#IFFIWood, 28 नोव्‍हेंबर 2025

एरीक स्वेनसन हांणी दिग्दर्शीत केल्ल्या नॉर्वेच्या “सेफ हाऊस” ह्या सिनेमाक शांतताय, अहिंसा आनी आंतरसंस्कृतीक संवादाक चालना दिवपी सिनेमांतल्या उत्कृश्ट योगदाना खातीर भारतीय 56व्या आंतरराष्ट्रीय चित्रपट महोत्सवांत (IFFI 2025) आयसीएफटी-युनेस्को गांधी पदक फावो जालां.हो पुरस्कार मनोज कदम, मानादीक प्रतिनिधी आयसीएफटी–युनेस्को पॅरिस ह्या सिनेमाचो दिग्दर्शक एरिक स्वेनसन हांचे वतीन आनी एमडी, एनएफडीसी, श्री प्रकाश मुग्डूम हांणी सादर केला.

मध्य आफ्रिकन प्रजासत्ताकांतल्या २०१३ इस्वेंत जाल्ल्या यादवी झुजा वेळार बांगींतल्या डॉक्टर्स विदाउट बॉर्डर्स हॉस्पिटलांत भितर १५ वरां भितर घडिल्लें “सुरक्षीत घर” हें खऱ्या घडणुकांनी प्रेरीत जाल्लें एक आकर्शक, मनीसपणाचे नाटक. झुजाच्या वाठारांतल्या अशक्य निवडीं कडेन सहाय्यक कामगारांचो पंगड झगडटा तेन्ना काळजी, धैर्य आनी जापसालदारकेच्या नीतीशास्त्राचो अभ्यास ह्या चित्रपटांत केला. रियल टाईम कथा सांगपाच्या माध्यमांतल्यान ह्या सिनेमांत मनशाच्या आत्म्याची लवचीकता आनी अराजकांतल्यान मनीसपणाची तिगोवन दवरपाचो यत्न करपी लोकांक जे नैतीक दुविधा आसात ताचेर भर दिला

इंटरनॅशनल काउन्सिल फॉर फिल्म, टेलिव्हिजन आनी ऑडियोव्हिज्युअल कम्युनिकेशन (ICFT) आनी युनेस्को हांच्या सहकार्यान स्थापन केल्लो हो पुरस्कार सहिश्णुताय, आंतरसंस्कृतीक संवाद आनी शांततायेची संस्कृताय हांचे आदर्श दाखोवपी चित्रपटांक भोवमान दिता.

अत्यंत दबावा खाला नैतीक धैऱ्य आनी मानवतावादी मुल्यांचें बळिश्ट, प्रामाणीक चित्रण केल्ल्या खातीर, तशेंच सांस्कृतीक मर्यादा हुंपून प्रेक्षकां कडेन खोलायेन भावनीक पांवड्यार जोडपाची तांक आशिल्ल्यान "सुरक्षीत घर" ची जूरीन तोखणाय केली. खऱ्या घडणुकांचेर आदारीत ह्या चित्रपटाच्या रियल-टायम कथनांत संघर्श वाठारांतल्या मदतगारांक मेळपी नैतीक दुविधाचेर भर दिला, तातूंत करुणा, जापसालदारकी आनी मनशाच्या जिविताच्या पवित्रतेच्या सार्वत्रिक विशयांचेर भर दिला. ताची संयमी, सस्पेन्सफुल कथा सांगप आनी क्रिस्टीन कुजाथ थॉर्प हाच्या मुखेल अभिनयान ताचो परिणाम घटमूट केलो, जाका लागून आयसीएफटी-युनेस्को गांधी पदका खातीर ही एक आकर्शक निवड जाली.

नवे पिळगेचो नॉर्वेजियन फिल्म निर्मातो एरिक स्वेनसन हाका हाचे आदीं ताच्या आदल्या कृतीं खातीर तोखणाय मेळ्ळ्या, तातूंत “वन नाईट इन ओस्लो” आनी “हाराजुकू” हांचो आस्पाव जाता. “सेफ हाऊस” 48व्या गोटेबोर्ग फिल्म फेस्टिवल 2025 च्या उक्तावण फीचर म्हणून संवसारीक प्रीमियर जालें, जंय ताका बेस्ट नॉर्डिक फिल्मा खातीर ऑडियन्स ड्रॅगन पुरस्कार फावो जालो

समाजांतल्यान पूल बांदपाची सिनेमाची परिवर्तनकारी शक्त पुष्टी करून, संस्कृताये मदीं करुणा, एकचार आनी संवाद वाडोवपी जागतीक सिनेमा दाखोवपाच्या आयएफएफआयच्या मिशनाचेर हो पुरस्कार भर दिता

🏅 Safe House directed by Eirik Svensson wins the prestigious ICFT-@UNESCO Gandhi Medal at #IFFI2025!#IFFI56 #IFFIGoa @IndiainNorway pic.twitter.com/kVrpkI4lZG

— PIB in Goa 🇮🇳 (@PIB_Panaji) November 28, 2025

आयसीएफटी - युनेस्को गांधी पदका विशीं

46व्या इफ्फी वेळार सुरू जाल्लें आयसीएफटी-युनेस्को गांधी पदक फकत उंचेले कला आनी सिनेमाचे दर्जेचेच न्हय तर समाजाच्या चड गरजेच्या प्रस्नांचेर नैतीक चिंतन करपाक प्रोत्साहन दिवपी चित्रपटांचो भोवमान करता. सिनेमाच्या परिवर्तनकारी शक्ती वरवीं मनीसपणाच्या वांटून घेतिल्ल्या मुल्यांची खोलायेन समजूत वाडोवपा खातीर हो पुरस्कार तयार केल्लो.

आयसीएफटी युनेस्को गांधी पदक फकत पुरस्कार न्हय; प्रेरणा, शिक्षण आनी एकवटीत करपाच्या चित्रपटाच्या बळग्याचो तो उत्सव.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56