প্রধানমন্ত্রীগী লোইশঙ
প্রধান মন্ত্রীনা আর্মিশিংগী নুমিত্তা ইন্দিয়ন আর্মিগী থৌনাবু ইকাইখুম্নবা উৎখ্রে
প্রধান মন্ত্রীনা আর্ম্দ ফোর্সনা মতম চুপ্পদা থৌনা, থাজবা অমসুং হনবা লৈতবা থৌদাং লৌরিবা কয়া অসিগীদমক শিংথারদুনা সংস্কৃত সুভশিতম অমা লান্থোকখ্রে
থাগৎখিবা:
15 JAN 2026 8:55AM by PIB Imphal
আর্মিশিংগী নুমিৎ থৌরমদা, প্রধান মন্ত্রী শ্রী নরেন্দ্র মোদীনা ঙসি ইন্দিয়ন আর্মিগী মপাঙ্গল অমসুং অচেৎপা ফিরেপ্পু থম্মোয় শেংনা ইকায় খুম্নবা উৎখ্রে।
শ্রী মোদীনা খ্বাইদগী অরুবা ফিভমশিংগী মখাদা লৈবাক্কী ঙমখৈ ঙাক্লিবা জৱানশিংগী অচেৎপা থৌনা অদুগীদমক থাগৎপা ফোংদোকখি। সংস্কৃত সুভশিতম অমা শেয়র তৌরদুনা নিংতম্না সেবা তৌবগী খ্বাইদগী ৱাংবা ৱাখল্লোনশিং ফোংদোকখি।
প্রধান মন্ত্রীনা ইন্দিয়ন আর্মিদা ইকায় খুম্নবা উৎখি, মখোয়গী থৌনা অমসুং কত্থোকপগীদমক লৈবাক অসিনা মতম চুপ্পগী ওইনা তৌবীমল খঙবা উৎকদবনি।
এক্সতা তোঙান তোঙানবা পোস্তশিং শেয়র তৌদুনা শ্রী মোদীনা হায়খি:
আর্মি দেদা, ঐখোয়না ভারতকী লান্মীগী থৌনা অমসুং অচেৎপা ফিরেপ্পু ইকায় খুম্নবা উৎচরি।
ঐখোয়গী লান্মীশিং অসি, করিগুম্বা মতমদা খ্বাইদগী অরুবা ফিভমদা, লৈবাক অসিবু অচেৎপা ফিরেপ অমগা লোয়ননা ঙাক শেনবগীদমক্তা থৱায় য়াওনা হোৎনবগী খুদম অমনি। মখোয়গী থৌনাগী ইথিলনা লৈবাক শীনবা থুংনা থাজবা অমসুং থাগৎচবা পোকহল্লি।
ঐখোয়না মখোয়গী পুন্সিবু মথৌদাংদা কত্থোকখিবা মীওইশিংবু ইকায় খুম্নবা উৎচরি।
@adgpi”
অরাপ্পা মফমশিংদগী হৌরগা উমংশিং ফাওবা, ঐখোয়গী লান্মীশিংগী থৌনা অমসুং পাঙ্গল অসিনা লৈবাক অসিগী মীওই খুদিংমকপু চাউথোকচবা পোকহল্লি। ঙমখৈ ঙাক্লিবা জৱানশিংদা থাগৎপা ফোংদোকচরি!
अस्माकमिन्द्रः समृतेषु ध्वजेष्वस्माकं या इषवस्ता जयन्तु।
अस्माकं वीरा उत्तरे भवन्त्वस्माँ उ देवा अवता हवेषु॥”
***
(রিলিজ আই.দি.: 2215223)
ভিজিতর কাউন্তর : 27
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam