ప్రధాన మంత్రి కార్యాలయం
భారతీయ యువత అసమాన సామర్థ్యం, అంకితభావానికి ప్రధాని ప్రశంస
జనవరి 12న ‘వికసిత్ భారత్ యంగ్ లీడర్స్ డైలాగ్’లో యువ నాయకులను ఉద్దేశించి ప్రధాని ప్రసంగం
నాడు పోస్టు చేయడమైనది:
10 JAN 2026 8:20AM by PIB Hyderabad
భారతీయ యువత స్ఫూర్తిని, అంకితభావం కనబరుస్తోందని, ‘వికసిత్ భారత్ యంగ్ లీడర్స్ డైలాగ్’ వేదిక ద్వారా దేశ యువతతో ముచ్చటించేందుకు ఆసక్తితో ఎదురుచూస్తున్నానని ప్రధానమంత్రి శ్రీ నరేంద్ర మోదీ ఈ రోజు చెప్పారు.
దృఢమైన, సుసంపన్నమైన దేశాన్ని నిర్మించడంలో కీలక శక్తి భారతీయ యువతేనని, వారి అసమానమైన సామర్థ్యం, నిబద్ధత ప్రశంసనీయమని ప్రధానమంత్రి అన్నారు. దేశవ్యాప్తంగా ఉన్న యువత, తమ ఆలోచనలను, ఆకాంక్షలను పంచుకునే వేదికగా ఈ చర్చా కార్యక్రమం నిలుస్తుందన్నారు. అలాగే వికసిత్ భారత్ లక్ష్యాన్ని సాధించేందుకు తోడ్పడుతుందని తెలిపారు.
సామాజిక మాధ్యమం ఎక్స్‌లో శ్రీ మన్షుఖ్ మాండవీయ రాసిన పోస్టుకు శ్రీ మోదీ స్పందిస్తూ:
"అద్భుతమైన ఉత్సాహం, సాటిలేని పట్టుదలతో కూడిన మన యువతరం శక్తివంతమైన, సుసంపన్నమైన దేశ నిర్మాణానికి నడుం బిగించింది. ‘వికసిత్ భారత్ యంగ్ లీడర్స్ డైలాగ్’ వేదికపై యువ మిత్రులతో ముచ్చటించేందుకు ఎంతో ఆసక్తిగా ఎదురు చూస్తున్నాను. ఈ కార్యక్రమంలో భాగంగా జనవరి 12న మీ అందరినీ కలుస్తాను."
(రిలీజ్ ఐడి: 2213658)
సందర్శకుల సూచీ సంఖ్య : : 57
ఈ ప్రకటనను ఇందులో చదవగలరు:
English
,
Urdu
,
Marathi
,
हिन्दी
,
Manipuri
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam