প্রধানমন্ত্রীগী লোইশঙ
জনুৱারি ১৬ দা, নেসনেল ষ্টার্দঅপ দেদা, ষ্টার্দঅপ ইন্দিয়া চহি ১০ মপুংফারকপগী থৌরম অমা প্রধান মন্ত্রী শরুক য়াগনি
প্রধান মন্ত্রীনা ভারতকী ষ্টার্দঅপ থবক্কী মেম্বরশিংগা ৱারি শানগনি
খনগৎলবা ষ্টার্দঅপ মীহুৎশিংনা মখোয়গী থবক হৌরকপগী খোঙচৎকী মতাংদসু পাউদমগনি
प्रविष्टि तिथि:
15 JAN 2026 8:50AM by PIB Imphal
জনুৱারি ১৬, ২০২৬ গী নুংথিল পুং ১ তাবদা, ন্যু দিল্লিদা নেসনেল ষ্টার্দঅপ দেদা, ষ্টার্দঅপ ইন্দিয়া চহি ১০ মপুংফারকপগী থৌরম অমা প্রধান মন্ত্রী শ্রী নরেন্দ্র মোদী শরুক য়াগনি।
থৌরম মনুংদা, প্রধান মন্ত্রীনা ভারতকী ষ্টার্দঅপ থবক্কী মেম্বরশিংগা ৱারি শানগন। খনগৎলবা ষ্টার্দঅপ মীহুৎশিংনা মখোয়গী থবক হৌরকপগী খোঙচৎকী মতাংদসু পাউদমগনি। থৌরম অদুদা প্রধান মন্ত্রীনা ৱা ঙাংগনি।
ভারত থবক থিবা লৈবাক অমা ওইবগী মহুত্ত থবক পীবা ঙম্বা লৈবাক অমা ওইনবা পান্দমগা লোয়ননা, ইন্নোবেসন, ওন্ত্রেপ্রেন্যুরশিপ য়োকখৎনবা অমসুং শেন থাদুনা চাউখৎপা পুরক্নবা লৈবাক্কী অওনবা পুরকপা থৌরম অমা ওইনা প্রধান মন্ত্রীনা জনুৱারি ১৬, ২০১৬ দা ষ্টার্দঅপ ইন্দিয়া হৌদোকখি।
হৌখিবা চহি ১০ দা, ভারতকী শেন-থুম অমসুং ইন্নোবেসন চাউখৎহনবদা ষ্টার্দঅপ ইন্দিয়া য়াম্না মরুওইবা অমা ওইরে। মসিনা ইন্সতিতুসনশিংগী থবকশিং ফগৎহল্লে, থবক পায়খৎনবা শেন অমসুং লমজিং লমতাকপা ফংহল্লে অমসুং তোঙান তোঙানবা হিরমশিং অমসুং লমদমশিংদা ষ্টার্দঅপশিং চাউখৎনবা ফিবম শেমগৎলে। হায়রিবা মতম অসিগী মনুংদা ভারতকী ষ্টার্দঅপকী থবক মমাঙদা অমুক্ত ওইখিদ্রিবা ম ওংদা চাউখৎলে, লৈবাক শীনবা থুংনা ষ্টার্দঅপ ২,০০,০০০ হেন্না মশক খঙলে। মখোয়গী ললোন-ইতিক্কী থবকশিংনা থবক ফংহনবা, শেন-থুম চাউখৎহনবা অমসুং হিরম কয়াদা লৈবাক অসিগী ভেলু চেনশিং ফগৎহনবদা মতেং পাংলে।
***
(रिलीज़ आईडी: 2214822)
आगंतुक पटल : 6
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Tamil
,
Kannada
,
Malayalam