કાપડ મંત્રાલય
ટેક્સટાઇલ માટેની PLI સ્કીમ: સરકારે નવી અરજીઓ સબમિટ કરવાની છેલ્લી તારીખ 31 માર્ચ 2026 સુધી લંબાવી
प्रविष्टि तिथि:
02 JAN 2026 5:23PM by PIB Ahmedabad
ભારત સરકારે ટેક્સટાઇલ (કાપડ) માટેની પ્રોડક્શન લિંક્ડ ઇન્સેન્ટિવ (PLI) યોજના હેઠળ નવી અરજીઓ સબમિટ કરવાની અંતિમ તારીખ 31 માર્ચ 2026 સુધી લંબાવવાનો નિર્ણય લીધો છે.
ઓગસ્ટ 2025 માં એપ્લિકેશન પોર્ટલ ફરીથી ખોલવામાં આવ્યા ત્યારથી મળેલા નોંધપાત્ર પ્રતિસાદને પગલે આ મુદત વધારવામાં આવી છે, જેમાં મેન-મેડ ફાઇબર (MMF) એપેરલ, MMF ફેબ્રિક્સ અને ટેકનિકલ ટેક્સટાઇલ સહિતના અગ્રતા ધરાવતા ક્ષેત્રોમાં ટેક્સટાઇલ કંપનીઓ દ્વારા દરખાસ્તો સબમિટ કરવામાં આવી રહી છે.
આ નિર્ણય ભારતના ટેક્સટાઇલ ક્ષેત્રમાં રોકાણકારોના વધતા વિશ્વાસને રેખાંકિત કરે છે અને પાત્ર અરજદારોને વધારાનો સમય આપીને વ્યાપક ભાગીદારીની સુવિધા આપવાનો હેતુ ધરાવે છે. એપ્લિકેશન પોર્ટલ https://pli.texmin.gov.in/ તારીખ 31.03.2026 સુધી ખુલ્લું રહેશે.
SM/DK/GP/JD
(रिलीज़ आईडी: 2210907)
आगंतुक पटल : 27