टेक्सटाईल आणि दुय्यम अॅल्युमिनियम यांना भारतीय कार्बन मार्केटच्या अनुपालन यंत्रणेअंतर्गत आणले आहे.
या क्षेत्रांमधील एकूण 208 बंधनकारक संस्थांना आता विशिष्ट उत्सर्जन तीव्रता कपातीचे लक्ष्य पूर्ण करावे लागेल. या विस्तारासह, आयसीएमची अनुपालन यंत्रणा आता भारतातील सर्वाधिक उत्सर्जन-केंद्रित उद्योगांमधील 490 संस्थांना लागू झाली आहे.
2023 मध्ये भारत सरकारने अधिसूचित केलेले सीसीटीएसने आयसीएमच्या कामकाजासाठी एक संपूर्ण चौकट प्रदान केली आहे. कार्बन क्रेडिट सर्टिफिकेट ट्रेडिंग यंत्रणेद्वारे उत्सर्जनाचे मूल्यमापन करून भारतीय अर्थव्यवस्थेच्या विविध क्षेत्रांमधून हरितगृह वायू उत्सर्जन कमी करणे किंवा रोखणे हे सीसीटीएसचे उद्दिष्ट आहे.
या प्रगतीतून उद्योगांसोबत वर्षानुवर्षे सुरू असलेल्या सातत्यपूर्ण सहभाग, कठोर तांत्रिक मूल्यांकन आणि संस्था आणि हितधारकांमधील समन्वित प्रयत्न प्रतिबिंबित होतात. क्षेत्रीय व्याप्तीत वाढ आणि परिपक्व अनुपालन यंत्रणा यामुळे आयसीएम भारताच्या दीर्घकालीन हवामान उद्दिष्टांशी आणि निव्वळ-शून्य उद्दिष्टाबरोबर औद्योगिक विकासाचे संरेखन करण्यात मध्यवर्ती भूमिका बजावण्यास सज्ज आहे.
* * *
सुवर्णा बेडेकर/सुषमा काणे/दर्शना राणे
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(रिलीज़ आईडी: 2217340)
आगंतुक पटल : 11