آج ’شردھا پنچ شت منوتسو‘، جو کہ شری سمستھان گوکرن پرتاگلی جیوتم مٹھ کے قیام کی500ویں سالگرہ کا جشن ہے، کے موقع پر وزیر اعظم جناب نریندر مودی نے گوا کے کانکون شہر کے اپنے دورے کی جھلکیاں ساجھا کیں۔

وزیر اعظم نے  شری سمستھان گوکرن پرتاگلی جیوتم مٹھ میں پربھو شری رام کے 77 فٹ بلند کانسے کے مجسمے کی رونمائی کی اور مٹھ کے ذریعہ تیار کردہ ’رامائن تھیم پارک گارڈن‘ کا بھی افتتاح کیا۔ وزیر اعظم نے خصوصی ڈاک ٹکٹ اور ایک یادگاری سکہ بھی جاری کیا۔

ایکس پر علیحدہ علیحدہ پوسٹوں میں، جناب مودی نے لکھا:

’’پرتاگلی اور اُڈوپی دونوں مٹھ ایک ہی روحانی  دریا کے چشمے ہیں۔ مجھے یقین ہے کہ عاجزی، ثقافت اور خدمت کی علامتیں یہ درسگاہیں آنے والی نسلوں کو توانائی فراہم کرتی رہیں گی۔‘‘

’’جب گوا کے مندروں اور مقامی روایات کو بحران کا سامنا کرنا پڑا تھا، تب پرتاگلی  مٹھ جیسے اداروں نے آگے بڑھ یہاں کی ثقافتی شناخت کی حفاظت کی۔‘‘

’’ آج بھارت ایک شاندار ثقافتی نشاۃ ثانیہ کا مشاہدہ کر رہا ہے، جس کی صرف ایک نہیں بلکہ کئی مثالیں موجود ہیں… ‘‘

’’شری سمستھان گوکرن پرتاگلی جیوتم مٹھ کے قیام کی 550ویں سالگرہ کے موقع پر کانکون میں ایک یادگار تقریب۔ اس کی چند جھلکیاں ملاحظہ کیجئے۔‘‘

’’شری سمستھان گوکرن پرتاگلی جیوتم مٹھ میں پربھو شری رام کے 77 فٹ بلند مجسمے کی رونمائی کی۔ میں تمام عقیدت مندوں سے یہاں آنے اور یہ مجسمہ ملاحظہ کرنے کی درخواست کرتا ہوں۔ یہ یقیناً ایک بہت خاص تجربہ ہوگا۔‘‘

*****

 (ش ح –ا ب ن- ع ر)

U.No:2017