ভাৰতীয় কাহিনী, সৃষ্টিশীল প্ৰতিভা, সাংস্কৃতিক ঐতিহ্য, আৰু স্বতন্ত্ৰ চলচ্চিত্ৰ নিৰ্মাণৰ বিশ্বব্যাপী প্ৰৱেশ সক্ষম কৰি ভাৰতৰ কোমল শক্তিৰ দিশত অভাৰ-দ্য-টপ (অ’টিটি) খণ্ডই যথেষ্ট অৰিহণা যোগাইছে।

উদ্যোগৰ অনুমান অনুসৰি (এফআইচিচিআই-ইৱাই মিডিয়া আৰু মনোৰঞ্জন উদ্যোগৰ প্ৰতিবেদন ২০২৫) ২০২৪ চনত ভিডিঅ’ চাবস্ক্ৰিপচনৰ ৰাজহ ১১% বৃদ্ধি পাই ৯,২০০ কোটি টকা হয়। অ’টিটিত ষ্ট্ৰীমিং কন্টেন্টৰ বাবে ধন দিয়া ব্যৱহাৰকাৰীৰ সংখ্যা ৯.৫-১১.৮ কোটি ব্যক্তিৰ ভিতৰত অনুমান কৰা হৈছে।

পাব্লিক ব্ৰডকাষ্টাৰৰ প্লেটফৰ্ম ৱেভছ অ’টিটি-এ দূৰদৰ্শন আৰু অল ইণ্ডিয়া ৰেডিঅ’ৰ চহকী আৰ্কাইভ, আঞ্চলিক কলা, তথ্যচিত্ৰ, শাস্ত্ৰীয় সংগীত, সাহিত্যভিত্তিক অনুষ্ঠান, আৰু বহুভাষিক বিষয়বস্তু বিশ্বজুৰি দৰ্শকৰ বাবে সুলভ কৰি এই প্ৰসাৰক আৰু অধিক শক্তিশালী কৰিছে।

ৱেভছ অ’টিটি-এ উদীয়মান চলচ্চিত্ৰ নিৰ্মাতা আৰু সৃষ্টিকৰ্তাসকলক সহায় কৰিবলৈ এক কাঠামো প্ৰৱৰ্তন কৰিছে, তেওঁলোকক বিভিন্ন বিশ্বব্যাপী দৰ্শকৰ মাজলৈ যাবলৈ প্ৰযুক্তি-চালিত বিতৰণ মঞ্চ প্ৰদান কৰিছে।

ৱেভছ অ’টিটি মূলতঃ এটা চাবস্ক্ৰিপচন-মুক্ত ৰাজহুৱা সেৱা মঞ্চ আৰু ই কোনো চাবস্ক্ৰিপচন-ভিত্তিক মডেলত কাম নকৰে। বিজ্ঞাপনেই ইয়াৰ ৰাজহৰ মূল উৎস। ই সমগ্ৰ ভাৰত আৰু বিশ্বজুৰি ৰাজহুৱা সম্প্ৰচাৰৰ বিষয়বস্তুৰ প্ৰৱেশ গণতান্ত্ৰিক কৰাৰ ওপৰত গুৰুত্ব আৰোপ কৰে।

বৰ্তমান এই প্লেটফৰ্মটো বৃদ্ধি আৰু সম্প্ৰসাৰণৰ পৰ্যায়ত আছে, আন্তঃৰাষ্ট্ৰীয় ব্যৱহাৰকাৰীৰ ফুটপ্ৰিণ্ট ক্ৰমাগতভাৱে বৃদ্ধি পাইছে। আন্তঃৰাষ্ট্ৰীয় বজাৰৰ পৰা ৰাজহৰ ধাৰাসমূহ কৌশলগত অংশীদাৰিত্বৰ জৰিয়তে ক্ৰমান্বয়ে বিকশিত কৰা হৈছে।

ব্যৱহাৰকাৰী বৃদ্ধিয়ে আৰম্ভণিৰ প্ৰথম বছৰত ৮০ লাখতকৈ অধিক ডাউনলোড ব্যৱহাৰকাৰীৰ সৈতে উল্লেখযোগ্য উৰ্ধমুখী ধাৰা দেখুৱাইছে। ইয়াৰ দ্বাৰা ডিজিটেল প্লেটফৰ্মত বহুভাষিক ভাৰতীয় বিষয়বস্তু আৰু জনসেৱা মাধ্যমৰ বৰ্ধিত চাহিদা প্ৰতিফলিত হৈছে।

চিনেমাট’গ্ৰাফ আইন, ১৯৫২ (২০২৩ চনত সংশোধিত)ৰ নতুনকৈ সন্নিৱিষ্ট কৰা ধাৰা ৭(১বি)(ii)ৰ জৰিয়তে কেন্দ্ৰীয় চৰকাৰক তথ্য প্ৰযুক্তি আইন, ২০০০ৰ ধাৰা ৭৯(৩)ৰ অধীনত পাইৰেটেড ফিল্মৰ বিষয়বস্তু আয়োজন কৰা মধ্যস্থতাকাৰীৰ বিৰুদ্ধে প্ৰতিকাৰমূলক ব্যৱস্থা গ্ৰহণৰ ক্ষমতা প্ৰদান কৰা হৈছে।

এই তথ্য শ্ৰীমতী পুনমবেন হেমতভাই মাদমৰ প্ৰশ্নৰ উত্তৰত আজি লোকসভাত দাখিল কৰে তথ্য আৰু সম্প্ৰচাৰ ৰাজ্যিক মন্ত্ৰী ড° এল মুৰুগানে।

******

Mahesh Kumar / Vivek Vishwash/AA