ಭಾರತೀಯ ರೈಲ್ವೆಯು ಮೌನಿ ಅಮಾವಾಸ್ಯೆಯ ಅವಧಿಯಲ್ಲಿ ರೈಲು ಸಂಚಾರವನ್ನು ಯಶಸ್ವಿಯಾಗಿ ನಿರ್ವಹಿಸಿದೆ, ಜನವರಿ 3, 2026 ರಿಂದ ದೇಶಾದ್ಯಂತ 244 ವಿಶೇಷ ರೈಲುಗಳನ್ನು ಓಡಿಸಿದೆ, ಭಕ್ತರಿಗೆ ಸುಗಮ ಮತ್ತು ಅನುಕೂಲಕರ ಪ್ರಯಾಣವನ್ನು ಖಚಿತಪಡಿಸಿದೆ. ಉತ್ತರ ರೈಲ್ವೆ (ಎನ್.ಆರ್.) ಯ 31 ರೈಲುಗಳು, ಉತ್ತರ ಮಧ್ಯ ರೈಲ್ವೆ (ಎನ್ ಸಿ ಆರ್) ಯ 158 ರೈಲುಗಳು ಮತ್ತು ಈಶಾನ್ಯ ರೈಲ್ವೆ (ಎನ್ ಇ ಆರ್) ಯ 55 ರೈಲುಗಳನ್ನು ಓಡಿಸುವ  ಮೂಲಕ ಒಟ್ಟಾರೆಯಾಗಿ ಸುಮಾರು 4.5 ಲಕ್ಷ ಪ್ರಯಾಣಿಕರಿಗೆ ಸೇವೆ ಸಲ್ಲಿಸಿವೆ. ಹಬ್ಬದ ಅವಧಿಯಲ್ಲಿ ತೊಂದರೆ-ಮುಕ್ತ  ಪ್ರಯಾಣ ಮತ್ತು ಸುರಕ್ಷಿತ ಪ್ರಯಾಣವನ್ನು ಸುಗಮಗೊಳಿಸಲು ಈ ವಿಶೇಷ ಸೇವೆಗಳನ್ನು ಯೋಜಿಸಲಾಗಿದೆ ಮತ್ತು ಕಾರ್ಯಾಚರಣೆಯನ್ನು ಎಚ್ಚರಿಕೆಯಿಂದ ನಿರ್ವಹಿಸಲಾಗಿದೆ.

ಜನವರಿ 18 ರಂದು, ಪ್ರಯಾಗ್‌ರಾಜ್ ಹಬ್ಬದ ಪ್ರಯಾಣದ ಸಂಖ್ಯೆ ಉತ್ತುಂಗವನ್ನು ಕಂಡಿತು, ಇದರಲ್ಲಿ 40 ವಿಶೇಷ ರೈಲುಗಳು ಕಾರ್ಯಾಚರಣೆಯಲ್ಲಿದ್ದವು. ಇದರಲ್ಲಿ ಎನ್‌.ಆರ್‌ ನ 11 ರೈಲುಗಳು, ಎನ್‌.ಸಿ.ಆರ್‌ನ 22 ರೈಲುಗಳು ಮತ್ತು ಎನ್‌.ಇ.ಆರ್‌ನ 7 ರೈಲುಗಳು ಸುಮಾರು 1 ಲಕ್ಷ ಪ್ರಯಾಣಿಕರನ್ನು ಹೊತ್ತೊಯ್ದವು. ಗಮನಾರ್ಹವಾಗಿ, ಎಲ್ಲಾ ನಿಯಮಿತ ರೈಲುಗಳು ವೇಳಾಪಟ್ಟಿಯಂತೆ ಓಡಿದವು, ಭಾರತೀಯ ರೈಲ್ವೆಯ ಪರಿಣಾಮಕಾರಿ ಯೋಜನೆ ಅನುಷ್ಠಾನ ಮತ್ತು ಕಾರ್ಯಾಚರಣೆಯ ದಕ್ಷತೆಯನ್ನು ಪ್ರದರ್ಶಿಸಿದವು.

ಈ ವಿಶೇಷ ರೈಲುಗಳ ಯಶಸ್ವಿ ಕಾರ್ಯಾಚರಣೆಯು ಹಬ್ಬದ ಉತ್ತುಂಗದ ಅವಧಿಯಲ್ಲಿ ಪ್ರಯಾಣಿಕರಿಗೆ ಸುರಕ್ಷಿತ, ಅನುಕೂಲಕರ ಮತ್ತು ತಡೆರಹಿತ ಸೇವೆಗಳನ್ನು ಒದಗಿಸುವ ಭಾರತೀಯ ರೈಲ್ವೆಯ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ದೊಡ್ಡ ಪ್ರಮಾಣದ ಪ್ರಯಾಣಿಕರ ಚಲನವಲನಗಳನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ರೈಲ್ವೆಗಳು ತಂತ್ರಜ್ಞಾನ, ಸಂಪನ್ಮೂಲ ಯೋಜನೆ ಮತ್ತು ವಲಯಗಳಾದ್ಯಂತ ಸಮನ್ವಯವನ್ನು ಬಳಸಿಕೊಳ್ಳುವುದನ್ನು ಮುಂದುವರೆಸಿವೆ.

*****