#IFFIWood, 28 नोव्‍हेंबर 2025

लेडीस एन्ड जेंटलमेन ...

उबे रावून ताळयांचो गडगडाट करात!

इफ्फीचें मुकुटरत्न, गोल्डन पीकॉक आपलें नवें घरटे सोदपाक सज्ज आसा!

“स्किन ऑफ युथ” ह्या व्हिएतनामी फिल्माक इफ्फी-2025 च्या उत्कृश्ट फिचर फिल्मा खातीर सगळ्यांत प्रतिश्ठीत ‘गोल्डन पीकॉक’ पुरस्कार आयज गोंयांतल्या डॉ.श्यामा प्रसाद मुखर्जी इंडोर स्टेडियमांत जाल्ल्या झिलमिलपी समारोप सुवाळ्यांत फावो जालो.  हो पुरस्कार गोंयचे मुख्यमंत्री डॉ.प्रमोद सावंत आनी केंद्रीय म्हायती आनी प्रसारण आनी संसदीय वेव्हार राज्यमंत्री डॉ. एल. मुरुगनहांचे हस्तुकीं भेटयलो. 

दिग्दर्शक एश्ले मेफेयर आनी निर्मातो ट्रान थी बिच न्गोक.  एश्ले मेफेयर, फ्रैन बोर्गिया गोल्डन पीकॉक पुरस्कार, प्रमाणपत्र आनी 40,00,000 रुपया रोख इनामाचे सह-वाटेकरी.

🏆 Golden Peacock – Best Feature Film at #IFFI2025 goes to the film 'Skin of Youth' directed by Ash Mayfair,#GoldenPeacock #IFFI56 #IFFIGoa pic.twitter.com/PL77hTZPzF

— PIB in Goa 🇮🇳 (@PIB_Panaji) November 28, 2025

१९९० च्या दशकांत सायगॉनांत घडिल्ल्या ह्या सिनेमांत लिंग बदलपाचें शस्त्रक्रिया करपाचें सपन पळोवपी ट्रांसजेंडर सेक्स वर्कर सैन आनी नाम ही एक अंडरग्राउंड केज फाइटर, आपल्या पुताक आदार दिवपा खातीर झगडतात,  हांचे मदलो तीव्र रोमान्स दाखयल्या. सैन बायल म्हणून जगपाचें थारायता , जाल्यार नाम तिच्या शस्त्रक्रिया खातीर पयशे जोडपा खातीर झुंजता. हिंसक अंडरग्राउंड संवसार, समाजीक पूर्वग्रह आनी वायट खिणाक तोंड दितना तांच्या मोगाक खर आव्हानांक तोंड दिवचें पडटा, जाका लागून तांकां तांचे संबंद म्हारग पडता .

ह्या सिनेमाचेर उलयताना जूरीन म्हणलें, "पयल्याच फ्रेम सावन, प्रेरीत छायाचित्रण आनी बोल्ड प्रोडक्शन डिझायनान मनभुलोवपी, दिग्दर्शक दोन उल्लेखनीय लीड्सांतल्यान असामान्य सादरीकरणां दाखयता. दर एक घटक-उत्तेजक संगीत, कुशळ संपादन आनी बारीकसाण कलेन -एकठांय येता. बोल्ड आनी धाडसी, आकर्शक आनी स्टायलीश, हो सिनेमा अश्या संवसारांत मोग आनी बलिदानाचो सोद घेता जाका आमच्यामदलें खूप उणे लोक पळयतात.  हें अशे फिल्म आसा जे येवपी काळात आमच्या मनांत तिगून उरतले.”

हाचे आदीं एका प्रेसरांत ह्या सिनेमा विशीं उलयतना दिग्दर्शकएश्ले मेफेयरान म्हणलें, "ही एक खोलायेन वैयक्तीक काणी. हांव तीन भावंडां मदलो एक, आनी म्हजी धाकटी  भयण एक ट्रांसजेंडर. हो  सिनेमा तिच्या प्रवासाचो सोद घेता - तिचो स्वाभिमान, तिचे हक्क, तिचो भंय आनी तिची वळख. तिच्या काणयेंत ट्रांसजेंडर समाजांतले जायते जाण स्वताक पळयतलेअशे म्हाका दिसता" अशेंय तांणी म्हळें . 

अंदूं जागतीक सिनेमाच्या चैतन्यशील दृश्टीकोनाचें प्रतिनिधित्व करपी पंदरा फिक्शन फिचर फिल्मां ह्या गोल्डन पीकॉक पुरस्कारा खातीर सर्त करताले.

ट्रेलर हांगा पळयात :

पत्रकार परिशदे वेळार प्रसार माध्यमां कडेन तांची संवादाची पद्दत हांगा पळयात:

समारोप सुवाळो पळयात:

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56