خواتین و حضرات…

تیار ہوجائیے، فضا میں جوش بھر دیجیے، اور بجائیے زور دار تالیاں!

آئی ایف ایف آئی کا تاج… گولڈن پیکاک… اپنی نئی اُڑان بھرنے کو تیار ہے!

ویتنامی فلم ”اسکن آف یوتھ“ نے شاندار اختتامی تقریب میں آئی ایف ایف آئی کے سب سے باوقار اعزاز ’گولڈن پیکاک‘ برائے بہترین فیچر فلم اپنے نام کر لیا۔ یہ ایوارڈ آج گوا کے ڈاکٹر شیاما پرساد مکرجی انڈور اسٹیڈیم میں منعقد ہونے والی جگمگاتی اختتامی تقریب میں پیش کیا گیا۔

ایوارڈ گوا کے وزیراعلیٰ ڈاکٹر پرمود ساونت اور مرکزی وزیر مملکت برائے اطلاعات و نشریات و پارلیمانی امور ڈاکٹر ایل. مورگن نے مشترکہ طور پر پیش کیا۔

ہدایت کار ایشلی مے فیئر اور پروڈیوسر ٹرن تھی بچ نگوک، ایش می فیئر، اور فران بورجیا کو گولڈن پیکاک ٹرافی، سرٹیفکیٹ، اور 40 لاکھ روپے کی نقد رقم مشترکہ طور پر دی جائے گی۔

🏆 Golden Peacock – Best Feature Film at #IFFI2025 goes to the film 'Skin of Youth' directed by Ash Mayfair,#GoldenPeacock #IFFI56 #IFFIGoa pic.twitter.com/PL77hTZPzF

— PIB in Goa 🇮🇳 (@PIB_Panaji) November 28, 2025

1990 کی دہائی کے سائگون کے پس منظر میں بنائی گئی یہ فلم سان اور نام کے درمیان شدید رومانس کو پیش کرتی ہے۔ سان ایک خواجہ سرا جنسی کارکن ہے جو جنس کی تبدیلی کی سرجری کا خواب دیکھتی ہے، جبکہ نام ایک انڈر گراؤنڈ کیج فائٹر ہے جو اپنے بیٹے کی کفالت کے لیے لڑتا ہے۔ سان ایک عورت کے طور پر زندگی گزارنے کے عزم پر قائم ہے، اور نام اس کی سرجری کے لیے رقم جمع کرنے کی خاطر جان لیوا لڑائیاں برداشت کرتا ہے۔ ان کی محبت کو اُس وقت کڑے امتحانوں کا سامنا کرنا پڑتا ہے جب وہ پرتشدد انڈر گراؤنڈ دنیا، سماجی تعصبات، اور ان تاریک قوتوں سے ٹکراتے ہیں جو ان کے رشتے کو توڑ دینے کی طاقت رکھتی ہیں۔

فلم پر تبصرہ کرتے ہوئے جیوری نے کہا“پہلے ہی فریم سے مسحور کر دینے والی یہ فلم متاثر کن سینیمیٹوگرافی اور جرأت مندانہ پروڈکشن ڈیزائن سے مزین ہے۔ ہدایت کار نے دونوں غیر معمولی مرکزی کرداروں سے شاندار پرفارمنس لی ہے۔ ہر عنصر—دل کو چھو لینے والی موسیقی، مہارت بھری ایڈیٹنگ، اور باریک بینی سے کی گئی تخلیق—بے مثال ہم آہنگی کے ساتھ یکجا ہوتا ہے۔ دلیر اور باہمت، حیرت انگیز اور دیدہ زیب یہ فلم ایک ایسی دنیا میں محبت اور قربانی کو پیش کرتی ہے جس کی جھلک ہم میں سے بہت کم لوگوں نے دیکھی ہے۔ یہ ایک ایسی تخلیق ہے جو مدتوں ہماری یادوں میں زندہ رہے گی۔”

ایک پریس کانفرنس کے دوران فلم کے بارے میں بات کرتے ہوئے ہدایت کار ایشلی مے فیئر نے کہا:“یہ میرے لیے نہایت ذاتی کہانی ہے۔ ہم تین بہن بھائی ہیں اور میرا چھوٹا بہن/بھائی ٹرانس جینڈر ہے۔ یہ فلم اس کے سفر—اس کے وقار، اس کے حقوق، اس کے خوف اور اس کی شناخت—کو بیان کرتی ہے۔ مجھے یقین ہے کہ اس کی کہانی میں ٹرانس جینڈر برادری کے بہت سے لوگ اپنا عکس دیکھیں گے۔”

اس سال پندرہ فکشن فیچر فلمیں، جو عالمی سنیما کے متنوع منظرنامے کی نمائندگی کرتی ہیں، اس باوقار گولڈن پی کاک ایوارڈ کے لیے زیرِ مقابلہ تھیں۔

ٹریلر یہاں دیکھیں:

پریس کانفرنس کے دوران میڈیا کے ساتھ ان کی بات چیت یہاں دیکھیں:

اختتامی تقریب دیکھیں:

آئی ایف ایف آئی کے بارے میں

1952 میں قائم ہونے والا انٹرنیشنل فلم فیسٹیول آف انڈیا (آئی آئی ایف آئی) جنوبی ایشیا کا قدیم ترین اور سب سے بڑا سنیما فیسٹیول ہے۔ قومی فلم ڈیولپمنٹ کارپوریشن (این ایف ڈی سی)، وزارت اطلاعات و نشریات، حکومت ہند اور انٹرٹینمنٹ سوسائٹی آف گوا (ای ایس جی)، حکومتِ گوا کے اشتراک سے منعقد ہونے والا یہ فیسٹیول آج عالمی سنیما کی ایک بڑی پہچان بن چکا ہے—جہاں بحال شدہ کلاسکس دلیرانہ تجربات سے ملتے ہیں، اور عظیم فنکار بے خوف نو آموز ہدایتکاروں کے ساتھ ایک ہی پلیٹ فارم پر نظر آتے ہیں۔آئی ایف ایف آئی کی اصل چمک اس کی متنوع رنگا رنگی میں ہے—بین الاقوامی مقابلے، ثقافتی پروگرام، ماسٹر کلاسز، خراج تحسین کی تقریبات، اور پُرجوش ویوز فلم بازار جہاں آئیڈیاز، معاہدے اور تخلیقی اشتراک کی فضا جنم لیتی ہے۔گوا کے شاندار ساحلی پس منظر میں 20-28 نومبر تک منعقد ہونے والا 56 واں ایڈیشن زبانوں،انواع،اختراعات اور آوازوں کے ایک شاندار میدان عمل کا وعدہ کرتا ہے۔جو عالمی سطح پر ہندوستان کی تخلیقی صلاحیتوں کا ایک عمیق جشن ہے۔

مزید معلومات کے لیے، پر کلک کریں:

FFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

*****

ش ح ۔   م  د ۔  م  ص

(U :  2023 )