পেত্রোলিয়ম অমসুং নেচরেল গ্যাস মন্ত্রালয়
য়ুমথোংদা লৈরিবা কঞ্জ্যুমরশিংগীদমক দোমেস্তিক LPGগী মমলশিংদা অহোংবা লৈতে
ফ্যুএলদা চংবা শেনফমশিংদগী য়ুমথোং অমসুং ত্রান্সপোর্তকী অৱাবা কোকহন্নবা CNG অমসুং PNG মমলশিং হন্থহল্লে
কম্মর্সিএল LPG সিলিন্দরগী মমল অসিনা ইন্তর্নেস্নেল বেঞ্চমার্ককী মমল অদু উৎলি
प्रविष्टि तिथि:
01 JAN 2026 6:35PM by PIB Imphal
কম্মর্সিএল LPG সিলিন্দরগী মমল লুপা 111 হেনগৎখ্রে হায়না মেদিয়াগী শরুক খরদা পাউদম্লি। হীরম অসিগী মতাংদা, কম্মর্সিএল LPG সিলিন্দরশিংগী মমল অসি কৈথেলনা লেপ্পী অমসুং ইন্তরনেস্নেল বেঞ্চমার্কশিংগা মরী লৈনৈ হায়বসি পনবসু য়াই। মতুং ইন্না, কম্মর্সিএল LPGগী মমলদা শেমদোক-শাদোকপা অসিনা মালেমগী LPGগী মমল অমসুং মসিগা মরী লৈনবা মমলদা অহোংবা লাকই। দোমেস্তিক LPGগী মমলশিং অসি হোংদ্রি।
ভারতনা মসিগী LPGগী মথৌ তাবগী চাদা 60দি ইম্পোর্ত তৌই, অমসুং দোমেস্তিক LPGগী মমলশিং অসি ইন্তর্নেস্নেল প্রাইসশিংগা শম্নৈ, অমসুং সৌদি CPনা ইন্তর্নেস্নেল বেঞ্চমার্ক ওইনা মথৌ তৌই। জুলাই 2023দা মেত্রিক তন অমদা US$ 385দগী নবেম্বর 2025দা মেত্রিক তন অমদা US$ 466 ফাওবা চাদা 21গী চাংদা চাউরাক্না সাউদি CP হেনগৎলকপা মতমদা, চপ মান্নবা মতমগী মনুংদা দোমেস্তিক LPGগী মমল অসি 2023গী ওগস্ততা লুপা 1103দগী নবেম্বর 2025দা লুপা 853দা চাউরাক্না চাদা 22 হন্থখি।
দোমেস্তিক কঞ্জ্যুমরশিং ঙাকথোক্নবগীদমক চাউরাক্না লুপা 950 চংগদবা কে.জি. 14.2গী দোমেস্তিক LPG সিলিন্দর অমগী ইফেক্তিব প্রাইস অসি দিল্লীদা PMUY নত্তবা দোমেস্তিক কঞ্জ্যুমরশিংগীদমক লুপা 853 অমসুং PMUY গী বেনিফিসরীশিংগীদমক লুপা 553দা ফংলি। মসিনা PMUYগী কঞ্জ্যুমরশিংগীদমক ইফেক্তিব প্রাইস অসি 2023গী ওগস্ততা লুপা 903দগী 2025গী নবেম্বরদা লুপা 553দা চাদা 39 হন্থহনখি। মসিনা ক্লিন কুকিং ফ্যুএলগী তুং কোইনা শিজিন্নবা অসি য়েংশিন্নবা সরকারনা পুক্নিং চিংশিন্দুনা মতেং পাংলি হায়বা উৎলি। মসিদা মমলদা অহোংবা লৈত্রি।
2025-26কী শেনবা চহিগী ওইনা, PMUYগী কঞ্জ্যুমরশিংগীদমক চহি অমদা রীফিল 9 ফাওবগীদমক কেজি 14.2গী সিলিন্দর খুদিংদা লুপা 300গী তার্গেৎ তৌরবা সবসিদী মখা চত্থনবা সরকারনা অয়াবা পীখ্রে। মসিগীদমক লুপা করোর 12,000গী অয়াবা পীখ্রে। খোঙথাংশিং অসিনা সরকারনা য়ুমথোংশিংদা ক্লিন কুকিং ফ্যুএল ফংহন্নবা লেপ্তনা মীৎয়েং থম্লিবা অদু উৎলি।
মালেমগী ওইনা LPGগী মমল অসি 2024-25 ফাওবদা হেনগৎলকপা অমসুং হৌজিক ফাওবদা অৱাংবা থাক্তা লৈরি। মালেমগী মমল হোংলকপদগী লৈবাক অসিগী কঞ্জ্যুমরশিং ঙাকথোক্নবগীদমক্তা, অহেনবা মমল অসি লৈবাক অসিগী LPGগী মমলদা হেনগৎলকখিদে। মসিনা ওইল মার্কেতিং কম্পেনীশিং (OMC)না লুপা 40,000 মাংখি। মসি কোকহন্নবা অমসুং দোমেস্তিক LPGগী লেপ্পা লৈতনা সপ্লাই লৈহন্নবা, সরকারনা OMCশিংদা লুপা করোর 30,000গী কম্পেন্সেসন অয়াবা পীখ্রে।
মখাদা পীরিবা 1.11.2025দা লৈবা লৈবাক মনুংগী LPGগী মমলগা য়ুম্লোন্নরিবা লৈবাকশিংগা চাংদম্নবা অসিনা ভারতকী কঞ্জ্যুমরশিংগীদমক LPGগী মমল হোংবা অদু ময়েক শেংনা উৎখি।
|
লৈবাক
|
দোমেস্তিক LPG (লুপা/কিলোগ্রাম 14.2গী সিলিন্দর)
|
|
ভারত (দিল্লী)
|
553.00*
|
|
পাকিস্তান (লাহোর)
|
902.20
|
|
শ্রী লঙ্কা (কোলোম্বো)
|
1227.58
|
|
নেপাল (কাথমন্দু)
|
1205.72
|
সোর্স: পেত্রোলিয়ম প্লান্নিং অমসুং এনালাইসিস সেল (PPAC)
*দিল্লীদা লৈরিবা PMUY বেনিফিসরীশিংগী ইফেক্তিব কোস্ত, দিল্লীদা লৈরিবা নন-PMUY কঞ্জ্যুমরশিংগীদমক ইফেক্তিব কোস্ত অসি লুপা 853
মসিগী মথক্তা, অনৌবা চহি হৌরকপদা ক্লিন ফ্যুএল সেগমেন্তকী কঞ্জ্যুমরশিংগীদমক অফবা পাউ অমা লাকখি। কমপ্রেস তৌরবা নেচরেল গ্যাস (CNG) অমসুং পাইপলাইন নেচরেল গ্যাস (PNG) গী মমলশিং জনুৱারী 1দগী চৎনবা হৌদুনা খনগৎলবা শহরশিংদা হন্থখ্রে। মসিগী মনুংদা দিল্লী-NCRগী শরুক খরদা PNGগী মমল হন্থহনখিবা অমসুং গ্যাস দিস্ত্রিব্যুসন কম্পেনীশিংনা লাউথোকখিবা CNG অমসুং দোমেস্তিক PNGগী মমলদা লুপা 1 অমমম হন্থহনখিবা য়াওরি। পাইপলাইন তেরিফশিংদা হন্দক অহোংবা লাকপদগী হন্থরকপা অসি য়ুমথোং অমসুং গারী শীজিন্নরিবশিংদা মতেং পাংগনি অমসুং ক্লিনর ফ্যুএল শিজিন্নবা হেনগৎহনগনি হায়না পানরি।
কম্মর্সিএল LPGগী মমলগী মতাংদা, কম্মর্সিএল LPG সিলিন্দর শীজিন্নরিবশিংগী মশিং অসি লৈবাক অসিগী ওইনা LPG কঞ্জ্যুমর করোর 33 হেনবগী চাংগা য়েংনবদা চাউরাক্না লাখ 30 (পব্লিক সেক্তর কম্পেনীশিংগী কঞ্জ্যুমরশিং খক্তমক য়াওরি) ওইরি হায়বসি খঙজিনবা য়াম্না মরু ওই। কম্মর্সিএল LPG অসি মরুওইনা হোতেলশিং, রেস্তোরেন্তশিং অমসুং অতোপ্পা অচৌবা কম্মর্সিএল ইন্তর্প্রাইজশিংগুম্বা অচৌবা ইস্তাব্লিশমেন্তশিংনা শীজিন্নৈ, অদুগা দোমেস্তিক LPGনা লৈবাক শিনবা থুংনা য়ুমথোংশিংদা চাক-থোংবগী মথৌ তাবশিং ফংহল্লি। মরুওইনা, দোমেস্তিক LPG সিলিন্দরশিংগী মমলদা অহোংবা অমত্তা লৈখিদে। মসিনা গবর্নমেন্তনা য়ুমথোংগী কঞ্জ্যুমরশিংবু ঙাক-শেনবগীদমক লেপ্তনা হোৎনরি হায়বা উৎলি।
অপুনবা ওইনা, কম্মর্সিএল LPGগী মমলশিংনা ইন্তর্নেস্নেল মার্কেতকী ফীভমশিং উৎলি, গবর্নমেন্তনা দোমেস্তিক LPG কঞ্জ্যুমরশিংবু মালেমগী মমল হোংলকপদগী ঙাকথোক্নবা, মমল হোংবা ঙমহন্নবা অমসুং লৈবাক শীনবা থুংনা ক্লিন ককিং অমসুং ত্রান্সপোর্ত ফ্যুলশিং শিজিন্নবা হেনগৎহন্নবা লেপ্পা লৈতনা পান্দম থম্লবা খোঙথাংশিং লৌখৎলি।
***
(रिलीज़ आईडी: 2210769)
आगंतुक पटल : 12