ا قتصادی امور کی کابینہ کمیٹی
کابینہ نے 2026 سیزن کےناریل کے لیے کم از کم امدادی قیمت کی منظوری دی
प्रविष्टि तिथि:
12 DEC 2025 4:20PM by PIB Delhi
وزیراعظم جناب نریندر مودی کی صدارت میں اقتصادی امور کی کابینہ کمیٹی نے 2026 کے سیزن کے لیے ناریل (کھوپرا) کی کم از کم امدادی قیمت (ایم ایس پی) کو منظوری دے دی ہے۔ کاشتکاروں کو مناسب قیمتیں فراہم کرنے کے لیے حکومت نے 19-2018 کے مرکزی بجٹ میں اعلان کیا تھا کہ تمام مجاز فصلوں کی ایم ایس پی کم از کم تمام بھارت کے اوسط پیداواری لاگت کے 1.5 گنا سطح پر مقرر کی جائے گی۔ سال 2026 کے سیزن کے لیے ملنگ کھوپرا کے مناسب اوسط معیار (فیئر ایوریج کوالٹی) کی ایم ایس پی 12,027 روپے فی من اور بال کھوپرا کی ایم ایس پی12,500 روپے فی من مقرر کی گئی ہے۔
سال 2026 کے سیزن کے لیے ایم ایس پی میں پچھلے سیزن کے مقابلے میں ملنگ کھوپرا کے لیے فی من 445 روپے اور بال کھوپرا کے لیے فی من 400 روپے کا اضافہ کیا گیا ہے۔حکومت نے 2014 کے مارکیٹنگ سیزن میں ملنگ کھوپرا اور بال کھوپرا کی ایم ایس پی بالترتیب 5,250 روپے فی من اور 5,500 روپے فی من سے بڑھا کر 2026 کے مارکیٹنگ سیزن کے لیے12,027 روپے فی من اور 12,500 روپے فی من مقرر کی ہے، جو بالترتیب129 فیصد اور 127 فیصد اضافے کو ظاہر کرتی ہے۔
زیادہ ایم ایس پی نہ صرف ناریل کے کاشتکاروں کو بہتر مالی منافع فراہم کرے گی بلکہ کاشتکاروں کو یہ ترغیب بھی دے گی کہ وہ ناریل کی مصنوعات کی بڑھتی ہوئی ملکی اور بین الاقوامی مانگ کو پورا کرنے کے لیے کھوپرا کی پیداوار میں اضافہ کریں۔
نیشنل ایگریکلچرل کوآپریٹو مارکیٹنگ فیڈریشن آف انڈیا لمیٹڈ (این اے ایف ای ڈی) اور نیشنل کوآپریٹو کنزیومرز فیڈریشن (این سی سی ایف) امدادی قیمت اسکیم (پی ایس ایس ) کے تحت کھوپرا کی خریداری کے لیے مرکزی نوڈل ایجنسی ( سی این اے) کے طور پر کام جاری رکھیں گے۔
****
ش ح۔ش ت۔ش ت
U NO: 3041
(रिलीज़ आईडी: 2203031)
आगंतुक पटल : 13
इस विज्ञप्ति को इन भाषाओं में पढ़ें:
Marathi
,
Tamil
,
Telugu
,
Kannada
,
Bengali
,
Odia
,
English
,
हिन्दी
,
Assamese
,
Punjabi
,
Gujarati
,
Malayalam