#IFFIWood, নবেম্বর 28, 2025

ইরিক স্বেন্সননা দিরেক্সন পীবা নোরৱেগী ফিল্ম 'সেফ হাউস' অসি শান্তি, অহিংসা অমসুং ইন্তরকলচরেল দাইলোগ প্রমোৎ তৌবা সিনেমাদা অচৌবা থৌদাং লৌবগীদমক 56শুবা ইন্তরনেস্নেল ফিল্ম ফেস্তিবেল ওফ ইন্দিয়া (IFFI 2025) দা ICFT–UNESCO গান্ধী মেদল পীখ্রে। ফিল্ম অসিগী দিরেক্তর ইরিক স্বেন্সনগী মহুৎ শিন্দুনা এৱার্দ অসি ICFT–UNESCO পেরিসকী ওনররি রিপ্রজেন্তেতিব মনুজ কদামহনা লৌখি। এৱার্দ অসি NFDCগী MD শ্রী প্রকাশ মগদুমনা পীখি।

সন্ত্রেল আফ্রিকান রিপব্লিক্তা ২০১৩গী সিভিল ৱার মনুংদা বেঙ্গুইদা লৈবা দোক্তর্স ৱিথ আউৎ বোর্দরস হোস্পিতাল অমদা পুং 15 চুপ্না চত্থখিবা, "সেফ হাউস" অসি অশেংবা থৌদোকশিংদগী ইথিল ফংলবা, নুংশিরবা দ্রামা অমনি। ফিল্ম অসিনা লানগী মফম অমদা খুদোংচাদবা থৌওং কয়া থেংনরিবা এদ ৱার্করশিংগী তীম অমা ওইনা চেকশিন থৌরাং, থৌনা, অমসুং থৌদাং লৌবগী ইথিলগী মতাংদা নৈনরি। রিয়েল-তাইম ওইনা ৱারী লিবগী খুত্থাংদা, ফিল্ম অসিনা মীওইবগী ৱাখল্লোনগী রেসিলিয়েন্স অমসুং অৱা-অনাগী মরক্তা মীওইবা খুন্নাইবু ঙাক্তুনা থম্নবা হোৎনরিবা মীওইশিংনা থেংনরিবা মোরেল দিলেম্মাশিং অদু উৎলি।

ইন্তর্নেস্নেল কাউন্সিল ফোর ফিল্ম, তেলিভিজন, এন্দ ওদিওভিজুএল কম্ম্যুনিকেসন (ICFT) অমসুং UNESCOগা খুৎশম্নদুনা হৌদোকখিবা এৱার্দ অসিনা তোলরেন্স, ইন্তরকলচরেল দাইলোগ, অমসুং শান্তিগী কলচরগী ৱাখল্লোনশিং উৎলিবা ফিল্মশিংদা ইকায় খুম্নবা উৎলি।

জুরিনা "সেফ হাউস"পু মপাঙ্গল কনবা, অশেংবা মওংদা মোরেল করেজ অমসুং হ্যুমেনিতরিয়ন ভেল্যুশিংবু অকনবা প্রেসরগী মখাদা শন্দোক্না তাকপীবগীদমক থাগৎপা ফোংদোকখি। মসিগা লোয়ননা কলচরেল বোর্দরশিংবু লান্থোকপা ঙম্বগী অমসুং ভাবোক্কা য়াম্না ইমোস্নেল ওইবা থাক্তা শম্নবগীদমক থাগৎপা ফোংদোকখি। ফিল্ম অসিগী রিএল-তাইম নেরেতিব, তশেংবা থৌদোকশিংদা য়ুম্ফম ওইদুনা, কনফ্লিক্ত জোনশিংদা লৈরিবা এদ ৱার্করশিংনা থেংনরিবা ইথিক্সকী দিলেম্মশিং অদু শন্দোক্না তাক্লি, অমসুং নুংশিবা, থৌদাং লৌবা, অমসুং মীওইবগী পুন্সিগী তশেংবা য়ুনিভর্সেল ওইবা হীরমশিংদা মরুওইবা পীরি। মসিগী মপুং ফাবা, সসপেন্স লৈরবা ৱারী লীবা অমসুং কৃস্তিন কুজাথ থোরপকী লীদ পরফোর্মেন্সনা মসিগী ইম্পেক্ত অদু হেন্না মপাঙ্গল কনখৎহনখি, মসিবু ICFT–UNESCO গান্ধী মেদলগীদমক্তা য়াম্না ফজবা চোইস অমা ওইহনখি।

অনৌবা জেনরেসনগী নোরৱে ফিল্মমেকর ওইরিবা ইরিক স্বেন্সননা মমাংদা মহাক্কী ‘ৱান নাইৎ ইন ওস্লো' অমসুং 'হারাজুকু' য়াওনা মহাক্কী হান্নগী থবকশিংগীদমক থাগৎপা ফোংদোকখি। 'সেফ হাউস' অসি 48শুবা গোতেবোরগ ফিল্ম ফেস্তিবেল 2025কী ওপনিং ফিচর ওইনা মালেমদা অহানবা ওইনা উৎখি, মফম অসিদা মসিনা বেস্ত নোর্দিক ফিল্মগীদমক্তা ওদিয়ন্স দ্রেগন এৱার্দ ফংখি।

এৱার্দ অসিনা IFFIনা মালেমগী সিনেমা উৎনবা মিসন অদু ময়েক শেংলে। মসিনা কলচরশিংগী মরক্তা নুংশিবা, অপুনবা অমসুং দাইলোগ তৌবদা মতেং পাংই। মসিনা সমাজশিংগী মরক্তা থোং শেমগৎনবা সিনেমাগী অহোংবা পুরকপা ঙম্বগী থৌদাং অদু উৎলি।

🏅 Safe House directed by Eirik Svensson wins the prestigious ICFT-@UNESCO Gandhi Medal at #IFFI2025!#IFFI56 #IFFIGoa @IndiainNorway pic.twitter.com/kVrpkI4lZG

— PIB in Goa 🇮🇳 (@PIB_Panaji) November 28, 2025

ICFT - UNESCO গান্ধী মেদলগী মরমদা

46শুবা IFFIগী মনুংদা হৌদোকখিবা ICFT-UNESCO গান্ধী মেদল অসিনা আর্তিস্তিক অমসুং সিনেমেতিক স্তেন্দর্দ ৱাংনা লৈবা খক্তা নত্তনা খুন্নাইগী খ্বাইদগী মরু ওইবা হীরমশিংদা ইথিক রিফ্লেক্সন পুক্নিং থৌগৎপা ফিল্মশিংবু ইকায় খুম্নবা উৎলি। সিনেমাগী অহোংবা পুরকপা ঙম্বগী শক্তিগী খুত্থাংদা মীওইবা খুন্নাইগী মান্নবা মগুনশিংবু হেন্না চেৎশিলহন্নবা এৱার্দ অসি শেমখিবনি।

ICFT-UNESCO গান্ধী মেদল অসি এৱার্দ অমখক্তা নত্তে। মসি ইথিল পীনবা, এজুকেৎ তৌনবা অমসুং অমত্তা ওইহন্নবা ফিল্মগী শক্তিগী থৌরম অমনি।

IFFIগী মতাংদা

ইং 1952দা হৌদোকখিবা ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) অসি খা এসিয়াগী খ্বাইদগী লিরবা অমসুং খ্বাইদগী চাউবা সিনেমাগী কুমহৈ অমা ওইরি। ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গী নেস্নেল ফিল্ম দিবেলপমেন্ত কোরপোরেসন (NFDC) অমসুং গোৱাগী এন্তর্তেনমেন্ত সোসাইতী (ESG), গোৱাগী রাজ্য সরকারনা পুন্না শীন-লাংদুনা পাংথোক্লিবা ফেস্তিবেল অসি মালেমগী সিনেমাগী পাৱরহাউস অমা ওইরক্লি। মসিদা নৌনা শেমজিন-শাজিন তৌরবা ক্লাসিকেল ফিল্মশিংগা থৌনা ফরবা এক্সপরিমেন্তশিংগা পুনশিন্নরি। IFFIবু অশেংবা মঙাল ওইহল্লিবা অসি মসিগী ইলেক্ত্রিক মিক্স- ইন্তর্নেস্নেল কম্পিতিতিবশিং, কলচরেল শোকেসশিং, মাস্তর ক্লাসশিং, ত্রিব্যুতশিং, অমসুং হাই-এনর্জী ৱেভস ফিল্ম বাজার, মফম অসিদা ৱাখল্লোনশিং, য়ানচেশিং অমসুং কোলাবোরেসনশিংনা পীনরি। নবেম্বর 20দগী 28 ফাওবা গোৱাগী নীংথিরবা শমুদ্র খোঙবালগী বেকদ্রোফতা পাংথোক্কদবা 56শুবা ইদিসন অসিনা লোল, জোনরা, ইন্নোবেসন, অমসুং ভোইসশিংগী অঙকপা স্পেক্ত্রম অমা অমসুং মালেমগী থাক্তা ভারতকী ক্রিএতিব ব্রিলিয়ান্সকী ইম্মির্সিব সেলেব্রেসন অমা পাংথোক্কনি।

অহেনবা ই-পাউগীদমক্তা, মসিদা ক্লিক তৌবীয়ু:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI ৱেবসাইৎ: https://www.iffigoa.org/

PIBগী IFFI মাইক্রোসাইৎ: https://www.pib.gov.in/iffi/56/

PIB IFFIWood ব্রোদকাস্ত চেনেল: https://whatsapp.com/channel/0029VaEiBaML2AU6gnzWOm3F

X হেন্দলশিং: @IFFIGoa, @PIB_India, @PIB_Panaji

* * *