പ്രധാനമന്ത്രിയുടെ ഓഫീസ്
2001-ലെ പാർലമെന്റ് ആക്രമണത്തിലെ രക്തസാക്ഷികൾക്കു ശ്രദ്ധാഞ്ജലിയർപ്പിച്ച് പ്രധാനമന്ത്രി
പോസ്റ്റഡ് ഓണ്:
13 DEC 2025 11:46AM by PIB Thiruvananthpuram
2001 ഡിസംബർ 13-ന് ഇന്ത്യയുടെ പാർലമെന്റിനു നേർക്കുണ്ടായ ഹീനമായ ഭീകരാക്രമണത്തിൽ രാജ്യത്തെ സംരക്ഷിക്കുന്നതിനിടെ വീരമൃത്യുവരിച്ച ധീരരായ സുരക്ഷാ ഉദ്യോഗസ്ഥർക്കു പ്രധാനമന്ത്രി ശ്രീ നരേന്ദ്ര മോദി ഇന്നു ശ്രദ്ധാഞ്ജലിയർപ്പിച്ചു.
കർത്തവ്യനിർവഹണത്തിനിടെ ജീവൻ ത്യജിച്ചവരെ രാഷ്ട്രം അങ്ങേയറ്റം ആദരവോടെ സ്മരിക്കുന്നു എന്നു പ്രധാനമന്ത്രി പറഞ്ഞു. ഗുരുതരമായ അപകടസാഹചര്യങ്ങൾ നേരിടുമ്പോഴുള്ള അവരുടെ ധൈര്യവും ജാഗ്രതയും അചഞ്ചലമായ ഉത്തരവാദിത്വബോധവും ഓരോ പൗരനും എക്കാലവും പ്രചോദനമായി തുടരുമെന്നും അദ്ദേഹം പറഞ്ഞു.
എക്സ് പോസ്റ്റിൽ ശ്രീ മോദി കുറിച്ചതിങ്ങനെ:
“2001-ൽ നമ്മുടെ പാർലമെന്റിനു നേർക്കുണ്ടായ ഹീനമായ ഭീകരാക്രമണത്തിൽ വീരമൃത്യു വരിച്ചവരെ ഇന്നു നമ്മുടെ രാഷ്ട്രം സ്മരിക്കുകയാണ്. ഗുരുതരമായ അപകടസാഹചര്യങ്ങൾ നേരിടുമ്പോഴുള്ള അവരുടെ ധൈര്യവും ജാഗ്രതയും അചഞ്ചലമായ ഉത്തരവാദിത്വബോധവും ശ്രദ്ധേയമായിരുന്നു. അവരുടെ പരമോന്നത ത്യാഗത്തിന് ഇന്ത്യ എക്കാലവും കടപ്പെട്ടിരിക്കും.”
-SK-
( റിലീസ് ഐ.ഡി: 2203426)
സന്ദര്ശക കൗണ്ടര് : 43
ഈ റിലീസ് വായിക്കുക:
Telugu
,
Marathi
,
Tamil
,
Kannada
,
Manipuri
,
Bengali
,
Bengali-TR
,
Odia
,
English
,
Urdu
,
हिन्दी
,
Assamese
,
Punjabi
,
Gujarati