শেনমিৎলোন্দা মন্ত্রীমন্দলগী মীফম (সি.সি.ই.এ.)
মন্ত্রীমন্দলনা লৌরোক ২০২৬ গী য়ুবী অকংবগী মিনিমম সপোর্ত প্রাইজ অয়াবা পীখ্রে
प्रविष्टि तिथि:
12 DEC 2025 4:20PM by PIB Imphal
প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা লৌরোক ২০২৬ গী য়ুবী অকংবগী মিনিমম সপোর্ত প্রাইজ (এম এস পি) অয়াবা পীখ্রে। লৌমীশিংদা চুনবা মমলশিং ফংহন্নবা, কেন্দ্রগী বজেত ২০১৮-১৯ দা, অয়াবা পীখ্রবা মহৈ-মরোংশিংদা ভারত পুম্নমক্কী ওইনা পোৎথোক পুথোকপদা চঙবা অপুনবা শেনফমগী য়ামদ্রবা শরুক ১.৫ গী থাকশিংদা এম.এস.পি পীনবা সরকারনা লাউথোকখ্রে। মিলদা চপখায়রবা য়ুবী অকংবা মকুপ কুইন্তল অমদা লুপা ১২,০২৭ অমসুং য়ুবী অকংবা মপুম কুইন্তল অমদা লুপা ১২,৫০০ লৌরোক ২০২৬ গী ওইনা এম.এস.পি ওইনবা লেপ্লে।
লৌরোক ২০২৬ গী এম.এস.পি অসি হৌখিবা লৌরোক্তগী মিলদা চপখায়রবা য়ুবী অকংবা মকুপ কুইন্তল অমদা লুপা ৪৪৫ অমসুং য়ুবী অকংবা মপুম কুইন্তল অমদা লুপা ৪০০ হেনগৎলে। লৌরোক ২০১৪ দা মিলদা চপখায়রবা য়ুবী অকংবা মকুপ কুইন্তল অমদা লুপা ৫,২৫০ অমসুং য়ুবী অকংবা মপুম কুইন্তল অমদা লুপা ৫,৫০০ গী এম.এস.পি লৈরম্বদগী সরকারনা লৌরোক ২০২৬ দা মিলদা চপখায়রবা য়ুবী অকংবা মকুপ কুইন্তল অমদা লুপা ১২,০২৭ অমসুং য়ুবী অকংবা মপুম কুইন্তল অমদা লুপা ১২,৫০০ ওইনবা লেপ্লে, মসি চাদা ১২৯ অমসুং ১২৭ হেনগৎলবনি।
এম.এস.পি হেনগৎলকপা অসিনা য়ুবী থাবা লৌমীশিংদা শেন্দোং হেন্না ফংহনবা খক নত্তনা লৈবাক মনুং অমসুং মপানগী লৈবাকশিংদা য়ুবীগী পোৎথোকশিং পাম্নবা হেনগৎলক্লিবা অসি ফংহনবা ঙম্নবা য়ুবী অকংবা হেন্না পুথোক্নবা লৌমীশিংদা মতেং পাংলে।
প্রাইজ সপোর্ত স্কিম (পি এস এস) গী মখাদা নেসনেল এগ্রিকলচরেল কোওপরেতিপ মার্কেত্তিং ফেদেরেসন ওফ ইন্দিয়া (নাফেদ) অমসুং নেসনেল কোপরেতিপ কঞ্জুমরস ফেদেরেসন (এন সি সি এফ) না মখা তানা য়ুবী অকংবা লৈনবা সেন্ত্রেল নোদেল এজেন্সিশিং ওইনা থবক তৌখিগনি।
***
(रिलीज़ आईडी: 2204032)
आगंतुक पटल : 12
इस विज्ञप्ति को इन भाषाओं में पढ़ें:
Marathi
,
Tamil
,
Telugu
,
Kannada
,
Bengali
,
Bengali-TR
,
Odia
,
English
,
Urdu
,
हिन्दी
,
Assamese
,
Punjabi
,
Gujarati
,
Malayalam