ਕਰਮਚਾਰੀ ਭਵਿੱਖ ਫੰਡ ਸੰਗਠਨ (ਈਪੀਐੱਫਓ) ਨੇ ਕਰਮਚਾਰੀ ਨਾਮਾਂਕਣ ਯੋਜਨਾ (ਈਈਐੱਸ)-2025 ਸ਼ੁਰੂ ਕੀਤੀ ਹੈ, ਜੋ ਕਿ ਇੱਕ ਵਿਸ਼ੇਸ਼ ਵਨ-ਟਾਈਮ ਸੁਵਿਧਾ ਦੇਣ ਵਾਲੀ ਪਹਿਲਕਦਮੀ ਹੈ, ਜਿਸ ਦਾ ਉਦੇਸ਼ ਈਪੀਐੱਫ ਕਵਰੇਜ ਦਾ ਵਿਸਤਾਰ ਕਰਨਾ ਅਤੇ ਗੈਰ-ਪਾਲਣਾ ਦੇ ਪਿਛਲੇ ਮਾਮਲਿਆਂ ਨੂੰ ਇੱਕ ਸਰਲ ਅਤੇ ਮਾਲਕ-ਅਨੁਕੂਲ ਤਰੀਕੇ ਨਾਲ ਨਿਯਮਿਤ ਕਰਨਾ ਹੈ।

ਯੋਜਨਾ ਦੇ ਲਾਭਾਂ ਅਤੇ ਉਪਬੰਧਾਂ ਬਾਰੇ ਮਾਲਕਾਂ ਨੂੰ ਸੂਚਿਤ ਕਰਨ ਲਈ ਇੱਕ ਦੇਸ਼ ਵਿਆਪੀ ਜਾਗਰੂਕਤਾ ਮੁਹਿੰਮ ਸ਼ੁਰੂ ਕੀਤੀ ਗਈ ਹੈ, ਅਤੇ ਈਪੀਐੱਫ ਢਾਂਚੇ ਦੇ ਤਹਿਤ ਠੇਕੇ ਅਤੇ ਆਮ ਕਰਮਚਾਰੀਆਂ ਦੇ ਨਾਮਾਂਕਣ ਨੂੰ ਉਤਸ਼ਾਹਿਤ ਕਰਨ ਲਈ ਵੱਖ-ਵੱਖ ਸਰਕਾਰੀ ਅਧਿਕਾਰੀਆਂ ਨਾਲ ਵੀ ਸੰਪਰਕ ਕੀਤਾ ਗਿਆ ਹੈ। 

ਈਈਸੀ-2025 ਨਵੰਬਰ 2025 ਤੋਂ ਸ਼ੁਰੂ ਹੋਣ ਵਾਲੀ ਛੇ ਮਹੀਨਿਆਂ ਦੀ ਵਿਸ਼ੇਸ਼ ਪਾਲਣਾ ਦੀ ਮਿਆਦ ਪ੍ਰਦਾਨ ਕਰਦਾ ਹੈ, ਜੋ ਮਾਲਕਾਂ ਨੂੰ 1 ਜੁਲਾਈ, 2017 ਤੋਂ 31 ਅਕਤੂਬਰ, 2025 ਤੱਕ ਦੀ ਮਿਆਦ ਦੌਰਾਨ ਈਪੀਐੱਫ ਕਵਰੇਜ ਤੋਂ ਬਾਹਰ ਰਹਿਣ ਵਾਲੇ ਯੋਗ ਕਰਮਚਾਰੀਆਂ ਨੂੰ ਸਵੈ-ਇੱਛਾ ਨਾਲ ਨਾਮਾਂਕਣ ਕਰਨ ਅਤੇ ਪਿਛਲੀਆਂ ਬੇਨਿਯਮੀਆਂ ਨੂੰ ਸੁਧਾਰਨ ਦੀ ਆਗਿਆ ਦਿੰਦਾ ਹੈ। ਈਪੀਐੱਫ ਐਕਟ ਦੇ ਅਧੀਨ ਅਜੇ ਤੱਕ ਸ਼ਾਮਲ ਨਾ ਹੋਣ ਵਾਲੀਆਂ ਸੰਸਥਾਵਾਂ ਇਸ ਮੁਹਿੰਮ ਦੇ ਤਹਿਤ ਕਵਰੇਜ ਲਈ ਅਰਜ਼ੀ ਦੇ ਸਕਦੀਆਂ ਹਨ ਅਤੇ ਬਾਅਦ ਵਿੱਚ ਅਜਿਹੇ ਯੋਗ ਕਰਮਚਾਰੀਆਂ ਦਾ ਨਾਮਾਂਕਣ ਕਰ ਸਕਦੀਆਂ ਹਨ।

ਈਈਸੀ-2025 ਦੇ ਤਹਿਤ, ਉਨ੍ਹਾਂ ਮਾਮਲਿਆਂ ਵਿੱਚ ਜਿੱਥੇ ਕਰਮਚਾਰੀ ਯੋਗਦਾਨ ਪਹਿਲਾਂ ਨਹੀਂ ਕੱਟਿਆ ਗਿਆ ਸੀ, ਮਾਲਕ ਨੂੰ ਸਿਰਫ਼ ਧਾਰਾ 7Q ਦੇ ਤਹਿਤ ਵਿਆਜ, ਲਾਗੂ ਪ੍ਰਸ਼ਾਸਕੀ ਖਰਚੇ, ਅਤੇ 100 ਰੁਪਏ ਦੀ ਇੱਕਮੁਸ਼ਤ ਰਕਮ ਤੱਕ ਸੀਮਿਤ ਸਜ਼ਾਯੋਗ ਜੁਰਮਾਨੇ ਦੇ ਨਾਲ, ਮਾਲਕ ਦੇ ਯੋਗਦਾਨ ਦੇ ਹਿੱਸੇ ਨੂੰ ਜਮ੍ਹਾ ਕਰਨ ਦੀ ਜ਼ਰੂਰਤ ਹੋਵੇਗੀ। ਜਿਸ ਨੂੰ ਈਪੀਐੱਫਓ ​​ਦੇ ਅਧੀਨ ਤਿੰਨੋਂ ਯੋਜਨਾਵਾਂ ਦੇ ਤਹਿਤ ਪੂਰੀ ਪਾਲਣਾ ਮੰਨਿਆ ਜਾਵੇਗਾ।

ਮੁਲਾਂਕਣ ਜਾਂਚ ਦਾ ਸਾਹਮਣਾ ਕਰ ਰਹੀਆਂ ਸੰਸਥਾਵਾਂ ਵੀ ਇਸ ਯੋਜਨਾ ਦੇ ਅਧੀਨ ਯੋਗ ਹਨ। ਇਸੇ ਤਰ੍ਹਾਂ, ਪ੍ਰਧਾਨ ਮੰਤਰੀ ਵਿਕਸਿਤ ਭਾਰਤ ਰੁਜ਼ਗਾਰ ਯੋਜਨਾ ਦੇ ਤਹਿਤ ਲਾਭ ਵੀ ਯੋਗ ਹਨ, ਜੋ ਕਿ ਯੋਜਨਾ ਦੇ ਨਿਯਮਾਂ ਅਤੇ ਸ਼ਰਤਾਂ ਦੇ ਅਧੀਨ ਹਨ।

ਈਪੀਐੱਫਓ ਨੇ ਸਾਰੇ ਮਾਲਕਾਂ ਨੂੰ ਇਸ ਇੱਕ-ਵਾਰੀ ਮਿਲਣ ਵਾਲੇ, ਸਮਾਂ-ਬੱਧ ਮੌਕੇ ਦਾ ਲਾਭ ਲੈਣ ਅਤੇ "ਸਾਰਿਆਂ ਲਈ ਸਮਾਜਿਕ ਸੁਰੱਖਿਆ" ਦੇ ਰਾਸ਼ਟਰੀ ਦ੍ਰਿਸ਼ਟੀਕੋਣ ਵਿੱਚ ਯੋਗਦਾਨ ਪਾਉਣ ਦੀ ਅਪੀਲ ਕੀਤੀ ਹੈ। ਇਸ ਉਦੇਸ਼ ਲਈ, ਈਪੀਐੱਫਓ ​​ਪਛਾਣੇ ਗਏ ਡਿਫਾਲਟ ਮਾਲਕਾਂ ਨਾਲ ਐੱਸਐੱਮਐੱਸ ਅਤੇ ਈ-ਮੇਲ ਰਾਹੀਂ ਸੰਪਰਕ ਕਰੇਗਾ, ਉਹਨਾਂ ਨੂੰ ਈਈਐੱਸ 2025 ਦੀ ਇੱਕ-ਵਾਰੀ ਛੋਟ ਦਾ ਲਾਭ ਲੈ ਕੇ ਆਪਣੇ ਡਿਫਾਲਟ ਨੂੰ ਨਿਯਮਿਤ ਕਰਨ ਲਈ ਉਤਸ਼ਾਹਿਤ ਕਰੇਗਾ।

***************

ਰਿਣੀ ਚੌਧਰੀ /ਏਕੇ