প্রধান মন্ত্রী শ্রী নরেন্দ্র মোদীনা ঙসি ন্যু দিল্লীগী ভারত মন্দপমদা পাংথোকপা 'বীর বাল দিবস'কী জাতিগী থাক্কী থৌরমদা ৱা ঙাংখ্রে। থৌরম অদুদা ৱা ঙাংলদুনা প্রধান মন্ত্রীনা লৈবাক শীনবা থুংবদগী লাকপা মীথুংলেনশিংবু তরাম্না ওকখি অমসুং মহাক্না মফম অদুদা লৈরিবা অঙাংশিংদা ৱা ঙাংলদুনা মহাক্না হায়খি মদুদি ঙসি লৈবাক অসিনা বীর বাল দিবস পাংথোক্লি। মহাক্না বন্দে মাতরমগী ফজরবা প্রজেন্তেসন অদু পল্লদুনা মহাক্না হায়খি মদুদি পার্ফোমেন্স উৎলিবা মীওইশিংগী কত্থোকপা অমসুং হোৎনরিবশিং অদু ময়েক শেংনা উবা ফংই।

ঙসিগী নুমিৎ অসিদা, লৈবাক অসিনা ভারতকী চাউথোকচবা ওইরিবা অমসুং থোইদোক হেন্দোকপা থৌনা-লিংজেলগী মপুংওইবা মশক অমা ওইরিবা থৌনা লৈরবা সাহিবজাদেশিংবু নীংশিংলি হায়না পল্লদুনা শ্রী মোদীনা হায়খি মদুদি সাহিবজাদেশিং অসিনা চহি অমসুং থাক্কী ঙমখৈ লান্থোক্তুনা মখোয়না তমথিরবা মুগল সমারাজ্যগী মায়োক্তা চীংজাওগুম্না লেপতুনা রিলিজিয়স ফেনাতিসিজম অমসুং অকিবা পীরিবা অদু থেংনখি। প্রধান মন্ত্রীনা হায়খি মদুদি অসিগুম্বা শিংথানীংঙাই ওইরবা মমাংঙৈগী লৈবাক্কী নহা ওইরিবা মীরোলশিংনা অসিগুম্বা ইথিল পীবা লেগেসীশিং চেনবা ঙম্বগী মতিক লৈ।

শ্রী মোদীনা হায়খি মদুদি দিসেম্বর 26গী নুমিৎ লাকপা খুদিংদা, সরকারনা সাহিবজাদেগী থৌনাগী ইথিলদগী বীর বাল দিবস পাংথোকপা হৌরে হায়না মহাক্না থাজবা থম্লি। হৌখিবা চহি মরি অসিদা, অনৌবা চৎনবী অসিনা সাহিবজাদেগী ইথিলবু নহা ওইরিবা মীরোলশিংদা য়ৌহনখ্রে অমসুং থৌনা ফরবা অমসুং হৈথোই-শিংথোইরবা নহাশিং শেমগৎনবা প্লেৎফোর্ম অমা শেমখ্রে হায়না মহাক্না ফোংদোকখি। প্রধান মন্ত্রীনা হায়খি মদুদি চহি খুদিংগী লৈবাক অসিগীদমক তোঙান তোঙানবা লমশিংদা মশক থোকপা থবকশিং পাংথোক্লিবা অঙাংশিং অসি প্রধান মন্ত্রী রাস্ত্রিয় বাল পুরস্কার (PMRBP) পীদুনা ইকায় খুম্নবা উৎলি। চহি অসিদা লৈবাক অসিগী অঙাং 20না এৱার্দ অসি ফংখ্রে। মখোয়গা ৱারী শানখিবা অদুগী মতাংদা মহাক্না মখা তানা হায়খি মদুদি মখোয় খরনা অখন্নবা থৌনা উৎখি, খরনা সমাজগী সেবা অমসুং অকোয়বগী ফিভম ঙাকপদা শিংথানিংঙাই ওইবা থৌদাং লৌখি, খরনা সাইন্স অমসুং তেক্নোলোজীদা অনৌবা খোংথাং লৌখৎখি, অদুগা অতোপ্পশিংনা শান্ন-খোৎনৈ, আর্ত অমসুং কলচরদা থৌদাং লৌখি। শ্রী মোদীনা মনা ফংলবশিংদা হায়খি মদুদি মসিগী ইকাই খুম্নবা অসি মখোয় খক্তগী নত্তে, মখোয়গী হোৎনরিবশিং অদু শকখঙলিবা মখোয়গী মমা মপাশিং, ওজাশিং অমসুং মেন্তরশিংগীদমক্তসুনি। মহাক্না মনা ফংলবশিং অমসুং মখোয়গী ইমুং-মনুংগীদমক্তা অফবা তুংলমচৎ অমগীদমক য়াইফ-পাউজেল পীখি।

বীর বাল দিবস অসি ইথিল অমসুং ইকায় খুম্নবাগী নুমিৎনি হায়না পল্লদুনা শ্রী মোদীনা সাহিবজাদা অজিৎ সিংহজী, সাহিবজাদা জুঝার সিংহজী, সাহিবজাদা জোরাৱর সিংহজী অমসুং সাহিবজাদা ফতেহ সিংহজীবু নীংশিংখি। ভারতকী ফন্দামেন্তেল আইদিয়াশিং অমসুং রিলিজিয়স ফেনাতিজমগী মরক্তা, অচুম্বা অমসুং অরানবাগী মরক্তা, অমরোমদা 10শুবা গুরু শ্রী গুরু গোবিন্দ সিংহজীনা লুচিংদুনা অমসুং অতোপ্পা অমরোমদা ঔরঙ্গজেবকী তমথিরবা লৈঙাকলোনগী মরক্তা মখোয়গী লান অদু চত্থখি হায়না মহাক্না অকনবা ৱাফম থমখি। প্রধান মন্ত্রীনা পনখি মদুদি সাহিবজাদেশিং অসি য়াম্না নহা ওইজরবসু, ঔরঙ্গজেবনা ভারত মচাশিংগী মোরেল থুগাইনবা হোৎনখি, অমসুং মরম অসিনা মখোয়বু তার্গেৎ তৌখি। গুরু গোবিন্দ সিংহজী অসি মীচম অমত্তা নত্তে, মহাক্না তপস্যা অমসুং থৱায় কৎপগী মশক্নি হায়না ঔরঙ্গজেব অমসুং মহাক্কী কম্মান্দরশিংনা খল্লমদে অমসুং সাহিবজাদেশিংনা মসিগী লেগেসি অসি লৌশিনখি হায়না মহাক্না ফোংদোকখি। মহাক্না হায়খি মদুদি মুগল সমারাজ্য পুম্নমক্কী শক্তি লৈরবসু, সাহিবজাদে মরিগী মনুংদা অমত্তা হনবা লৈখিদে। প্রধান মন্ত্রীনা সাহিবজদা অজিৎ সিংহ জীগী ৱাহৈশিং নিংশিংখি, মদু মহাক্কী থৌনা-থৌজেলগী খোন্থাং ওইরি।

নুমিৎ খরনিগী মমাংদা লৈবাক অসিনা শ্রী গুরু তেগ বাহাদুরজীবু মহাক্কী 350শুবা শহিদ ওইবগী নুমিৎতা কুরুক্ষেত্রদা অখন্নবা থৌরম অমা পাংথোক্তুনা নিংশিংখি। শ্রী মোদীনা হায়খি মদুদি শ্রী গুরু তেগ বাহাদুরজীগী কত্থোকপদগী ইথিল লৌখিবা সাহিবজাদেনা মুগলগী থৌওংশিংদা অকিবা পোকলমগনি হায়না খনবা অসি অরানবা অমনি। প্রধান মন্ত্রীনা হায়খি মদুদি মাতা গুজরী, শ্রী গুরু গোবিন্দ সিংহজী অমসুং সাহিবজাদে মরিগী থৌনা অমসুং ৱাখল্লোন অসিনা ভারত মচা খুদিংদা শক্তি পীরি অমসুং ইথিলগী হৌরকফম অমা ওইরি। মহাক্না অকনবা ৱাফম থমখি মদুদি সাহিবজাদেগী কত্থোকপগী ৱারী অসি নাগরিক খুদিংমক্কী চিন্দা শোন্নগদবনি, অদুবু লাইবক থিবদি, নীংতম্বা ফংলবা মতুংদসু, লোইলমগী ৱাখল্লোন অসি লৈখি। মহাক্না পনখি মদুদি হায়রিবা ৱাখল্লোন অসি ইং 1835দা ব্রিতিশ পোলিতিসিয়ন মেকোলেনা মরু হুখিবনি অমসুং নীংতম্লবা মতুংদসু মুত্থৎপা ঙমখিদে, মসিনা মরম ওইদুনা অসিগুম্বা অচুম্বা ৱাফমশিংবু মুত্থৎনবা হোৎনবদা দিকেদ কয়া অমা চঙখি। শ্রী মোদীনা হায়খি মদুদি ভারতনা হৌজিক্তি লোইলমগী ৱাখল্লোনদগী মশাবু নীংতমহনখ্রে। মহাক্না হায়খি মদুদি ভারতকী কত্থোকপশিং অমসুং থৌনা অসি মখা তানা নমথবা ঙম্লোই অমসুং লৈবাক অসিগী অথৌবা অমসুং অথৌবীশিং অসি মখা তানা নাথৈদুনা থম্লোই। মসিনা মরম ওইদুনা বীর বাল দিবস অসি মপুং ফানা নিংশিংদুনা পাংথোক্লি হায়না মহাক্না ফোংদোকখি। মহাক্না মখা তাখি মদুদি সরকারনা মসিদা লেপখিদে। 2035দা মেকোলেগী ৱাখল্লোন অসিদগী চহি 200 মপুং ফারগনি অমসুং চহি 10 লৈরিঙৈদা, ভারতনা লোইলমগী ৱাখল্লোনদগী মপুং ফানা নীংতম্বা উৎলগনি। প্রধান মন্ত্রীনা অকনবা ৱাফম থমখি মদুদি লৈবাক অসিনা ৱাখল্লোন অসিদগী লাপ্না লৈরবা মতুংদা, মসিনা লমদমসিগী চৎনবীশিংদা অহেনবা চাউথোকচবা পোক্কনি অমসুং আত্মনির্ভর ওইবগী লম্বীদা মখা তানা খুমাং চাউশিল্লগনি।

প্রধান মন্ত্রীনা হায়খি মদুদি লৈবাক অসিবু লোইলমগী ৱাখল্লোন লৌথোক্নবা কেম্পেন অসি হন্দক্তা পার্লিয়ামেন্ততা উবা ফংখি। পার্লিয়ামেন্তকী মীহুৎশিংনা হিন্দী অমসুং ইংলিস নত্তনা ভারতকী লোলশিংদা ৱারোল 160 রোম পীখি। মহাক্না ফোংদোকখি মদুদি ৱা ঙাংবদা তামিলদা চাউরাক্না 50, মরাথীদা 40 হেন্না অমসুং বঙ্গলাদা চাউরাক্না 25 য়াওখি। মালেমগী পার্লিয়ামেন্তদা মসি য়াম্না তাঙনা উবা ফংই অমসুং মসি মীপুম খুদিংমক্কী চাউথোকচনীংঙাইনি। ভারতকী লোলগী মখল-মখা কয়াবু মুত্থৎনবা মেকোলেনা হোৎনখি অদুবু হৌজিক্তি লৈবাক অসিনা লোইলমগী ৱাখল্লোনদগী লাপথোক্লকপগা লোয়ননা লিংগ্যুস্তিক দাইভর্সিতী অসি মপাঙ্গল অমা ওইরক্লি হায়না মহাক্না অকনবা ৱাফম থমখি।

য়ুবা ভারত ওর্গনাইজেসনদগী থৌরম অদুদা শরুক য়াখিবা নহাশিং অদুদা ৱা ঙাংলদুনা শ্রী মোদীনা হায়খি মদুদি মখোয় অসি জেনরেসন Z অমসুং জেনরেসন অল্ফাগী মীহুৎশিংনি। অমসুং মখোয়গী জেনরেসন অসিনা ভারতপু চাউখৎলবা লৈবাক অমা ওইহন্নবা পান্দমগী মাইকৈদা পুরগনি। মহাক্না হায়খি মদুদি মহাক্না মখোয়গী হৈশিংবা অমসুং থাজবা অদু উখি অমসুং খঙখি, অমসুং মরম অদুনা মখোয়দা চাউনা থাজবা থমখি। শ্রী মোদীনা ৱাঙাং অদু পল্লদুনা হায়খি মদুদি করিগুম্বা অঙাং অমনা হৈ-শিংনা ৱা ঙাংলবসু, মদু লৌশিনবা তাই। মসিনা তাকপদি, মগুন অসি চহিগী মতুং ইন্না নত্তে অদুবু থবক অমসুং মায় পাকপগী মতুং ইন্না তাকপী। মহাক্না হায়খি মদুদি নহাশিংনা অতোপ্পশিংদা ইথিল পীবা থবকশিং পাংথোকপা ঙম্মী, অমসুং কয়া অমনা মসি উৎখ্রে। অদুম ওইনমক, মহাক্না অকনবা ৱাফম থমখি মদুদি মসিগী মাইপাকপশিং অসি অহৌবা অমা খক্তং ওইনা উবা তাই, মরমদি হেন্না চৎকদবা কয়া লৈরি, অমসুং মঙলানশিং অসি অতিয়া পাক্না পুখৎকদবনি। ঙসিগী জেনরেসন অসি লাইবক ফবনি হায়না পল্লদুনা শ্রী মোদীনা হায়খি মদুদি মমাংগী মতমশিংগা মান্নদবা মওংদা ঙসিদি লৈবাক অসিনা মখোয়গী হৈশিংবশিংগা লোয়ননা লেপ্লি। মতম অদুদা নহাশিংনা নীংহন্নবগী অকোয়বগী ফিভমনা মরম ওইদুনা মঙলান শাগৎপদা অকিবা পোকখি। ঙসিদি লৈবাক অসিনা হৈশিংবা থিরি, প্লেৎফোর্মশিং ফংহল্লি, অমসুং নাগরিক করোর 140গী শক্তিশিং মখোয়গী এস্পিরেসনশিংগা লোয়ননা পুনশিল্লি হায়না মহাক্না ফোংদোকখি। মহাক্না হায়খি মদুদি দিজিতেল ইন্দিয়াগী মায় পাকপগা লোয়ননা নহারোলশিংনা ইন্তর্নেৎকী শক্তি অমসুং মহৈ তম্বগী রিসোর্সশিং লৈরে। সাইন্স, তেক্নোলোজী অমসুং এন্ত্রিপ্রেন্যুওরশিপকীদমক স্তার্তঅপ ইন্দিয়া, অমসুং শান্ন-খোৎনবদা খুমাং চাউশিল্লিবা মীওইশিংগীদমক খেলো ইন্দিয়াগুম্বা মিসনশিং লৈরি। নুমিৎ নিনিগী মমাংদা মহাক্না সনসদ খেল মহোৎসবতা শরুক য়াখিবগী ৱাফম মহাক্না পনখি। মহাক্না হায়খি মদুদি নহারোলশিংগী খোংজেলদা মতেং পাংনবা প্লেৎফোর্ম কয়া অমা লৈরি। প্রধান মন্ত্রীনা মখোয়দা মীৎয়েং চঙদুনা লৈনবা হায়খি অমদি থুনা মীংচৎ ফংনবা অরং-অরাক্কী লাংদা থুদনবা হায়খি। ৱাখল্লোন অমসুং প্রিন্সিপলশিং ময়েক শেংবা অসি তঙাইফদে হায়না মহাক্না ফোংদোকখি। মহাক্না মখোয়দা লৈবাক অসিগী ৱাখল্লোনশিং অমসুং অচৌবা মীওইশিংদগী তমজবা অমসুং মখোয়গী মাইপাকপা অসি মখোয় মশাগীদমক্তা অকক্নবা ওইহন্দনবা অমসুং লৈবাক অসিগী মাইপাকপা ওইহন্নবা হায়খি।

প্রধান মন্ত্রীনা হায়খি মদুদি অনৌবা পোলিসীশিং অসি নহারোলশিংবু মপাঙ্গল কনখৎহনবদা মীৎয়েং থমদুনা শেমগৎলি। মসিনা নহারোলশিংবু লৈবাক শেমগৎপগী ময়াইদা থম্লি। মহাক্না হায়খি মদুদি মেরা য়ুবা ভারতগুম্বা প্লেৎফোর্মশিংগী খুত্থাংদা নহাশিংবু শম্ননবা, মখোয়দা খুদোংচাবা পীবা অমসুং লুচিংবগী হৈশিংবা শেমগৎনবা হোৎনরি। স্পেস ইকোনোমীদা খুমাং চাউশিলহনবা, স্পোর্তস প্রমোৎ তৌবা, ফিনতেক অমসুং মেন্যুফেকচরিং সেক্তরশিং পাকথোক চাউথোকহনবা, নৎত্রগা স্কিল দিবেলপমেন্ত অমসুং ইন্তর্নশিপকী খুদোংচাবশিং শেমগৎপা ওইরবসু, নহারোলশিং অসি খোঙথাং খুদিংগী ময়াইদা লৈ হায়না শ্রী মোদীনা অকনবা ৱাফম থমখি। সেক্তর খুদিংমক্তা নহারোলশিংগীদমক অনৌবা খুদোংচাবশিং হাংলি হায়না মহাক্না মখা তানা ফোংদোকখি।

ঙসি ভারত অসি মালেমগী খ্বাইদগী নহা ওইরিবা লৈবাকশিংগী মরক্তা অমা ওইরিবা, মমাংদা অমুক্তা ওইখিদ্রিবা ফিভমশিং থেংনরি হায়না পল্লদুনা শ্রী মোদীনা হায়খি মদুদি লাক্কদৌরিবা চহি 25 অসিনা লৈবাক অসিগী মায়কৈ তাক্কনি। নীংখা তম্বগী মতুংদগী অহানবা ওইনা, ভারতকী তৌবা ঙম্বশিং, অপাম্বা অমসুং মালেমগী অপাম্বা অসি অমত্তা ওইরক্লি। ঙসিগী নহাশিং অসি মমাংদগী হেন্না খুদোংচাবশিং ফংলিবা মতম অসিদা চাউখৎলি অমসুং মখোয়গী হৈশিংবা, থাজবা অমসুং লুচিংবা ওইবগী খুদোংচাবশিং ফংহন্নবা সরকারনা হেন্না ফবা খুদোংচাবশিং পীনবা ৱাশক্লি হায়না মহাক্না ফোংদোকখি।

নহারোলশিংদা ৱা ঙাংলদুনা প্রধান মন্ত্রীনা হায়খি মদুদি এজুকেসন পোলিসীদা মরুওইবা রিফোর্মশিংগী খুত্থাংদা চাউখৎলবা ভারত অমগী মপাঙ্গল কনবা য়ুম্ফম থোল্লে। অনৌবা নেস্নেল এজুকেসন পোলিসী অসিনা 21শুবা চহিচাগী মোদর্ন লর্নিং মেথদশিংদা মীৎয়েং থম্লি, প্রেক্তিকেল লর্নিংদা মীৎয়েং থম্লি, অঙাংশিংবু নীংশিংবগী মহুত্তা ৱাখল খনবা পুক্নিং থৌগৎলি, ৱাহং হংবগী থৌনা পোকহল্লি অমসুং প্রোব্লেম সোলবিং স্কিলশিং শেমগৎলি হায়না মহাক্না ফোংদোকখি। শ্রী মোদীনা হায়খি মদুদি অহানবা ওইনা, মসিগী মায়কৈ অসিদা মল্তিদিসিপ্লিনরী স্তদীজ, স্কিল-বেজ লর্নিং, স্পোর্তস প্রমোসন, অমসুং তেক্নোলোজী শিজিন্নদুনা মহৈরোইশিংদা কান্নবা পীরকপা অসিগা লোয়ননা আর্থ লৈরবা থবকশিং পায়খৎলি। প্রধান মন্ত্রীনা হায়খি মদুদি লৈবাক শীনবা থুংনা, অঙাং মিলিয়ন কয়ানা অতল তিঙ্করিং লেবশিংগী খুত্থাংদা ইন্নোবেসন অমসুং রিসর্চতা শরুক য়ারি। স্কুলগী থাক ফাওবদা, মহৈরোইশিং রোবোতিক্স, AI, সস্তেনেবিলিতী, অমসুং দিজাইন থিঙ্কিংদা শরুক য়াহল্লি। মহাক্না মখা তারদুনা হায়খি মদুদি মসিগী হোৎনবা অসিগা লোয়ননা, নেস্নেল এজুকেসন পোলিসীনা মমাগী লোলদা মহৈ তম্বগী ওপ্সন পীরি, মসিনা তম্বদা লাইথোকহল্লি অমসুং অঙাংশিংদা সবজেক্তশিংবু হেন্না ফজনা খঙহনবদা মতেং পাংই।

প্রধান মন্ত্রীনা হায়খি মদুদি থৌনা ফরবা সাহিবজাদেশিংনা লম্বী অদু কয়া য়াম্না অৱাবা ওইবগে হায়বদু য়েংখিদে, অদুবু লম্বী অদু অচুম্বরা নৎত্রগা অরানবরা হায়বদু য়েংখি অমসুং ঙসিদি চপ মান্নবা ৱাখল্লোন অদু মথৌ তাই হায়না মহাক্না ফোংদোকখি। মহাক্না ভারতকী নহারোলশিংদগী চাউনা মঙলান উবা, কন্না হোৎনবা অমসুং মখোয়গী থাজবা হন্থহন্দনবা অপাম্বা ফোংদোকখি। শ্রী মোদীনা হায়খি মদুদি ভারতকী তুংলমচৎ অসি মসিগী অঙাংশিং অমসুং নহাশিংগী তুংলমচৎকী খুত্থাংদা মঙাল ফংগনি। মখোয়গী থৌনা, হৈশিংবা অমসুং পুক্নিং চিংশিনবা অসিনা লৈবাক্কী চাউখৎপগী লমজিং লমতাক্কনি। থাজবা, থৌদাং অমসুং লেপ্তনা খোঙজং চংশিল্লগা, ভারতনা মাগী তুংলমচৎকী মায়কৈদা মাংলোমদা চংশিল্লগনি হায়না প্রধান মন্ত্রীনা ফোংদোকখি। মহাক্না অমুক্কা হন্না সাহিবজাদেশিংদা ইকায় খুম্নবা উৎখি অমসুং মনা ফংলবা নহারোল পুম্নমকপু থাগৎপা ফোংদোকখি।

থৌরম অদুদা কেন্দ্রগী মন্ত্রী শ্রীমতি অন্নপূর্না দেবী, শ্রীমতি সাবিত্রি থাকুর, শ্রী রবনীত সিংহ, শ্রী হর্শ মালহোত্রা অমসুং অতোপ্পা মকোক থোংবা মীওইশিংসু শরুক য়াখি।

বেকগ্রাউন্দ

বীর বাল দিবস পালন তৌনবা ভারত সরকারনা সাহিবজাদকী অখন্নবা থৌনা অমসুং থৱায় কৎপগী মতাংদা নাগরিকশিংদা খঙহন্নবা অমসুং এজুকেৎ তৌনবা অমসুং ভারতকী পুৱারীগী নহা ওইরিবা অথৌবশিংগী থৌনা, কত্থোকপা অমসুং থৌনা-লিংজেল অদু ইকায় খুম্নবা উৎনবা অমসুং নীংশিংনবা পান্দমগা লোয়ননা লৈবাক শীনবা থুংনা শরুক য়াবা প্রোগ্রামশিং পাংথোক্লি। থৌরমশিং অসিদা ৱারী শানবগী সেসনশিং, রিসাইতেসনশিং, পোস্তর শেম্বগী অমসুং এসে-রাইতিং কম্পিতিসনশিং য়াওগনি। স্কুলশিং, চাইল্দ কেয়র ইন্সতিত্যুসনশিং, অঙ্গনৱাদি সেন্তরশিং অমসুং অতোপ্পা এজুকেস্নেল প্লেৎফোর্মশিংদা অমসুং মাইগোভ অমসুং মাইভারত পোর্তেলশিংদা ওনলাইন এক্তিবিতীশিংগী খুত্থাংদা মখোয়শিং অসি পাংথোক্কনি।

2022গী জনুৱারী 9দা শ্রী গুরু গোবিন্দ সিংহজীগী প্রকাস পুরবকী থৌরমদা প্রধান মন্ত্রীনা শ্রী গুরু গোবিন্দ সিংহজীগী মচানুপাশিং সাহিবজদাস বাবা জোরাওর সিংহজী অমসুং বাবা ফতেহ সিংহজীগী শহিদ ওইবগী নীংশিংনবা দিসেম্বর 26 অসি 'বীর বাল দিবস' ওইনা পাংথোক্কনি হায়না লাউথোকখি।

প্রধান মন্ত্রী রাস্ত্রিয় বাল পুরস্কার (PMRBP)গী এৱার্দীশিংনসু থৌরম অদুদা শরুক য়াখি।

Addressing a programme on Veer Baal Diwas. We remember the exemplary courage and sacrifice of the Sahibzades.
https://t.co/kQPb0RmaIj

— Narendra Modi (@narendramodi) December 26, 2025

Today, we remember the brave Sahibzades, the pride of our nation. They embody India's indomitable courage and the highest ideals of valour. pic.twitter.com/gOoSf5FQlE

— PMO India (@PMOIndia) December 26, 2025

The courage and ideals of Mata Gujri Ji, Sri Guru Gobind Singh Ji and the four Sahibzades continue to give strength to every Indian. pic.twitter.com/9mwfF0VL00

— PMO India (@PMOIndia) December 26, 2025

India has resolved to break free from the colonial mindset once and for all. pic.twitter.com/9l6Dt3F0XI

— PMO India (@PMOIndia) December 26, 2025

As India frees itself from the colonial mindset, its linguistic diversity is emerging as a source of strength. pic.twitter.com/6TA3P9JzA9

— PMO India (@PMOIndia) December 26, 2025

Gen Z… Gen Alpha… will lead India to the goal of a Viksit Bharat. pic.twitter.com/XzwUt2nvtt

— PMO India (@PMOIndia) December 26, 2025

***