الیکٹرانکس اور اطلاعاتی ٹیکنالوجی کی وزارت (ایم ای آئی ٹی وائی)کے تحت نیشنل ای-گورننس ڈویژن (این ای جی ڈی)نے وزارت خارجہ (ایم ای اے)کے تعاون سے ڈیجی لاکر پلیٹ فارم پر پاسپورٹ  کی تصدیق  کےریکارڈ (پی وی آر) کو فعال کرنے کے ذریعے شہری خدمات  کے عمل میں مزید بہتری کا اعلان کیا ہے۔  ڈیجی لاکر ڈیجیٹل انڈیا پروگرام کے تحت ایک محفوظ ، کلاؤڈ پر مبنی پلیٹ فارم ہے جو ڈیجیٹل دستاویزات اور سرٹیفکیٹ کے اجرا ء، اسٹوریج ، شیئرنگ اور تصدیق کے قابل بناتا ہے۔

یہ پہل شہریوں کے لیے دستاویز کے انتظام کو آسان بنا کر اور فزیکل ریکارڈ پر انحصار کو کم کرکے ڈیجیٹل انڈیا کے وژن کو آگے بڑھانے کی طرف ایک اہم قدم ہے۔  اس انضمام کے ساتھ، پاسپورٹ کی تصدیق کے ریکارڈ کو اب ڈیجی لاکر ایکونظام کے اندر محفوظ طریقے سے رسائی، اسٹوریج، اشتراک اور ڈیجیٹل طور پر تصدیق کی جا سکتی ہے، جس سے کاغذ کے بغیر، رابطے کے بغیر اور شہریوں پر مرکوز خدمات کی فراہمی کو فروغ حاصل ہوتاہے ۔

کامیاب تصدیق کے بعد، شہری اپنے ڈیجی لاکر اکاؤنٹ کے ‘‘جاری کردہ دستاویزات’’ سیکشن میں اپنے متعلقہ پاسپورٹ  کی تصدیق کا ریکارڈ حاصل کر سکیں گے۔  یہ انضمام شہریوں کے لیے سرکاری طور پر تصدیق شدہ دستاویزات (او وی ڈی) کی سہولت اور رسائی میں اضافہ کرے گا اور اس بات کو یقینی بنائے گا کہ ان کے ریکارڈ ڈیجی لاکر ایکو نظام کے اندر محفوظ، قابل اعتماد اور ڈیجیٹل طور پر قابل تصدیق رہیں ۔

ڈیجی لاکر پر پی وی آر کی دستیابی شہریوں کو متعدد براہ راست فوائد فراہم کرتی ہے:

• سہولت اور کسی بھی وقت رسائی: شہری ویب پورٹل اور موبائل ایپلی کیشن دونوں کے ذریعے کامیاب تصدیق کے بعد اپنے ڈیجی لاکر اکاؤنٹ کے ‘‘جاری کردہ دستاویزات’’ سیکشن سے اپنے پاسپورٹ کی تصدیق کے ریکارڈ تک بغیر کسی رکاوٹ کے رسائی حاصل کر سکیں گے۔
• تیز عمل اور کاغذی کارروائی میں کمی: پی وی آر تک ڈیجیٹل رسائی سے سفر، روزگار اور تعمیل جیسے شعبوں میں تصدیق سے متعلق عمل کو نمایاں طور پر ہموار کرنے کی توقع ہے، جس سے دستی کاغذی کارروائی میں کمی آئے گی اور تصدیق شدہ پاسپورٹ ریکارڈ پر انحصار کرنے والے شہریوں اور اداروں دونوں کے لیے وقت کی بچت ہوگی۔
• محفوظ، چھیڑ چھاڑ سے  پاک اور مستند ریکارڈ: ڈیجی لاکر کے ذریعے دستیاب کرائے گئے پی وی آر ڈیجیٹل شکل میں براہ راست متعلقہ سرکاری نظام کے ذریعے جاری کیے جاتے ہیں، جو ڈیجی لاکر کے محفوظ ڈھانچے کے مطابق صداقت، سالمیت اور چھیڑ چھاڑ کے خلاف تحفظ کو یقینی بناتے ہیں۔
• آسان ڈیجیٹل شیئرنگ اور تصدیق: شہری ڈیجی لاکر کے ذریعے مجاز درخواست دہندگان کے ساتھ اپنے پی وی آر کو ڈیجیٹل طور پر شیئر کر سکیں گے، جس سے فوری، رضامندی پر مبنی رسائی اور تصدیق ممکن ہو سکے گی اور تصدیق شدہ فوٹو کاپیز یا متعدد فزیکل جمع شدہ کاپیز کی ضرورت کو کم کیا جا سکے گا۔
• بغیر کاغذ اور ماحولیات  کے لیے سازگار حکمرانی کے لیے حمایت: پاسپورٹ سے متعلق تصدیق کے ریکارڈ کو مکمل طور پر ڈیجیٹل ورک فلو میں منتقل کرکے، یہ پہل کاغذ کے بغیر حکمرانی ، وسائل کی کارکردگی اور ماحولیاتی طور پر ذمہ دار انتظامی طریقوں کی طرف حکومت کی کوششوں کو آگے بڑھاتا ہے۔

ڈیجی لاکر کے ساتھ پی وی آر کا انضمام شہری خدمات کو جدید بنانے اور ہندوستان کے ڈیجیٹل سرکاری بنیادی ڈھانچے کو مضبوط بنانے میں ایک اہم سنگ میل کی نشاندہی کرتا ہے۔  یہ محفوظ ڈیجیٹل ریکارڈ کو صارف دوست رسائی کے ساتھ جوڑ کر ‘شہری مقدم’ کے نقطہ نظر کو تقویت بخشتا ہے، اس طرح سرکاری عمل میں شفافیت اور اعتماد میں اضافہ ہوتا ہے۔

وزرات خارجہ (ایم ای اے) اورنیشنل ای- گورننس ڈویژن( این ای جی ڈی)،  الیکٹرونکس اور اطلاعاتی ٹیکنالوجی کی وزارت(ایم ای آئی ٹی وائی) کے درمیان تعاون محفوظ اور مؤثر خدمات کی فراہمی کے لیے ڈیجیٹل پلیٹ فارم سے فائدہ اٹھانے کے لیے ایک مکمل حکومتی نقطہ نظر کو اُجاگر کرتا ہے۔  توقع ہے کہ اس اقدام سے تصدیق کو ہموار کرنے، خدمات کی تبدیلی کو بہتر بنانے اور سرکاری اور نجی استعمال کے معاملات میں محفوظ ڈیجیٹل دستاویزات کو اپنانے میں گہرائی لانے سے لاکھوں پاسپورٹ درخواست دہندگان اور ہولڈرز کو فائدہ پہنچے گا۔

********

ش ح۔م ع۔ن ع

U-2397