രാമേശ്വരത്തെ പുണ്യഭൂമിയിൽ ഇന്ന് നടന്ന കാശി തമിഴ് സംഗമം 4.0 സമാപന സമ്മേളനത്തെ ഉപരാഷ്ട്രപതി ശ്രീ സി.പി. രാധാകൃഷ്ണൻ അഭിസംബോധന ചെയ്തു. ഇന്ത്യയുടെ കാലാതീതമായ ആത്മീയ- സാംസ്കാരിക ഐക്യത്തിൻ്റെ ജീവിക്കുന്ന അടയാളമായി ഈ സംരംഭത്തെ അദ്ദേഹം വിശേഷിപ്പിച്ചു.

കാശിയും തമിഴ്നാടും തമ്മിലുള്ള ശാശ്വതമായ ബന്ധത്തെ എടുത്തുകാണിച്ചുകൊണ്ട്, ഈ ബന്ധം കേവലം ചരിത്രപരമല്ലെന്നും, മറിച്ച് ആയിരക്കണക്കിന് വർഷങ്ങളായി ഭാരതത്തെ ഒന്നിപ്പിക്കുന്ന ആഴത്തിലുള്ള സാംസ്കാരികവും ആത്മീയവുമായ തുടർച്ചയാണെന്നും ഉപരാഷ്ട്രപതി പറഞ്ഞു. ഇത്തരത്തിലുള്ള  കൈമാറ്റങ്ങൾ ഇന്ത്യയുടെ പങ്കിട്ട പൈതൃകത്തെ വീണ്ടും ഉറപ്പിക്കുകയും ദേശീയ ഐക്യബോധം ആഴത്തിലാക്കുകയും ചെയ്യുന്നുണ്ടെന്ന് അദ്ദേഹം ചൂണ്ടിക്കാട്ടി.

മഹാകവി സുബ്രഹ്മണ്യ ഭാരതിയെ ഉദ്ധരിച്ചുകൊണ്ട്, കാശി-തമിഴ് സംഗമം ഏകീകൃതവും സംയോജിതവും ആത്മവിശ്വാസമുള്ളതുമായ ഇന്ത്യയെക്കുറിച്ചുള്ള കവിയുടെ ദർശനത്തെ പ്രതിഫലിപ്പിക്കുന്നുവെന്ന് ഉപരാഷ്ട്രപതി പറഞ്ഞു. പ്രധാനമന്ത്രി നരേന്ദ്ര മോദിയുടെ ദീർഘവീക്ഷണത്തോടെയുള്ള ദർശനത്തിലൂടെയും കേന്ദ്രീകൃത സംരംഭങ്ങളിലൂടെയും ഭാരതിയുടെ സ്വപ്നം സാക്ഷാത്കരിക്കപ്പെടുകയാണെന്നും അദ്ദേഹം കൂട്ടിച്ചേർത്തു.

പ്രധാനമന്ത്രിയുടെ ഏക ഭാരതം, ശ്രേഷ്ഠ ഭാരതം എന്ന ദർശനത്തെ ഊന്നിപ്പറഞ്ഞുകൊണ്ട്, കാശി-തമിഴ് സംഗമം പോലുള്ള സംരംഭങ്ങൾ സാംസ്കാരിക കൈമാറ്റം, പങ്കിട്ട പൈതൃകം, പരസ്പര ബഹുമാനം എന്നിവയിലൂടെ ദേശീയ ഐക്യത്തെ ശക്തിപ്പെടുത്തുമെന്ന് ഉപരാഷ്ട്രപതി പറഞ്ഞു. ഇത്തരം ശ്രമങ്ങൾ രാജ്യത്തെ വികസിത ഭാരതം എന്ന ലക്ഷ്യത്തിലേക്ക് സ്ഥിരമായി നയിക്കുന്നുണ്ടെന്നും അദ്ദേഹം കൂട്ടിച്ചേർത്തു.

തമിഴ്‌നാട് ഗവർണർ ശ്രീ ആർ.എൻ. രവി, കേന്ദ്ര വിദ്യാഭ്യാസ മന്ത്രി ശ്രീ ധർമ്മേന്ദ്ര പ്രധാൻ, കേന്ദ്ര വാർത്താ വിതരണ പ്രക്ഷേപണ, പാർലമെൻ്ററി കാര്യ സഹമന്ത്രി ശ്രീ എൽ. മുരുകൻ, ശ്രീ നൈനാർ നാഗേന്ദ്രൻ എം.എൽ.എ, ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജി മദ്രാസ് ഡയറക്ടർ പ്രൊഫ. വി. കാമകോടി എന്നിവർ ഉൾപ്പെടെയുള്ള വിശിഷ്ട വ്യക്തികൾ സമാപന ചടങ്ങിൽ പങ്കെടുത്തു.

****