পেত্রোলিয়ম অমসুং নেচরেল গ্যাস মন্ত্রালয় অসিনা থাউ অমসুং নেচরেল গ্যাস, রিফাইনিং, দিস্ত্রিব্যুসন অমসুং পেত্রোলিয়ম প্রদক্তশিং মার্কেতিং তৌবা, ইম্পোর্ত, এক্সপোর্ত অমসুং কঞ্জর্বেসন তৌবগী থৌদাং লৌই। থাউ অমসুং গ্যাস অসি ভারতকী য়াম্না খোংজেল য়াঙনা চাউখৎলক্লিবা শেন্মিৎলোনগীদমক মরুওইবা ইনপুত অমা ওইরি। চহি ২০২৫গী মনুংদা, মিনিস্ত্রীনা মরাং কায়না ইনর্জী ফংহন্নবা, দোমেস্তিক প্রদক্সন হেনগৎহন্নবা, ইনফ্রাস্ত্রকচর মপাঙ্গল কনখৎহন্নবা, ক্লিনর ফ্যুল প্রমোৎ তৌনবা অমসুং নেস্নেল ইনর্জী সেক্যুরিতী মপাঙ্গল কনখৎহন্নবা মপুং ফাবা অমসুং মায়কৈ লোংবা খোঙথাং অমা পায়খৎখি। ইনিসিএতিবশিং অসি ইনর্জী ফংবা, ইনর্জী ইফিসিএন্সী, ইনর্জী তুংকোইনা চৎপা অমসুং ইনর্জী সিক্যুরিতীগী ওভরআর্কিং নেস্নেল প্রাইওরিতিশিংগা তুননা চৎলি।

ক্লিন কুকিং ফ্যুলদা য়ুনিভর্সেল এক্সেস লৈহনবা অসি মরুওইবা প্রাইওরিতি অমা ওইরি। প্রধান মন্ত্রী উজ্জ্বলা য়োজনাগী মখাদা কান্নবা ফংলবশিংগী মশিং অসি ২০২৫গী দিসেম্বর ১ ফাওবদা চাউরাক্না করোর ১০.৩৫ য়ৌরে। লোইশিন্দবা এপ্লিকেসনশিং লোইশিন্নবা অমসুং এল.পি.জি. ফংবগী চাং হেনগৎহন্নবা সরকারনা ২০২৫-২৬ শেনবা চহিগী মনুংদা অহেনবা এল.পি.জি. কনেক্সন লাখ ২৫ রিলিজ তৌনবা অয়াবা পীখ্রে। ইলিজিবিলিতি প্রোসেস অসি মমাংগী মল্টি-পোইন্ট সেল্ফ-দিক্লেরেসন সিষ্টেমগী মহুৎ শিন্দুনা সিঙ্গল দিপ্রাইভেসন দিক্লারেসন অমা হৌদোক্তুনা সিম্প্লিফাই তৌখি, মসিনা এক্সেস অসি হেন্না থুহল্লি অমসুং হেন্না ইনক্লুসিব ওইহল্লী।

পি.এম.য়ু.ৱাই.গী কান্নবা ফংলবা মীওইশিংগীদমক চহি অমদা রিফিল তৌবগীদমক কেজি 14.2গী সিলিন্দর অমদা লুপা 300 গী পান্দম থমদুনা সবসিদী পীদুনা এল.পি.জি. ইন্তরভেন্সন অসিনা এল.পি.জি. কঞ্জুম্পসন লেপ্তনা হেনগৎহনখি। মী অমনা চাংচত্তা শিজিন্নবগী চাং অসি ২০১৯-২০দা রিফিল অহুমদগী ২০২৪-২৫দা রিফিল ৪.৪৭দা হেনগৎখি অমসুং ২০২৫-২৬ ফাওবদা চহি অমদা রিফিল ৪.৮৫গী চাংদা হেনগৎখি। মসিনা ক্লিন কুকিং ফ্যুল লেপ্পা লৈতনা শিজিন্নবগী মওং উৎলি।

সবসিদীগী তার্গেতিং অমসুং ত্রান্সপরেন্সী ফগৎহন্নবা, বাইওমেট্রিক আধার ওথেন্টিকেসনগী থবকশিং পায়খৎপা থুগৎহল্লে। ২০২৫গী দিসেম্বর ১ ফাওবদা, বাইওমেত্রিক ওথেন্তিকেসননা পি.এম.য়ু.ৱাই.গী কঞ্জ্যুমরশিংগী চাদা ৭১ অমসুং নন-পি.এম.য়ু.ৱাই.গী কঞ্জ্যুমরশিংগী চাদা ৬২ কোনশিনখি। কঞ্জ্যুমরশিংনা অচম্বা মোবাইলদা য়ুম্ফম ওইবা প্রোসেসকী খুত্থাংদা ওথেন্টিকেসন তৌনবগীদমক নবেম্বর ২০২৫দা অখন্নবা লৈবাক শীনবা থুংনা দ্রাইব অমা হৌদোকখি।

লৈবাক শিনবা থুংনা বেসিক সেফতী চেক কেম্পেনগী খুত্থাংদা কঞ্জুমর সেফতী মপাঙ্গল কনখৎহনখি। কস্তমরগী মফমশিংদা ফ্রী সেফতী ইন্সপেক্সন করোর ১২.১২ হেন্না পাংথোকখি অমসুং এল.পি.জি.গী হোস করোর ৪.৬৫ হেন্না দিসকাউন্ত তৌরবা মমলদা শিন্দোকখি। মসিনা দোমেস্তিক এল.পি.জি. শীজিন্নবদা ভাপ তাবগী চাং হেনগৎলি।

মন্ত্রালয় অসিনা পেত্রোলিয়ম মার্কেতিং ইনফ্রাস্ত্রকচর মপাঙ্গল কনখৎহনবদা মীৎয়েং থমখি। রিতেল আউৎলেৎ ৯০,০০০ হেনবদা দিজিতেল পেমেন্ত ফেসিলিতীশিং ফংহনখ্রে। মসিগীদমক পি.ও.এস. তর্মিনেল লাখ ২.৭১ হেনবনা মতেং পীরি। য়ুম্থোং য়ুম্থোংদা পীবা দেলিভরী সর্ভিসশিং অসি অথাপ্পা মফমশিংদা এক্সেসিবিলিতি ফগৎহন্দুনা, বাউসর ৩২০০ হেন্না কম্মিসন তৌদুনা পাকথোক চাউথোকহনখি। স্বচ্ছ ভারত মিসনগী মখাদা, রিতেল আউৎলেৎ খুদিংমক্তা তোইলেৎকী খুদোংচাবশিং ফংহনখি। মশিং য়াম্লবা মফমশিংদা নুপা অমসুং নুপীগীদমক তোঙানবা খুদোংচাবশিং ফংহনখি।

চহি অসিদা ইলেক্ত্রিক মোবিলিতী ইনফ্রাস্ত্রকচর অসি য়াম্না খোংজেল য়াঙনা চাউখৎখি। FAME-II স্কিমগী মখাদা, ইভি চার্জিং স্তেসন ৮৯৩২ রিতেল আউৎলেৎশিংদা ইন্সতোল তৌখি, অদুগা ওইল মার্কেতিং কম্পেনীশিংনা মখোয় মশাগী রিসোর্সশিংদগী চার্জিং স্তেসন ১৮৫০০ হেন্না শেমখি। অপ্না ঘর ইনিসিয়েতিবনা লম্বীগী খুদোংচাবশিং ফংহন্দুনা ত্রাকর ৫০০ হেন্না শেমগৎতুনা, লম্বীগী সেফতী ফগৎহন্দুনা অমসুং খুঙ্গংগী থবক ফংহন্দুনা খুমাং চাউশিলহল্লি।

পব্লিক সেক্তর ওইল মার্কেতিং কম্পেনীশিংনা মরুওইবা কোরিদোরশিং অমসুং অতোপ্পা কান্নগদবা মফমশিংদা ২০২৪-২৫দগী ২০২৮-২৯ ফাওবদা ইনর্জী স্তেসন ৪,০০০ লিংখৎলে। হায়রিবা স্তেসনশিং অসি বাইওফ্যুলশিং, সি.এন.জি., এল.এন.জি. (কান্নগদবা মফমদা) অমসুং ইলেক্ত্রিক ভেহিকল চার্জিং ফেসিলিতীশিং য়াওনা অতোপ্পা ফ্যুলশিংগা লোয়ননা পেট্রোল অমসুং দিজলগুম্বা কনভেন্সনেল ফ্যুলশিং পীবা ইন্তিগ্রেতেদ মোবিলিতী হবশিং ওইনা শেমগৎলি। ২০২৫গী নবেম্বর ১ ফাওবদা লৈবাক শীনবা থুংনা ইনর্জী স্তেসন ১০৬৪ লিংখৎখ্রে।

গ্যাসতা য়ুম্ফম ওইবা শেন্মিৎলোন পাকথোক চাউথোকহনবদা চাউনা খুমাং চাওশিল্লি। লৈবাক অসিদা ওপরেস্নেল নেচরেল গ্যাস পাইপলাইনশিংগী অশাংবা অসি ২০১৪দা কিলোমিতর ১৫,৩৪০ ওইরম্বদগী জুন ২০২৫ ফাওবদা কিলোমিতর ২৫,৪২৯দা হেনগৎখ্রে। অতোপ্পা কিলোমিতর ১০,৪৫৯গী থবক পায়খৎলি। পি.এন.জি.আর.বি. অমসুং ভারত সরকারনা অয়াবা পীরবা পাইপলাইনশিং অসি লোইশিনবনা মপুং ফানা কনেক্তেদ নেস্নেল গ্যাস গ্রিদ অমা ওইহল্লগনি। মসিনা লমদম শিনবা থুংনা নেচরেল গ্যাস পাক-শন্না ফংহল্লগনি অমসুং তংদু লৈতাবা ইকোনোমিক অমসুং সোসিএল দিবেলপমেন্ততা মতেং ওইরগনি।

গ্যাস পুথোক পুশিন তৌবগী অচঙবা মমলদা রিজনেল দিসপারিতীশিং কোকহন্নবা, পেত্রোলিয়ম অমসুং নেচরেল গ্যাস রেগুলেতরী বোর্দনা 'লৈবাক অমা, গ্রিদ অমা, তারিফ অমা'গী মিসনগী মখাদা য়ুনিফাইদ পাইপলাইন তারিফ রিজিম অমা চৎনহনখ্রে। ২০২৩গী এপ্রিল ১দগী হৌদুনা, সিস্তেম অসিনা নেস্নেল গ্যাস গ্রিদতা ত্রান্সপোর্তেসন চার্জশিং স্তেন্দর্দাইজ তৌদুনা, মমাংগী অরাপ্পদা য়ুম্ফম ওইবা তরিফ স্ত্রকচরগী মহুৎ শিনখি। হৌজিক্কী ওইনা, ওপরেস্নেল পাইপলাইনশিংগী চাদা ৯০ রোমদি য়ুনিফাইদ তারিফ রেজিমগী মখাদা কোনশিল্লি, মসিনা মহৌশাগী গ্যাসকী মমল হোংহল্লি অমসুং অথোই অহেন তান্নবা হেনগৎহল্লি।

সিতী গ্যাস দিস্ত্রিব্যুসনগী চাং অসি জিওগ্রাফিক এরিয়া ৩০৭ দা পাকথোক চাউথোকহনখ্রে। সেপ্তেম্বর, ২০২৫ ফাওবদা পি.এন.জি.গী দোমেস্তিক কনেক্তিবিতী অসি চাউরাক্না কোতি ১.৫৭ য়ৌখি অমসুং সি.এন.জি. দোমেস্তিক গ্যাস এলোকেসনগী শেমদোক্লবা গাইদলাইনশিংনা তশেংবা কঞ্জুম্পসন পেত্তর্নশিংগা হেন্না চান্নহল্লি অমসুং কঞ্জ্যুমরশিংবু মমলদা অহোংবা লাকপদা অৱাবা পীহন্দে।

SATAT থৌরাংগী মখাদা, ২০২৫গী নবেম্বর ১ ফাওবদা, কম্প্রেস তৌরবা বাইও গ্যাস প্লান্ত ১৩০ হেন্না কম্মিসন তৌখ্রে অমসুং অতোপ্পা কয়া অমসু শাগৎলি। সি.এন.জি. অমসুং পি.এন.জি. সেগমেন্তশিংদা সি.বি.জি.গীদমক্তা তোঙ্গাইফদনা য়ানশিন্নবা অসি ফাইনান্সিএল এসিস্তেন্সকী মতেংগা লোয়ননা পাইপলাইন কনেক্তিবিতী অমসুং বাইওমাস এগ্রিগেসনগীদমক শেনবা চহি ২০২৫-২৬দগী হৌরগনি।

চহি অসিদা বাইওফ্যুলশিংনা অচৌবা মাই পাকপা কয়া উবা ফংখি। ইথানোলবু পেট্রোলদা য়ানশিনবা অসিনা ESY ২০২৪-২৫দা চাংচত্তা চাদা ১৯.২৪ য়ৌখি। মসিনা পুন্না ফোরেন এক্সচেঞ্জ সেভিংস লুপা কোতি লাখ ১.৫৫ হেনখ্রে অমসুং কার্বোন থাদোকপা হন্থহনখ্রে। প্রধান মন্ত্রী জি.আই.-ভান য়োজনাগী মখাদা অৱাংবা থাক্কী বাইওফ্যুলশিং প্রমোৎ তৌখি। পানীপথ অমসুং নুমালিগরদা ওপরেস্নেল সেকেন্দ জেনরেসন ইথানোল প্লান্তশিং অসি মরুওইবা মাইলস্তোনশিং ওইখি।

চহি অসিগী মনুংদা সস্তেনেবল এভিএসন ফ্যুলগী খোঙথাংশিং খুমাং চাউশিল্লদুনা সরকারনা ২০২৭, ২০২৮ অমসুং ২০৩০ ফাওবদা ইন্তরনেস্নেল ফ্লাইতশিংদা এভিএসন তুর্বাইন ফ্যুলদা এস.এ.এফ.গী মিক্সিংগী পান্দম ১, ২% অমসুং ৫% লেপখি। রোদমেপ অসিগী মতুং ইন্না, ইন্দিয়ন ওল কোরপোরেসন লিমিতেদ অসি মসিগী পানিপৎ রিফাইনরীদা এস.এ.এফ. পুথোকপগীদমক আই.এস.সি.সি. কোর্সিয়া সর্টিফিকেসন ফংখিবা অহানবা ভারতকী কম্পেনী ওইখি। মসিগী মতুংদা এস.এ.এফ. সপ্লাইগীদমক আই.ও.সি.এল. অমসুং এয়র ইন্দিয়াগী মরক্তা এম.ও.য়ু. অমা খুৎয়েক পীনখি। মসিদা পোৎ-চৈ পুথোকপগী ভোল্যুম হেনগৎলকপা অমসুং ফীদস্তোক্কী পোৎলমশিং মখল-মখা কয়া থোকহনবনা চহি অসিদা বাইওদিজেল মিক্স তৌবগী চাংসু হেনগৎলকখি। মসিনা ক্লিনর ওইবা ত্রান্সপোর্ত ফ্যুলগী মায়কৈদা অহোংবা পুরকপদা মতেং পাংখি।

ওইল ফিল্দস (রেগুলেসন অমসুং দিবেলপমেন্ত) এমেন্দমেন্ত এক্ত, ২০২৫ চৎনহনখিবগা লোয়ননা অমসুং পেত্রোলিয়ম অমসুং নেচরেল গ্যাস রুলস, ২০২৫গী নোতিফিকেসনগা লোয়ননা অপস্ত্রিম সেক্তরদা মরুওইবা রিফোর্মশিং পাংথোকখি। হায়দ্রোকার্বন এক্সপ্লোরেশন লাইসেন্সিং পোলিসীগী মখাদা, চাউরাক্না দোল্লর বিল্লিয়ন ৪.৩৬গী কম্মিত্তেদ ইনভেস্তমেন্ত লাকহন্দুনা স্ক্বার কিলোমিতর লাক্ষ 3.78 হেন্না কোনশিনবা ব্লোক ১৭২ পীখি। সিসমিক সর্ভে, দ্রাইভিং প্রোগ্রামশিং অমসুং মিসন অন্বেশনগুম্বা সরকারনা শেল থাদবা ইনিসিয়েতিবশিংগী খুত্থাংদা এক্সপ্লোরেসন এক্তিবিতী হেঙ্গৎলকখি।

স্ত্রেতেজিক পেট্রোলিয়ম রিজর্বশিং অসি নৌথোকহল্লবা ইন্তরনেস্নেল পার্তনরশিপশিং অমসুং ফেজ-II ফেসিলিতীশিংগী মখাদা খুমাং চাউশিলহন্দুনা মপাঙ্গল কনখৎহনখি। ভারতকী ওইল অমসুং গ্যাস পি.এস.য়ু.শিংনা মপান লৈবাক্তগী থাদরকপা ইনভেস্তমেন্তশিংনা সপ্লাই সোর্সশিং দাইভর্সিফাই তৌদুনা ইনর্জী সেক্যুরিতীদা মতেং পাংখি।

তুংকোইনা চৎনগদবা পোলিসী রিফোর্মশিংগী খুত্থাংদা ইনফ্রাস্ত্রকচর পাকথোক চাউথোকহনবা অমসুং ক্লিন ইনর্জীগী খোঙথাংশিং পায়খৎপদা, পেত্রোলিয়ম অমসুং নেচরেল গ্যাস মন্ত্রালয়না ২০২৫ ফাওবদা ইনর্জীগী ফংবগী চাং, শেল চঙবা, তুং কোইবা অমসুং সেক্যুরিতী মপাঙ্গল কনখৎহনবদা চাউনা খুমাং চাউশিল্লে। মসিনা ভারতকী রেসিলিয়েন্ত অমসুং ইনক্লুসিব ইনর্জীগী তুংলমচৎকী খোঙচৎতা মতেং পাংলি।

***